2 Vafumeli 6
6
Elixa a txi delukisa ditxhapu
1Se vanana vavaprofeti va to kha vona ka Elizewu:
Wona ti taku wukhalo wu hi zumbako ka wona kumweko ni nawe mbudotho ngutu. 2A hi tsuleni Jordhani, mmweyo ni mmweyo wathu eya teka phande yimweyo, hi na ti akela wukhalo wo zumba ka wona.
Se Elixa a to khene: Tsulani.
3Se mmweyo wawe a to khene ka Elizewu: Ha kukombela to u tsula ni nathu. Se a nje khene kha Elizewu: Na tumela, ni na tsula ni nanu. 4Se Elixa a to tumela e tsula navo. Se mbimo yile va nga hoka Jordhani, va to ganga tiphande. 5Se mbimo yile mmweyo wawe a nga txi ganga phande, ditxhapu di to wa matini; se a nje khene:
Ayiwe! Eko ni na txani, nyamne wangu! Nguko i ti ti ditxhapu do lomba.
6Se Elixa m'thu wa Txizimu a nje khene: Ngu hani di nga wela kona kani?
Se a to mkomba wukhalo wa kona, Elixa a to wila ndonga e yi vinza kona hale, se ditxhapu di so deluka.
7Se a to khene. Di teke.
Sekoko wamwamna wule a to tula dianza dakwe e teketa ditxhapu.
Kuxulwa ka dibutho da Vasiriya
8Se mfumeli wa Siriya a ti ti lwisa Israyeli; a to pimisana ni sithumi sakwe a txi khene: Ka wukhalo wule ni wule, ku nave ni wugovelo wangu. 9Aniko Elixa m'thu wa Txizimu a to khene ka Israyeli: Ti wonele, u nga pinde ngu ka wukhalwewo; nguko Vasiriya va hale. 10Ngu kumaha keto, mfumeli wa ka Israyeli, a to rumela tito, ka wukhalo wule a nga ti ti getwe ni ku txharihiswa ngu m'thu wa Txizimu.
Ku txi wonelelwa yotshe mbimo. 11Sekoko mbilu ya mfumeli wa Siriya yi to karateka ngu mhaka yiya, se e dhana sithumi sakwe a txi si wotisa ku khene:
Eko i ngave mani wa ka kwathu a emako ni mfumeli wa ka Israyeli kani?
12Se mmweyo wa sithumi sakwe a to khene:
Ku walo ni wammweyo, awe mfumeli, nyamne wangu. Aniko mprofeti Elixa a manekako Israyeli, ngene a zivisako ka mfumeli wa ka Israyeli, totshe ti u bhulako na u di nyumbani mu u otelako kona.
13Se mfumeli a to khene:
Tsula u ya tumbula aha a ku kona, ni na rumela va kuya mñola va txi mtisa hawa.
Se va to m'gela ku kha vona: A maneka Dhotani. 14Sekoko a to rumela mahantxhi ni sikotxikani, ni dibutho da hombe da masotxhwa, va to ya hoka ni wusiku ve randela didhoropa. 15Se dijaha da Elixa m'thu wa Txizimu, di to wuka ni mixo ngutu di huma, na kuve dibutho di ti ti randete didhoropa ngu mahantxhi ni sikotxikani; sekoko dijaha dakwe di to m'gela tiya:
Yowe! Awe nyamne wangu! Hi na maha txani kani?
16Se Elixa a to khene:
U nga thave, nguko mbavangi va emako ni nathu, kupinda vale va ku navo vona.
17Se Elixa a to khongela a txi khene:
Mkoma, na ku kombela ti to u mtula maso kasi ku e wona.
Se Mkoma a to tula maso a dijaha, di so wona. Mmango wu ti ti tate ngu mahantxhi ni sikotxikani sa mndilo, si di ranganyetile Elizewu.
18Se mbimo yile va nga relela va txi yela Elixa, a to khongela ka Mkoma a txi khene:
Na ku kombela, va mahe mabhofu vathu vava!
Se a to va maha mabhofu, madingano ni txikombelo txa Elizewu. 19Sekoko Elixa a to khene kwawe:
Hi nga yona nzila ya kona, didhoropa kambe hi nga dona; ni londeteni ni na mi heleketa ka wamwamna wule mi mlavako.
Se a to va heleketa Samariya.
20Se mbimo yile va nga hoka Samariya, Elixa a to khene:
Mkoma, va tule maso kasi va na wona.
Sekoko Mkoma a to va tula maso kasi ve wona, se va to ti wona va di hagari ka Samariya.
21Se mbimo yile a nga va wona mfumeli wa ka Israyeli, a to khene ka Elizewu:
Ni va dayela, ni va dayela, kani tata?
22Se ene a to khene: Ahimhim! U nga va dayele! U ndi na dayela masotxhwa ale u ma mahako sibotxhwa, ngu ditxhari dako ni wulaho wako kani? Va ninge dipawu ni mati, va na dya ve sela, va na tsula ka nyamne wawe.
23Se a to va mahela m'buso wa hombe, va to dya ve sela, va txi va txhatxha ve tsula ka nyamne wawe; kha ka wulela kambe masotxhwa a Vasiriya ditikoni ka Israyeli.
Elixa ni nzala kona Samariya
24Msana keto, ku to maheka ti to Bheni-Hadhadhe, mfumeli wa Siriya, e tshanganisa otshe masotxhwa akwe; a to kwelela eya randela Samariya. 25Se ku to maneka nzala ya hombe Samariya, nguko ku nga ti randetwe, kuhoka hale ko xaviswa mbongola yimweyo ngu mtxhanu wa magumi ni mararu a siya sa silivhela, ni txipande txa wumune txa mihambuko ya situvani, ngu mtxhanu wa siya sa silivhela.
26Se mbimo yile a nga pinda mfumeli ngu ha digumani, wamsikati wokari a to peka huwa a txi khene:
Ni lamulele awe mfumeli, nyamne wangu.
27Se ene a to khene:
Ngako Mkoma asi ku lamuleli, ni na si mana hayi sakudya ni vhinya so kulamulela ngu sona kani? 28Mfumeli a to mu wotisa ku khene, kasi nji txani kani?
Se wamsikati a nje khene:
Awu wa wamsikati dimwani ditshiku a to khene:
Naheta mwanana wako nyamsi hidya, mangwana hi nata dya wangu. 29Ekoko hi to bhika mwanana wangu hidya; se mangwanani ka kona ni to khani: Naha mwanana wako hidya, ene a so sisa mwanana wakwe.
30Se mbimo yile mfumeli a nga pfa mapswi awu wamsikati, a to vharula syambalo sakwe, e londisela diguma, se vathu va ti woni ku a ti ti ni syambalo so dhimba ngu mndani, ha nyamani kwakwe.
31Se mfumeli a to peka huwa na a txi khene:
Txizimu txi na ni daye, ngako di txiza diswa ni si se wila msungo wa Elixa, mwana Sefate!
32Sekoko Elixa a ti ti khalahatshile kumweko ni madhota nyumbani kwakwe.
Mfumeli a to rumela wamwamna masoni kwakwe; aniko asi se hoka m'thu wule, Elixa a to khene ka madhota ale: Mi ti woni ati mwanana wa txidayi a nga rumelisa tona ku ta wila msungo wangu kani?
Wonisisani, a txi bwaka wu wo rumwa, msekeleni ditimba; ina kha ku na ku maheto i ti sigingo sa nyamne wakwe si pfalako ngu msana kwakwe kani?
33Se a txi nge womba-womba navo, awule wo rumwa a nje bwa; mfumeli a nje khene:
Kuwoneka taku dikhombo diya dita ngu ka Mkoma; kona ni ndi na verela txani kambe ka Mkoma kani?
Currently Selected:
2 Vafumeli 6: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
