Ekleziyaste 7
7
Mipimiso madingano ni wutomi
1Ndinene kuva ni nduma ya yinene, kupinda mafura o bhumula; ni ditshiku da kufa kupinda ditshiku da kuvelekwa ka m'thu.
2I txhuko kuya nyumbani ka madila, kupinda kuya nyumbani ka m'buso wa hombe, nguko nguho ku wonekako magwito a votshe vathu; se ni vale va hanyako va fanela kutipima timbiluni kwawe.
3I txhuko xomulo kupinda maseko, nguko mbilu yi basiswa ngu si si thuvikisako khohe.
4Timbilu ta titxhari ti nyumbani ka madila, aniko timbilu ta siphukuphuku ti nyumbani ka litsako.
5I txhuko kuengisa kukawukwa ngu txhari, kupinda kuengisela ndando ya txiphukuphuku.
6Nguko diguwa da kuseka ka txiphukuphuku di fana ni kutuma ka mipa, yi yi dhivelwako hahatshi ka khadi; eto ni tona mbukanganyisi.
7Ngu ditshuri kukhinyavezwa ka bharukisa titxhari, ni kuxavelela ka onha mbilu ya m'thu.
8I txhuko magwito ka timhaka, kupinda makhatoni ka tona; ni kutimisela ngunene kupinda kutiguleta ngu mbilu.
9U nga kuluvete kuhenya moyani kwako, nguko kuhenya kuzumba hagari ka siphukuphuku.
10U nge khawe: Ngu kutxani masiku a kale ma nga ti txhuko kupinda awa kani? Nguko eto ngu wutxhari khu na mbi dhuka u ti wotisa.
11Wutxhari mbunene kufana ni thomba, ka wona va mana txokari avale va wonako ditambo. 12Nguko wutxhari mtsudi, kufana ni male i ku mtsudi; aniko wunene wa wutxhari ngu ti taku, wa ninga wutomi ka nyamne wa wona.
13Wonisisa mthumo wa Txizimu; nguko i mani a nga lulametako asi txi nga si maha si di gombonyekile kani? 14Tsaka ngu ditshiku da makatekwa, aniko alakanya ditshiku da xomulo; nguko masiku awa, ngu wumbidi wa ona, ma mahilwe ngu Txizimu, kasi ku m'thu asi zivi ti ti no humelela msana kwakwe.
15Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe. 16U nga ti mahe wo lulama kupinda mpimo, hambi ku ti maha wo txhariha kupinda mpimo; nguko u na ti hoxotela txani upune kani? 17U nga ti mahe m'bihi wo pindisa, hambi kuva txiphukuphuku; nguko u na fela txani hahanze ka mbimo yako kani? 18Ndinene ku u txi ti veketa eto, kambe u nga thavise dianza dako ka tona; nguko awule a thavako Txizimu wa huluka ka totshe eto.
19Wutxhari wa tsanisa txhari, kupinda digumi da vathangeli va manekako didhoropani kumweko.
20Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.
21Ni ka kudotho, u nga engisele otshe mapswi ale ma wombwako, kasi ku u si dhuki upfa taku txithumi txako txa kuruketela. 22Nguko mbilu yako ni yona se yi ti tshanzile ko tala, yi txi awe u ruketete vamwani.
23Totshe eto ni wotisete ngu wutxhari, ni txi khani: Ni na mana Wutxhari; aniko wutxhari wu ngadi kule ni nani. 24Asile si nga ti tshimile si kule; i mani a nga si manako kani? 25Ni to tshumela ni ningetetela mbilu yangu ka kuziva, ni kuxolisisa, ni kulava wutxhari, ni ditshuri, ni kuziva wuphukuphuku wa kubiha, ni ti to wuphukuphuku ngu xanga.
26Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene. 27Wonani ti ni nga ti mana, kuwomba M'gondisi, e xola tximwetxo ni tximetxo, kasi kumana txivangelo, 28txivangelo txi txi ku ngadi txi xotwa ngu moya wangu, kha na txi mana; hagari ka 1.000 wa vavamna, ni to mana mmweyo, aniko hagari ka votshe vavasikati vava, kha na mana ni wammweyo. 29Wonani mhaka yi ni nga yi mana dwe, ngu yiya: Txizimu txi vangile m'thu a di lulamile, aniko ene a ti lavete so tala.
Currently Selected:
Ekleziyaste 7: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ekleziyaste 7
7
Mipimiso madingano ni wutomi
1Ndinene kuva ni nduma ya yinene, kupinda mafura o bhumula; ni ditshiku da kufa kupinda ditshiku da kuvelekwa ka m'thu.
2I txhuko kuya nyumbani ka madila, kupinda kuya nyumbani ka m'buso wa hombe, nguko nguho ku wonekako magwito a votshe vathu; se ni vale va hanyako va fanela kutipima timbiluni kwawe.
3I txhuko xomulo kupinda maseko, nguko mbilu yi basiswa ngu si si thuvikisako khohe.
4Timbilu ta titxhari ti nyumbani ka madila, aniko timbilu ta siphukuphuku ti nyumbani ka litsako.
5I txhuko kuengisa kukawukwa ngu txhari, kupinda kuengisela ndando ya txiphukuphuku.
6Nguko diguwa da kuseka ka txiphukuphuku di fana ni kutuma ka mipa, yi yi dhivelwako hahatshi ka khadi; eto ni tona mbukanganyisi.
7Ngu ditshuri kukhinyavezwa ka bharukisa titxhari, ni kuxavelela ka onha mbilu ya m'thu.
8I txhuko magwito ka timhaka, kupinda makhatoni ka tona; ni kutimisela ngunene kupinda kutiguleta ngu mbilu.
9U nga kuluvete kuhenya moyani kwako, nguko kuhenya kuzumba hagari ka siphukuphuku.
10U nge khawe: Ngu kutxani masiku a kale ma nga ti txhuko kupinda awa kani? Nguko eto ngu wutxhari khu na mbi dhuka u ti wotisa.
11Wutxhari mbunene kufana ni thomba, ka wona va mana txokari avale va wonako ditambo. 12Nguko wutxhari mtsudi, kufana ni male i ku mtsudi; aniko wunene wa wutxhari ngu ti taku, wa ninga wutomi ka nyamne wa wona.
13Wonisisa mthumo wa Txizimu; nguko i mani a nga lulametako asi txi nga si maha si di gombonyekile kani? 14Tsaka ngu ditshiku da makatekwa, aniko alakanya ditshiku da xomulo; nguko masiku awa, ngu wumbidi wa ona, ma mahilwe ngu Txizimu, kasi ku m'thu asi zivi ti ti no humelela msana kwakwe.
15Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe. 16U nga ti mahe wo lulama kupinda mpimo, hambi ku ti maha wo txhariha kupinda mpimo; nguko u na ti hoxotela txani upune kani? 17U nga ti mahe m'bihi wo pindisa, hambi kuva txiphukuphuku; nguko u na fela txani hahanze ka mbimo yako kani? 18Ndinene ku u txi ti veketa eto, kambe u nga thavise dianza dako ka tona; nguko awule a thavako Txizimu wa huluka ka totshe eto.
19Wutxhari wa tsanisa txhari, kupinda digumi da vathangeli va manekako didhoropani kumweko.
20Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.
21Ni ka kudotho, u nga engisele otshe mapswi ale ma wombwako, kasi ku u si dhuki upfa taku txithumi txako txa kuruketela. 22Nguko mbilu yako ni yona se yi ti tshanzile ko tala, yi txi awe u ruketete vamwani.
23Totshe eto ni wotisete ngu wutxhari, ni txi khani: Ni na mana Wutxhari; aniko wutxhari wu ngadi kule ni nani. 24Asile si nga ti tshimile si kule; i mani a nga si manako kani? 25Ni to tshumela ni ningetetela mbilu yangu ka kuziva, ni kuxolisisa, ni kulava wutxhari, ni ditshuri, ni kuziva wuphukuphuku wa kubiha, ni ti to wuphukuphuku ngu xanga.
26Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene. 27Wonani ti ni nga ti mana, kuwomba M'gondisi, e xola tximwetxo ni tximetxo, kasi kumana txivangelo, 28txivangelo txi txi ku ngadi txi xotwa ngu moya wangu, kha na txi mana; hagari ka 1.000 wa vavamna, ni to mana mmweyo, aniko hagari ka votshe vavasikati vava, kha na mana ni wammweyo. 29Wonani mhaka yi ni nga yi mana dwe, ngu yiya: Txizimu txi vangile m'thu a di lulamile, aniko ene a ti lavete so tala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.