Ekleziyaste 1
1
Wutomi mbukanganisi
1Mapswi a m'gondisi, mwana Dhavhidha, mfumeli wa Jerusalema.
2Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi. 3A bhindula txani m'thu ka mthumo wakwe wotshe, awu a wu mahako hahatshi ka ditambo kani?
4Liveleko la pinda, li txi ta limwani; aniko mafu ma zumba ngu ha ku si gwitiko. 5Se ditambo da huma, di tshumela diswa, di tshumelela wukhaloni ka dona, amu di nga huma ngu kona. 6Moya wu pekela wulambwe, wu jika wu ya wuphemba, wu horolokela ka otshe madhawa, wu tshumela kambe wu horolokela. 7Sotshe sinambwana siya lineneni, hambi keto, linene kha li tali; aha minambo yi khukhelako kona yi tshumela yiya koneho. 8Sotshe siya sa karalisa ngutu, aha ko khangaho wo a nga sikota kutxhamusela; maso kha ma kolwi ngu kuwona, hambi tinzeve kha ti kolwi ngu kuengisa. 9Atile ti nga ti tiho, ngu toneto ti no vaho; ni tile ti nga mahwa, eto ti na tshumela ti mahwa; nguko kha ku na txa txiphya hahatshi ka ditambo. 10Txiho txokari txo dingana kuwombwa: Wona, atxi nja txiphya kani? Txi ti tiho kaleko, na athu hi sanzi kuvaho. 11Kha ku na txialakanyiso txa timhaka tile ti nga pinda; hambi txa sile si no vaho, ni sona kha si na mbi va ni txialakanyiso, ka vale va nota ngu msana.
Ati ti ziwako ngu Txhari
12Ani m'gondisi, ni ti ti mfumeli wa va ka Israyeli, kona Jerusalema. 13Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.
14Ni to wonisisa yotshe mithumo yi yi mahwako hahatshi ka ditambo, se ni wona ti to totshe mbukanganyisi, ni kuxaniseka ka moya. 15Atxile txi nga gombonyeka, kha txi na kululamiswa, ni txile txi pwatekako kha txi sikoti kubalwa. 16#Wona ni ka: 1 Vafu. 4:29-31. Ani ni to womba mbiluni kwangu ni txi khani: Wona taku ni ti kulisile, kambe ni ti manete wutxhari, ka votshe vale va nga maneka Jerusalema, ni sanzi ku va ho ani; ngu ditshuri, mbilu yangu yi ningilwe wutxhari ni mapimo ngu mtalo. 17Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya. 18Nguko amu ka wutxhari wawungi ku ni kukarala ngutu; se awule a andisako wuzivi a andisa mthumo.
Currently Selected:
Ekleziyaste 1: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Ekleziyaste 1
1
Wutomi mbukanganisi
1Mapswi a m'gondisi, mwana Dhavhidha, mfumeli wa Jerusalema.
2Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi. 3A bhindula txani m'thu ka mthumo wakwe wotshe, awu a wu mahako hahatshi ka ditambo kani?
4Liveleko la pinda, li txi ta limwani; aniko mafu ma zumba ngu ha ku si gwitiko. 5Se ditambo da huma, di tshumela diswa, di tshumelela wukhaloni ka dona, amu di nga huma ngu kona. 6Moya wu pekela wulambwe, wu jika wu ya wuphemba, wu horolokela ka otshe madhawa, wu tshumela kambe wu horolokela. 7Sotshe sinambwana siya lineneni, hambi keto, linene kha li tali; aha minambo yi khukhelako kona yi tshumela yiya koneho. 8Sotshe siya sa karalisa ngutu, aha ko khangaho wo a nga sikota kutxhamusela; maso kha ma kolwi ngu kuwona, hambi tinzeve kha ti kolwi ngu kuengisa. 9Atile ti nga ti tiho, ngu toneto ti no vaho; ni tile ti nga mahwa, eto ti na tshumela ti mahwa; nguko kha ku na txa txiphya hahatshi ka ditambo. 10Txiho txokari txo dingana kuwombwa: Wona, atxi nja txiphya kani? Txi ti tiho kaleko, na athu hi sanzi kuvaho. 11Kha ku na txialakanyiso txa timhaka tile ti nga pinda; hambi txa sile si no vaho, ni sona kha si na mbi va ni txialakanyiso, ka vale va nota ngu msana.
Ati ti ziwako ngu Txhari
12Ani m'gondisi, ni ti ti mfumeli wa va ka Israyeli, kona Jerusalema. 13Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.
14Ni to wonisisa yotshe mithumo yi yi mahwako hahatshi ka ditambo, se ni wona ti to totshe mbukanganyisi, ni kuxaniseka ka moya. 15Atxile txi nga gombonyeka, kha txi na kululamiswa, ni txile txi pwatekako kha txi sikoti kubalwa. 16#Wona ni ka: 1 Vafu. 4:29-31. Ani ni to womba mbiluni kwangu ni txi khani: Wona taku ni ti kulisile, kambe ni ti manete wutxhari, ka votshe vale va nga maneka Jerusalema, ni sanzi ku va ho ani; ngu ditshuri, mbilu yangu yi ningilwe wutxhari ni mapimo ngu mtalo. 17Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya. 18Nguko amu ka wutxhari wawungi ku ni kukarala ngutu; se awule a andisako wuzivi a andisa mthumo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.