2 Samuwele 7
7
Dipswi da Nathani ka Dhavhidha
(1 Makronika 17:1-15)
1Se ku to maheka tito, ngako mfumeli Dhavhidha a di zumbile nyumbani kwakwe, Mkoma a to mninga kuhumula ka votshe valala vakwe ngu madhawa otshe, 2mfumeli a to khene ka mprofeti Nathani: Wona, ani ni zumba ka nyumba yo akwa ngu tiphande ta mikedhari, kambe dibhokiso da Txizimu di zumba mndani ka mijiyo.
3Se Nathani a to khene ka mfumeli: Tsula u ya maha totshe ti ti ku mbiluni kwako, nguko Mkoma a ni nawe.
4Kambe ku to maheka taku, ka wona wusiku wule, dipswi da Mkoma di txi kha dona ka Nathani:
5Tsula u ya gela txithumi txangu Dhavhidha u txi khawe: Mkoma a khene: Ina u nga ni akela nyumba yo ni zumba ka yona kani? 6Nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa ngu dona vanana va ka Israyeli Egipta kala ka ditshiku da nyamsi; kambe ni zumbile amu ka matenda ni mu ka midhuti. 7Se ka otshe makhalo aawa ni nga tsimbila-tsimbila ni votshe vanana va ka Israyeli, ina ni wombile dipswi dokari ka lihunzu lo kari la Israyeli, ka wule ni nga mruma kudyisa vathu vangu va ka Israyeli, ni txi khani: Ngu kutxani mi si ni akeliko nyumba ya mikedhari kani? 8Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli. 9Se ni tsute ni nawe, ni hani mu u ngaya kona, kambe ni xasete valala masoni kwako, ni kulisa ditina dako, kufana ni matina a vahombe va va kuho ha mafuni. 10Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale, 11kukhukhela ka ditshiku dile ni nga veka valamuli txitimwi ka vathu vangu va ka Israyeli. Aniko awe ni ku ningile kuhumula ka votshe valala vako; nene Mkoma aku zivisile ti to Mkoma a na ku mahela nyumba. 12#Wona ni ka: Mas. 89:3-4; 132:11; Job. 7:42; Mith. 2:30. Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe. 13Awuwa a na akela nyumba ditina dangu, se ni na tsanisa txikhalo txa mfumo wakwe kala kupinduka. 14#Wona ni ka: 2 Vak. 6:18; Vaheb. 1:5; Mtu. 21:7. Ani ni na va tate wakwe, se ene a na va mwanana wangu; ngako a txo ndaka mlayo, ni na mtsayisa ngu ndonga ya vathu ni txisephu txa vanana va vathu. 15Kambe wunene wangu wu na mbi khukha kwakwe, ku nga kule ni nga wu thavisa ka Sawule, awule ni nga mthavisa masoni kwako. 16#Wona ni ka: Mas. 89:36-37. Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka. 17Madingano ni otshe mapswi awa ni madingano ni txotshe txiwoniso txiya, Nathani a to wombisa tiya ka Dhavhidha.
Mkombelo wa Dhavhidha wa kubonga
(1 Makronika 17:16-27)
18Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani? 19Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani? 20Njitxani kambe a nga txi wombako Dhavhidha kwako kani? Nguko awe wa txi ziva kha kwati txithumi txako, awe Mkoma Txizimu. 21Ngu mhaka ya dipswi dako madingano ni mbilu yako, u mahile wotshe wuhombe wuwa, u wu zivisa ka txithumi txako. 22Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu. 23I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani? 24Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.
25Konkuwa koko, awe Mkoma Txizimu, dipswi diya u ngadi womba ngu mhaka ya txithumi txako ni ngu mhaka ya nyumba ya txona, di tsanise kala kupinduka, u maha madingano ni ti u nga wombisa tona. 26Se ditina dako di na dhumiswe kala kupinduka, kasi ku txi na wombwa taku: Mkoma wa Mabutho a Tiyimbi Njizimu txitimwi ka Israyeli; ni nyumba ya txithumi txako yi na tsaniswa masoni kwako. 27Nguko awe, Mkoma wa Mabutho a Tiyimbi, Txizimu txa Israyeli, u wombile tinzeveni ka txithumi txako, u txi khawe: Ni na kuakela nyumba. Ngu kumaha keto, txithumi txako txi mani mtamo wo maha mkombelo wuwa mbiluni ka txona.
28Konkuwa koko, Mkoma Txizimu, awe u Txizimu txonetxo txa tximwetxo, mapswi ako ditshuri, u wombile wunene wuwa ka txithumi txako. 29Konkuwa koko, katekisa nyumba ya txithumi txako, kasi ku yi na zumba kala kupinduka masoni kwako, nguko awe Mkoma Txizimu, u wombile; se ngu txikatekiso txako, nyumba ya txithumi txako yi na kateka kala kupinduka.
Currently Selected:
2 Samuwele 7: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Samuwele 7
7
Dipswi da Nathani ka Dhavhidha
(1 Makronika 17:1-15)
1Se ku to maheka tito, ngako mfumeli Dhavhidha a di zumbile nyumbani kwakwe, Mkoma a to mninga kuhumula ka votshe valala vakwe ngu madhawa otshe, 2mfumeli a to khene ka mprofeti Nathani: Wona, ani ni zumba ka nyumba yo akwa ngu tiphande ta mikedhari, kambe dibhokiso da Txizimu di zumba mndani ka mijiyo.
3Se Nathani a to khene ka mfumeli: Tsula u ya maha totshe ti ti ku mbiluni kwako, nguko Mkoma a ni nawe.
4Kambe ku to maheka taku, ka wona wusiku wule, dipswi da Mkoma di txi kha dona ka Nathani:
5Tsula u ya gela txithumi txangu Dhavhidha u txi khawe: Mkoma a khene: Ina u nga ni akela nyumba yo ni zumba ka yona kani? 6Nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa ngu dona vanana va ka Israyeli Egipta kala ka ditshiku da nyamsi; kambe ni zumbile amu ka matenda ni mu ka midhuti. 7Se ka otshe makhalo aawa ni nga tsimbila-tsimbila ni votshe vanana va ka Israyeli, ina ni wombile dipswi dokari ka lihunzu lo kari la Israyeli, ka wule ni nga mruma kudyisa vathu vangu va ka Israyeli, ni txi khani: Ngu kutxani mi si ni akeliko nyumba ya mikedhari kani? 8Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli. 9Se ni tsute ni nawe, ni hani mu u ngaya kona, kambe ni xasete valala masoni kwako, ni kulisa ditina dako, kufana ni matina a vahombe va va kuho ha mafuni. 10Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale, 11kukhukhela ka ditshiku dile ni nga veka valamuli txitimwi ka vathu vangu va ka Israyeli. Aniko awe ni ku ningile kuhumula ka votshe valala vako; nene Mkoma aku zivisile ti to Mkoma a na ku mahela nyumba. 12#Wona ni ka: Mas. 89:3-4; 132:11; Job. 7:42; Mith. 2:30. Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe. 13Awuwa a na akela nyumba ditina dangu, se ni na tsanisa txikhalo txa mfumo wakwe kala kupinduka. 14#Wona ni ka: 2 Vak. 6:18; Vaheb. 1:5; Mtu. 21:7. Ani ni na va tate wakwe, se ene a na va mwanana wangu; ngako a txo ndaka mlayo, ni na mtsayisa ngu ndonga ya vathu ni txisephu txa vanana va vathu. 15Kambe wunene wangu wu na mbi khukha kwakwe, ku nga kule ni nga wu thavisa ka Sawule, awule ni nga mthavisa masoni kwako. 16#Wona ni ka: Mas. 89:36-37. Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka. 17Madingano ni otshe mapswi awa ni madingano ni txotshe txiwoniso txiya, Nathani a to wombisa tiya ka Dhavhidha.
Mkombelo wa Dhavhidha wa kubonga
(1 Makronika 17:16-27)
18Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani? 19Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani? 20Njitxani kambe a nga txi wombako Dhavhidha kwako kani? Nguko awe wa txi ziva kha kwati txithumi txako, awe Mkoma Txizimu. 21Ngu mhaka ya dipswi dako madingano ni mbilu yako, u mahile wotshe wuhombe wuwa, u wu zivisa ka txithumi txako. 22Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu. 23I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani? 24Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.
25Konkuwa koko, awe Mkoma Txizimu, dipswi diya u ngadi womba ngu mhaka ya txithumi txako ni ngu mhaka ya nyumba ya txona, di tsanise kala kupinduka, u maha madingano ni ti u nga wombisa tona. 26Se ditina dako di na dhumiswe kala kupinduka, kasi ku txi na wombwa taku: Mkoma wa Mabutho a Tiyimbi Njizimu txitimwi ka Israyeli; ni nyumba ya txithumi txako yi na tsaniswa masoni kwako. 27Nguko awe, Mkoma wa Mabutho a Tiyimbi, Txizimu txa Israyeli, u wombile tinzeveni ka txithumi txako, u txi khawe: Ni na kuakela nyumba. Ngu kumaha keto, txithumi txako txi mani mtamo wo maha mkombelo wuwa mbiluni ka txona.
28Konkuwa koko, Mkoma Txizimu, awe u Txizimu txonetxo txa tximwetxo, mapswi ako ditshuri, u wombile wunene wuwa ka txithumi txako. 29Konkuwa koko, katekisa nyumba ya txithumi txako, kasi ku yi na zumba kala kupinduka masoni kwako, nguko awe Mkoma Txizimu, u wombile; se ngu txikatekiso txako, nyumba ya txithumi txako yi na kateka kala kupinduka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.