Ekleziyaste 2
2
1Ani ni to khani mbiluni kwangu: Ngono, ni ta kuduka ngu kutsaka; ti phine ngu litsako; kambe wona taku eto ni tona i ti ti wunkanganyisi. 2Amu ka maseko ni ti khani: U xangile; se amu ka kutsaka ni ti khani: Kuvhuna txani kani? 3Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.
4Se ni to ti mahela mithumo ya hombe; ni ti akela tinyumba; ni ku ti phayela mivhinya. 5Ni to ti dimela tithembwe, ni phaya ka tona mindonga ya totshe tixaka ta mihando. 6Ni ti mahela sisima sa mati, o theletela ngu ona txitinga txa mindonga yi yi milako. 7Ni xava tikhumbi ta txiwamna ni ta txisikati, ni ve ni sithumi so velekelwa nyumbani kwangu; kambe ni ve ni tithomba tatingi ta tihomu ta mikati, ni tinvuta, kupinda votshe vale va nga maneka Jerusalema, ni sanzi ku va ho. 8#Wona ni ka: 1 Vafu. 10:23-27; 2 Mak. 9:22-27. Ni to ti sengeletela silivhela, ni nzalama, ni tithomba ta vafumeli ni ta matiko a hombe; ni ti lavete vaembeleli va txiwamna ni va txisikati, ni ku ti tsakisa ngu vanana va vathu, ni siya so embelela ngu sona sa totshe tixaka.
9Se ni to kula, ni anda kupinda votshe vale va nga fuma Jerusalema, ni sanzi ku va ho; ni wutxhari wangu wu to simama kwangu. 10Se sotshe si si nga navelwa ngu maso angu, kha na ma lambela, kambe kha na lambela mbilu yangu ka litsako ni lalimwelo; aniko mbilu yangu yi to tsakiswa ngu wotshe mthumo wangu, se atxiya ngu txona txyavelo txangu ka wotshe mthumo wangu. 11Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.
12Sekoko ni to wonisisa kuhambana ka wutxhari, ni lihuhe, ni wuphukuphuku; nguko m'thu wule a londetelako mfumeli, a nga maha txani kani? To fana ni tile vamwani va nga maha. 13Sekoko ni to wona ti to wutxhari mbunene ngutu kupinda wuphukuphuku, kufana ni kule kuwoninga i ku kunene ngutu kupinda txidema. 14Maso a txhari ma ha msungo ka yona, aniko txiphukuphuku txi tsimbila txidemani; kambe ni to ti pfisisa taku votshe va humelelwa ngu mhaka yimweyo. 15Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi. 16Nguko kha ku na mbiswa kambe ku va ni txyalakanyiso txa txhari kupinda txa txiphukuphuku; ka timbimo ti titako, votshe va na divalwa do gwita. Ati txhari yi fisako tona, ni txona txiphukuphuku txi fisa toneto. 17Ngu kumaha keto, ni to nyenya kuhanya kuwa, nguko mthumo wule wu mahwako hahatshi ka ditambo i ti ti wo karata; ina, totshe mbukanganyisi, ni kuxaniseka ka moya.
18Kambe ani ni to nyenya wotshe mthumo wangu, wule ni nga wu maha hahatshi ka ditambo, ngako ni nga txi dingana ku wu siyela m'thu wule a ndi nota msana kwangu. 19Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi. 20Ngu kumaha keto, mbilu yangu yi to guma mtamo, ngu m'thumo wule ni nga tikarata ku wu maha hahatshi ka ditambo. 21Nguko ku ni m'thu wu a mahako mthumo wakwe ngu wutxhari, ni wuzivi, ni ku ti ningela; hambi keto, a na wu siya wu maha thomba ya m'thu wule a nga mbi ti karata ngu txilo ka wona; eto ni tona mbukanganyisi, kambe ngu xaniseka ka hombe. 22Nguko m'thu a bhindula txani kambe ngu wotshe mthumo wakwe, ni kukarateka ka mbilu yakwe, kule a ti karatako ngu kona, hahatshi ka ditambo kani? 23Nguko otshe masiku akwe nga kupandiseka, ni kutikarata kwakwe i xomulo; hambi ni wusiku mbilu yakwe kha yi humuli; eto ni tona mbukanganyisi.
24Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu. 25(Nguko i mani a sikotako kudya, mwendo#2:25 Vaheb. A ndi no kuluveta e tsaka kha kwati. kupinda ani kani?) 26Nguko Txizimu txa ninga wutxhari, ni wuzivi, ni litsako ka m'thu wule i ku mnene masoni ka txona; aniko ka muonhi txi mninga mthumo, kasi ku e sengeletela ni kuwungeletela, se e ninga wule a nga maha ta tinene masoni ka Txizimu. Eto ni tona mbukanganyisi, ni kuxaniseka ka moya.
Currently Selected:
Ekleziyaste 2: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ekleziyaste 2
2
1Ani ni to khani mbiluni kwangu: Ngono, ni ta kuduka ngu kutsaka; ti phine ngu litsako; kambe wona taku eto ni tona i ti ti wunkanganyisi. 2Amu ka maseko ni ti khani: U xangile; se amu ka kutsaka ni ti khani: Kuvhuna txani kani? 3Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.
4Se ni to ti mahela mithumo ya hombe; ni ti akela tinyumba; ni ku ti phayela mivhinya. 5Ni to ti dimela tithembwe, ni phaya ka tona mindonga ya totshe tixaka ta mihando. 6Ni ti mahela sisima sa mati, o theletela ngu ona txitinga txa mindonga yi yi milako. 7Ni xava tikhumbi ta txiwamna ni ta txisikati, ni ve ni sithumi so velekelwa nyumbani kwangu; kambe ni ve ni tithomba tatingi ta tihomu ta mikati, ni tinvuta, kupinda votshe vale va nga maneka Jerusalema, ni sanzi ku va ho. 8#Wona ni ka: 1 Vafu. 10:23-27; 2 Mak. 9:22-27. Ni to ti sengeletela silivhela, ni nzalama, ni tithomba ta vafumeli ni ta matiko a hombe; ni ti lavete vaembeleli va txiwamna ni va txisikati, ni ku ti tsakisa ngu vanana va vathu, ni siya so embelela ngu sona sa totshe tixaka.
9Se ni to kula, ni anda kupinda votshe vale va nga fuma Jerusalema, ni sanzi ku va ho; ni wutxhari wangu wu to simama kwangu. 10Se sotshe si si nga navelwa ngu maso angu, kha na ma lambela, kambe kha na lambela mbilu yangu ka litsako ni lalimwelo; aniko mbilu yangu yi to tsakiswa ngu wotshe mthumo wangu, se atxiya ngu txona txyavelo txangu ka wotshe mthumo wangu. 11Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.
12Sekoko ni to wonisisa kuhambana ka wutxhari, ni lihuhe, ni wuphukuphuku; nguko m'thu wule a londetelako mfumeli, a nga maha txani kani? To fana ni tile vamwani va nga maha. 13Sekoko ni to wona ti to wutxhari mbunene ngutu kupinda wuphukuphuku, kufana ni kule kuwoninga i ku kunene ngutu kupinda txidema. 14Maso a txhari ma ha msungo ka yona, aniko txiphukuphuku txi tsimbila txidemani; kambe ni to ti pfisisa taku votshe va humelelwa ngu mhaka yimweyo. 15Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi. 16Nguko kha ku na mbiswa kambe ku va ni txyalakanyiso txa txhari kupinda txa txiphukuphuku; ka timbimo ti titako, votshe va na divalwa do gwita. Ati txhari yi fisako tona, ni txona txiphukuphuku txi fisa toneto. 17Ngu kumaha keto, ni to nyenya kuhanya kuwa, nguko mthumo wule wu mahwako hahatshi ka ditambo i ti ti wo karata; ina, totshe mbukanganyisi, ni kuxaniseka ka moya.
18Kambe ani ni to nyenya wotshe mthumo wangu, wule ni nga wu maha hahatshi ka ditambo, ngako ni nga txi dingana ku wu siyela m'thu wule a ndi nota msana kwangu. 19Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi. 20Ngu kumaha keto, mbilu yangu yi to guma mtamo, ngu m'thumo wule ni nga tikarata ku wu maha hahatshi ka ditambo. 21Nguko ku ni m'thu wu a mahako mthumo wakwe ngu wutxhari, ni wuzivi, ni ku ti ningela; hambi keto, a na wu siya wu maha thomba ya m'thu wule a nga mbi ti karata ngu txilo ka wona; eto ni tona mbukanganyisi, kambe ngu xaniseka ka hombe. 22Nguko m'thu a bhindula txani kambe ngu wotshe mthumo wakwe, ni kukarateka ka mbilu yakwe, kule a ti karatako ngu kona, hahatshi ka ditambo kani? 23Nguko otshe masiku akwe nga kupandiseka, ni kutikarata kwakwe i xomulo; hambi ni wusiku mbilu yakwe kha yi humuli; eto ni tona mbukanganyisi.
24Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu. 25(Nguko i mani a sikotako kudya, mwendo#2:25 Vaheb. A ndi no kuluveta e tsaka kha kwati. kupinda ani kani?) 26Nguko Txizimu txa ninga wutxhari, ni wuzivi, ni litsako ka m'thu wule i ku mnene masoni ka txona; aniko ka muonhi txi mninga mthumo, kasi ku e sengeletela ni kuwungeletela, se e ninga wule a nga maha ta tinene masoni ka Txizimu. Eto ni tona mbukanganyisi, ni kuxaniseka ka moya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.