2 Samuwele 6
6
Kutekwa ka dibhokiso da txitumelelano diya Jerusalema
(1 Makronika 13:1-14; 15:25; 16:3-37)
1Dhavhidha a to sengeleta kambe votshe vale va nga sawulwa ka Israyeli, ngu mtengo wa 30.000. 2#Wona ni ka: Eks. 25:22. Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima. 3#Wona ni ka: 1 Sam. 7:1-2. Se dibhokiso da Txizimu va to di veka amu ka txikotxikani txa txiphya, ve di humisa nyumbani ka Abhinadhabhi, yi manekako Gebha; se Uza ni Ayo, vanana va Abhinadhabhi, va to tsimbitisa txikotxikani txa txiphya. 4Se di txi tekile nyumbani ka Abhinadhabhi, yi yi manekako Gebha, kumweko ni dibhikiso da Txizimu, Ayo a to thangela masoni ka dibhokiso. 5Se Dhavhidha ni votshe va nyumba ya ka Israyeli va to tsaka masoni ka Mkoma, ni totshe tixaka ta timbila to mahwa ngu mapulango a mikepresi, ni tiharipa sitende, ni singomana, ni titshodi, ni sigovilo.
6Se va di hokile wuhuleloni ka Nakoni, Uza a to nawuluta dianza e ñola dibhokiso da Txizimu, nguko tihomu ti ti lava ku di wisa. 7Sekoko kuhenya ka Mkoma ku to wukela Uza, se Txizimu txi mpeka koneho ngu mhaka ya matloti akwe; se a to fela koneho hafuhi ni dibhokiso da Txizimu. 8Se Dhavhidha a to pandiseka, ngu kule Mkoma a nga tsayisa Uza; kambe wukhalo wule a to wu dhana ku i Perezi-Uza, kala ka ditshiku da nyamsi.
9Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Mkoma kani?
10Se Dhavhidha kha tumela kuteka dibhokiso da Mkoma diya ka Didhoropa da Dhavhidha, aniko Dhavhidha a to di yisa nyumbani ka Obhedhi-Edhomi, mugeti. 11#Wona ni ka: 1 Mak. 26:5. Se dibhokiso da Mkoma a to zumba nyumbani ka Obhedhi-Edhomi, mugeti, mitxima yiraru; se Mkoma a to katekisa Obhedhi-Edhomi ni yotshe nyumba yakwe.
12Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile. 13Se ku to maheka taku, mbimo yile varwali va dibhokiso da Mkoma va nga tsimbila mtxhanu wa makando ni dimwedo, ene a to phaxa ngu tihomu ni marole o nona. 14Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu. 15Mbimo yile a nga ti kwelela Dhavhidha ni votshe va ka Israyeli va to teka dibhokiso da Mkoma, ngu kutsaka ka hombe na va txi veta mipundu.
16Se ku to maheka taku, va txi wuleta dibhokiso da Mkoma Didhoropani ka Dhavhidha, Mikali, mwanana wa dihorana wa Sawule, a to solela ngu ha ka difasitela, se e wona mfumeli Dhavhidha a txi ndaka-ndaka e sinya masoni ka Mkoma, a to mbwambwa ngu mbiluni kwakwe.
17Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma. 18Se mbimo yile Dhavhidha a nga heta kuningela miphaxo ya kuhiswa ni mingelo ya kudikha, a to katekisa vathu ngu ditina da Mkoma wa Mabutho a Tiyimbi. 19Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.
20 # Wona ni ka: 1 Mak. 16:43. Se mbimo yile Dhavhidha a nga wuya ku ta katekisa nyumba yakwe, Mikali, mwana Sawule, a to huma e hingeta Dhavhidha, a txi khene: Wudhumo muni wu nga mahwa ka mfumeli wa ka Israyeli nyamsi, koza u ti funungula masoni ka sithumi sa txisikati sa sithumi sako, wu txi nga m'thu wo pwata mapimo.
21Aniko Dhavhidha a to khene ka Mikali: Ani ni ti ti sinya ni tsaka masoni ka Mkoma wule a nga ni sawula, makhaloni ka tate wako ni ka yotshe nyumba yako, a txi ni ruma kuva mthangela txitimwi ka vathu va Mkoma, ni txitimwi ka va ka Israyeli. 22Se ni na kumba, ni ti veka hahatshi ngutu kupinda tile; ka sithumi sa txisikati si u si wombako, ni na dhumiswa ngu sona.
23Se Mikali mwana Sawule, kha veleka, kala ka ditshiku da kufa kwakwe.
Currently Selected:
2 Samuwele 6: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Samuwele 6
6
Kutekwa ka dibhokiso da txitumelelano diya Jerusalema
(1 Makronika 13:1-14; 15:25; 16:3-37)
1Dhavhidha a to sengeleta kambe votshe vale va nga sawulwa ka Israyeli, ngu mtengo wa 30.000. 2#Wona ni ka: Eks. 25:22. Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima. 3#Wona ni ka: 1 Sam. 7:1-2. Se dibhokiso da Txizimu va to di veka amu ka txikotxikani txa txiphya, ve di humisa nyumbani ka Abhinadhabhi, yi manekako Gebha; se Uza ni Ayo, vanana va Abhinadhabhi, va to tsimbitisa txikotxikani txa txiphya. 4Se di txi tekile nyumbani ka Abhinadhabhi, yi yi manekako Gebha, kumweko ni dibhikiso da Txizimu, Ayo a to thangela masoni ka dibhokiso. 5Se Dhavhidha ni votshe va nyumba ya ka Israyeli va to tsaka masoni ka Mkoma, ni totshe tixaka ta timbila to mahwa ngu mapulango a mikepresi, ni tiharipa sitende, ni singomana, ni titshodi, ni sigovilo.
6Se va di hokile wuhuleloni ka Nakoni, Uza a to nawuluta dianza e ñola dibhokiso da Txizimu, nguko tihomu ti ti lava ku di wisa. 7Sekoko kuhenya ka Mkoma ku to wukela Uza, se Txizimu txi mpeka koneho ngu mhaka ya matloti akwe; se a to fela koneho hafuhi ni dibhokiso da Txizimu. 8Se Dhavhidha a to pandiseka, ngu kule Mkoma a nga tsayisa Uza; kambe wukhalo wule a to wu dhana ku i Perezi-Uza, kala ka ditshiku da nyamsi.
9Se ka ditshiku donedo, Dhavhidha a to thava Mkoma, a txi khene: Di na tisa kutxani kwangu dibhokiso da Mkoma kani?
10Se Dhavhidha kha tumela kuteka dibhokiso da Mkoma diya ka Didhoropa da Dhavhidha, aniko Dhavhidha a to di yisa nyumbani ka Obhedhi-Edhomi, mugeti. 11#Wona ni ka: 1 Mak. 26:5. Se dibhokiso da Mkoma a to zumba nyumbani ka Obhedhi-Edhomi, mugeti, mitxima yiraru; se Mkoma a to katekisa Obhedhi-Edhomi ni yotshe nyumba yakwe.
12Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile. 13Se ku to maheka taku, mbimo yile varwali va dibhokiso da Mkoma va nga tsimbila mtxhanu wa makando ni dimwedo, ene a to phaxa ngu tihomu ni marole o nona. 14Se Dhavhidha a to ndaka-ndaka ngu wotshe mtamo wakwe masoni ka Mkoma, na a di ambate efodhe ya linyu. 15Mbimo yile a nga ti kwelela Dhavhidha ni votshe va ka Israyeli va to teka dibhokiso da Mkoma, ngu kutsaka ka hombe na va txi veta mipundu.
16Se ku to maheka taku, va txi wuleta dibhokiso da Mkoma Didhoropani ka Dhavhidha, Mikali, mwanana wa dihorana wa Sawule, a to solela ngu ha ka difasitela, se e wona mfumeli Dhavhidha a txi ndaka-ndaka e sinya masoni ka Mkoma, a to mbwambwa ngu mbiluni kwakwe.
17Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma. 18Se mbimo yile Dhavhidha a nga heta kuningela miphaxo ya kuhiswa ni mingelo ya kudikha, a to katekisa vathu ngu ditina da Mkoma wa Mabutho a Tiyimbi. 19Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.
20 # Wona ni ka: 1 Mak. 16:43. Se mbimo yile Dhavhidha a nga wuya ku ta katekisa nyumba yakwe, Mikali, mwana Sawule, a to huma e hingeta Dhavhidha, a txi khene: Wudhumo muni wu nga mahwa ka mfumeli wa ka Israyeli nyamsi, koza u ti funungula masoni ka sithumi sa txisikati sa sithumi sako, wu txi nga m'thu wo pwata mapimo.
21Aniko Dhavhidha a to khene ka Mikali: Ani ni ti ti sinya ni tsaka masoni ka Mkoma wule a nga ni sawula, makhaloni ka tate wako ni ka yotshe nyumba yako, a txi ni ruma kuva mthangela txitimwi ka vathu va Mkoma, ni txitimwi ka va ka Israyeli. 22Se ni na kumba, ni ti veka hahatshi ngutu kupinda tile; ka sithumi sa txisikati si u si wombako, ni na dhumiswa ngu sona.
23Se Mikali mwana Sawule, kha veleka, kala ka ditshiku da kufa kwakwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.