2 Makronika 4
4
Siya sa Dithepele
(1 Vafumeli 7:23-51)
1Solomoni a to maha txiluvelo txa koporo atxi txi ku ni magumi mambidi a mikono, kuanama ka txona ku ti ti hoka magumi mambidi a mikono yi di ni digumi da mikono ya kulapha kuya txitimwi. 2A to maha kambe ni Linene la silivhela yo nyivilikiswa, li ku ni digumi da mikono kukhukhela ka didhawa dimwedo kala ka dimwani, lo ranganyeta kotshe, la kuguleka ka mtxhanu wa mikono; li di ranganyetilwe ngu liketani la magumi mararu a mikono . 3Se ngu hahatshi ka likasa lo ranganyeta, ku ti ti ni sifaniso sa tihomu si nga ti ti ranganyetile; ngu digumi da mikono li ti ti tsaniswa linene ngu madhawani ka kona; sigava simbidi sa sifundo si ti ti bandarisilwe ni Linene la kona. 4Se linene li ti ti txitimwi ka digumi da madhuna ni mambidi a tihomu, tiraru to rendekela wuphemba, tiraru to rendekela mswa-ditambo, tiraru to rendekela wulenge, ni tiraru to rendekela wutxani, se linene li ti ti ngu txitimwi ka tona, ni otshe madhawa a hahanze ka kona, ngu didhawa da mndani ka kona. 5Li ti ti ni dianza do dhimba, likasa la dona li hambisilwe ku nga likasa la kopo adi di dinganako 3.000 wa mapipa.
6A to maha kambe digumi da mikawu, mtxhanu e yi veka txinene, mtxhanu e yi veka txibhabha, kasi kuve kuwula ka yona asi si ngati lumba mningelo wo hiswa; kasi vaphaxeli va ti ti samba ngu mati amu ka linene la silivhele yo nyivilikiswa.
7A to maha kambe digumi da siphande sa nzalama, e si veka dithepelani, mtxhanu ka didhawa da txinene, ni mtxhanu ka didhawa da txibhabha. 8#Wona ni ka: Eks. 25:23-30. A to maha kambe digumi da timeza, e ti veka dithepelani, mtxhanu ka didhawa da txinene, mtxhanu ka didhawa da txibhabha; ni dizana da mikamba ya nzalama.
9E maha diguma da vaphaxeli ni diguma dimwani da hombe ni matimba a dona, ema bhama ngu koporo. 10Se Linene la silivhela yo nyivilikiswa, e li veka ka didhawa da txinene, ngu didhawa da wutxani.
11Hiramu a mahile tikhadi, ni mafoxola, ni mikamba; se Hiramu a heta kumahetela yotshe mithumo yile a nga yi mahela mfumeli Solomoni, Nyumbani ka Txizimu i ku yiya: 12Tiphande timbidi; ni siwumbulutwa, tiringi timbidi txitimwi ka tiphande; ni tikoka timbidi kasi kuva txi fenengeta siwumbulutwa simbidi sa tiringi, sa misungo txitimwi ka tiphande; 13ni 400 wa maromani ka tisefo timbidi, i ku sikotxikani simbidi sa maromani ka sefo yimweyo ni yimweyo, kasi kufenengeta siwumbulutwa simbidi sa tiringi, ti nga ti txitimwi ka tisika. 14A to maha kambe sikazelo, se mikawu, e yi veka txitimwi ka sikazelo; 15linene ni digumi da tihomu ni timbidi, ngu hahatshi ka kona; 16ni tidhuwa, ni mafoxola, ni tifoloko, ni sotshe siya sile Hiramu-Abhi a nga mahela mfumeli Solomoni, Nyumbani ka Mkoma, sotshe i ti sa koporo yo tshuriselwa. 17Mfumeli a to nyivilikisa koporo ka mafu a ndope, ya hagari ka Sukote ni Saretani libalani ka Jordhani. 18Solomoni a to maha siya sasingi ngutu, kambe kunemela ka koporo ku si ziwi.
19Kambe Solomoni a to mahetela sotshe siya si si nga txi laveka Nyumbani ka Mkoma: Txiluvelo txa nzalama, ni meza ya nzalama yo veka ka yona mapawu o mbi tshumbelwa; 20ni sipande ni malambu a nzalama yo hehuka ngutu, kasi ku ma txi layithwa madingano ni txi toloveto txawe masoni ka digandelo. 21Se siluva, ni malambu ma ku ni situriso i ti so mahwa ngu nzalama, nzalama ya yinene ngutu. 22Tifokolo ni mikamba, ni digombe ni siya sa kuhisela ka sona dibaselo i ti ti sa nzalama yo hehuka ngutu; sitsaniso sa matimba a mndani ka wukhalo wo Sawuleka ngutu ni sa matimba a nyumba ya dithepele, i ti ti sa nzalama ni sona.
Currently Selected:
2 Makronika 4: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
