Ekleziyaste 6
6
1Ku ni wubihi wokari ni khalako ku wu wona hahatshi ka ditambo, wu tolovelako kumaneka hagari ka vathu: 2M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata. 3Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene. 4Nguko a tile walo, a mwalalela txidemani, ni ditina dakwe di fenengetilwe ngu txidema. 5Se kha wona ditambo, hambi ku di ziva, aniko wa mana kuhumula kupinda wule mmwani. 6Ngu ditshuri, hambi idiku o hanya kumbidi 1.000 wa malenbe, aniko asi tsakiswi ngu txilo, ina votshe kha vayi ka wukhalo wumwewo kani?
7Wotshe mthumo wa m'thu wu lumba txisofu txakwe, hambi keto, kunavela kwakwe kha ku enelelwi. 8Nguko, nji txani yi ku natxo txhari kupinda txiphukuphuku kani? Niku txi vhuneka ngu txani txisiwana txile txi zivako matsimbilelo masoni ka vale va hanyako kani? 9I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.
10Ni txihi txi txi kuho, txi rayilwe ditina ngu kale, kambe ta zivaneka taku i m'thu, ni ti to kha na mbi thuka e kanetisana ni wule a mpindako ngu mtamo. 11I ti ditshuri ti to ku ni so tala si engetelako wukanganyisi, nji txani txa txhuko kambe a ku natxo m'thu kani? 12Nguko i mani a zivako ti i ku ta tinene kuhanyani ka m'thu, ka otshe masiku a wukanganyisi wakwe, ale ma pindako kufana ni mtsundi kani? Nguko i mani a nga zivisako ka m'thu, tile ti no humelela hahatshi ka ditambo msana kwakwe kani?
Currently Selected:
Ekleziyaste 6: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ekleziyaste 6
6
1Ku ni wubihi wokari ni khalako ku wu wona hahatshi ka ditambo, wu tolovelako kumaneka hagari ka vathu: 2M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata. 3Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene. 4Nguko a tile walo, a mwalalela txidemani, ni ditina dakwe di fenengetilwe ngu txidema. 5Se kha wona ditambo, hambi ku di ziva, aniko wa mana kuhumula kupinda wule mmwani. 6Ngu ditshuri, hambi idiku o hanya kumbidi 1.000 wa malenbe, aniko asi tsakiswi ngu txilo, ina votshe kha vayi ka wukhalo wumwewo kani?
7Wotshe mthumo wa m'thu wu lumba txisofu txakwe, hambi keto, kunavela kwakwe kha ku enelelwi. 8Nguko, nji txani yi ku natxo txhari kupinda txiphukuphuku kani? Niku txi vhuneka ngu txani txisiwana txile txi zivako matsimbilelo masoni ka vale va hanyako kani? 9I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.
10Ni txihi txi txi kuho, txi rayilwe ditina ngu kale, kambe ta zivaneka taku i m'thu, ni ti to kha na mbi thuka e kanetisana ni wule a mpindako ngu mtamo. 11I ti ditshuri ti to ku ni so tala si engetelako wukanganyisi, nji txani txa txhuko kambe a ku natxo m'thu kani? 12Nguko i mani a zivako ti i ku ta tinene kuhanyani ka m'thu, ka otshe masiku a wukanganyisi wakwe, ale ma pindako kufana ni mtsundi kani? Nguko i mani a nga zivisako ka m'thu, tile ti no humelela hahatshi ka ditambo msana kwakwe kani?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.