2 Samuwele 9
9
Dhavhidha ni Mefibhosete
1 # Wona ni ka: 1 Sam. 20:15-17. Se Dhavhidha a to khene: Ina ku ni m'thu a nga sala ka nyumba ya ka Sawule, kasi ku ni mmahela wuxinji, ngu mhaka ya kuranda Jonatani kani?
2Se ku ti ti txithumi txa nyumba ya ka Sawule, ditina da txona i ku Zibha; va to ya txi dhana txi ta ka Dhavhidha, mfumeli, se a to ta khene ka txona: Ngawe Zibha kani? Se ene a to khene: Ina, ngani txithumi txako.
3 # Wona ni ka: 2 Sam. 4:4. Se mfumeli a to khene: Ina kha ku nga ni wokari wa nyumba ya Sawule, kasiku ni txi mmahela wuxinji wa Txizimu kani? Sekoko Zibha a to khene ka mfumeli: Aho mwanana wa Jonatani, wo limala minenge.
4Se mfumeli a to khene kwakwe: Ahani kani?
Kambe Zibha a to khene ka mfumeli: Ndiyole waho m'tini ka Makiri, mwana Amiyeli, kona Lo-Dhebhari.
5Sekoko mfumeli Dhavhidha a to rumela vathu veya mteka m'tini ka Makiri, mwana Amiyeli, wa Lo-Dhebhari.
6Se mbimo yile Mefibhosete, mwana Jonatani, mwana Sawule a nga hoka ka Dhavhidha, a to nama e khizama hahatshi; se Dhavhidha a to khene:
Mefibhosete!
Se ene a to khene: Nditxe txithumi txako!
7Se Dhavhidha a to khene kwakwe: U nga thave, nguko ni lava ku ku mahela wuxinji ngu mhaka ya kuranda Jonatani, tate wako. Kambe ni na kutshumetela otshe mapulo a tate wako Sawule, awe u na dyela mezani kwangu masiku otshe.
8Sekoko a to khizama a txi khene:
I mani txithumi txako, aha koza u tikaratela yimbwa yofa, yo fana ni nani kani?
9Sekoko Dhavhidha a to dhana Zibha, mfana wa Sawule, a txi khene kwakwe:
Sotshe sile si nga ti lumba Sawule ni sotshe sa nyumbani kwakwe, ni na si ningela ka mwanana wa nyamne wako. 10U na m'dhimela thembwe koko, awe ni vanana vako, ni sithumi sako, kambe u na tisa mihando ya kona, kasi ku mwanana wa nyamne wako a na mana sakudya; se Mefibhosete, mwanana wa nyamne wako a na dyela mezani kwangu otshe masiku. Zibha a ti ti ni digumi da vanana ni mtxhanu, ni magumi mambidi a sithumi.
11Se Zibha a to khene ka mfumeli: Madingano ni totshe ti mfumeli, nyamne wangu, a leletelako ka txithumi txakwe, txithumi txakwe txi na maha toneto. Kambe Mefibhosete a na dyela mezani kwangu ku nga mmweyo wa vanana va mfumeli.
12Mefibhosete a ti ti ni mwanana wam'dotho, wule ditina dakwe i nga ti Mika; se votshe vale va nga ti ti zumba m'tini ka Zibha i ti sithumi sa Mefibhosete. 13Mefibhosete koko, a ti ti zumba Jerusalema, a txi dya mezani ni mfumeli masiku otshe; I ti ti txilima txa minenge yotshe.
Currently Selected:
2 Samuwele 9: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Samuwele 9
9
Dhavhidha ni Mefibhosete
1 # Wona ni ka: 1 Sam. 20:15-17. Se Dhavhidha a to khene: Ina ku ni m'thu a nga sala ka nyumba ya ka Sawule, kasi ku ni mmahela wuxinji, ngu mhaka ya kuranda Jonatani kani?
2Se ku ti ti txithumi txa nyumba ya ka Sawule, ditina da txona i ku Zibha; va to ya txi dhana txi ta ka Dhavhidha, mfumeli, se a to ta khene ka txona: Ngawe Zibha kani? Se ene a to khene: Ina, ngani txithumi txako.
3 # Wona ni ka: 2 Sam. 4:4. Se mfumeli a to khene: Ina kha ku nga ni wokari wa nyumba ya Sawule, kasiku ni txi mmahela wuxinji wa Txizimu kani? Sekoko Zibha a to khene ka mfumeli: Aho mwanana wa Jonatani, wo limala minenge.
4Se mfumeli a to khene kwakwe: Ahani kani?
Kambe Zibha a to khene ka mfumeli: Ndiyole waho m'tini ka Makiri, mwana Amiyeli, kona Lo-Dhebhari.
5Sekoko mfumeli Dhavhidha a to rumela vathu veya mteka m'tini ka Makiri, mwana Amiyeli, wa Lo-Dhebhari.
6Se mbimo yile Mefibhosete, mwana Jonatani, mwana Sawule a nga hoka ka Dhavhidha, a to nama e khizama hahatshi; se Dhavhidha a to khene:
Mefibhosete!
Se ene a to khene: Nditxe txithumi txako!
7Se Dhavhidha a to khene kwakwe: U nga thave, nguko ni lava ku ku mahela wuxinji ngu mhaka ya kuranda Jonatani, tate wako. Kambe ni na kutshumetela otshe mapulo a tate wako Sawule, awe u na dyela mezani kwangu masiku otshe.
8Sekoko a to khizama a txi khene:
I mani txithumi txako, aha koza u tikaratela yimbwa yofa, yo fana ni nani kani?
9Sekoko Dhavhidha a to dhana Zibha, mfana wa Sawule, a txi khene kwakwe:
Sotshe sile si nga ti lumba Sawule ni sotshe sa nyumbani kwakwe, ni na si ningela ka mwanana wa nyamne wako. 10U na m'dhimela thembwe koko, awe ni vanana vako, ni sithumi sako, kambe u na tisa mihando ya kona, kasi ku mwanana wa nyamne wako a na mana sakudya; se Mefibhosete, mwanana wa nyamne wako a na dyela mezani kwangu otshe masiku. Zibha a ti ti ni digumi da vanana ni mtxhanu, ni magumi mambidi a sithumi.
11Se Zibha a to khene ka mfumeli: Madingano ni totshe ti mfumeli, nyamne wangu, a leletelako ka txithumi txakwe, txithumi txakwe txi na maha toneto. Kambe Mefibhosete a na dyela mezani kwangu ku nga mmweyo wa vanana va mfumeli.
12Mefibhosete a ti ti ni mwanana wam'dotho, wule ditina dakwe i nga ti Mika; se votshe vale va nga ti ti zumba m'tini ka Zibha i ti sithumi sa Mefibhosete. 13Mefibhosete koko, a ti ti zumba Jerusalema, a txi dya mezani ni mfumeli masiku otshe; I ti ti txilima txa minenge yotshe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.