2 Makronika 33
33
Kufuma ka Manasi, wa ka Judha
(2 Vafumeli 21:1-9)
1Manasi a ti ti ni digumi da malembe ni mambidi mbimo yile a nga khata kufuma, se a to fumela Jerusalema mtxhanu wa magumi ni mtxhanu wa malembe. 2A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli. 3Nguko a to tshumela e aketeta makhalo o guleka ale ma nga ti khundumusilwe ngu tate wakwe Ezekhiya, a to akela siluvelo Bhahali, e maha sipopo so khongela ka sona, e khizamela sotshe siphatiphati sa nzumani e si thumela. 4#Wona ni ka: 2 Sam. 7:13. Se a to aka siluvelo Nyumbani ka Mkoma, amu Mkoma a nga womba a txi khene: Ditina dangu di na zumba Jerusalema ngu hawa ku si gwitiko. 5Sotshe siphatiphati sa nzumani a to si akela siluvelo, ka yotshe mithanda ya yimbidi ya Nyumba ya Mkoma. 6A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya. 7#Wona ni ka: 1 Vafu. 9:3-5; 2 Mak. 7:12-18. Manasi a to veka txithombe txo vatwa, e txi emisa Nyumbani ka Txizimu; amule Txizimu txi nga nga womba ka Dhavhidha ni ka mwanana wa kona Solomoni ku khene:
Ka yiya nyumba, kona Jerusalema, i ku kona ni nga kusawula hagari ka totshe tihunzu ta ka Israyeli, ni na veka ditina dangu ngu ha ku si gwitiko. 8Ni ku kha ni na mbi nga tshundisa mkondo wa Israyeli ka diya ditiko, ni nga ninga vatate vanu, ngako va txi maha kha kwati, madingano ni yotshe milayo yile va nga layelwa ngu txithumi txangu Mosi. 9Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.
Kuhunduluka ka Manasi
10Se Mkoma a to womba ka Manasi ni ka vathu vakwe, kambe kha va mu engisa. 11Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona. 12Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe, 13se e txi mahela mkombelo, se Txizimu txi to engisa kukombela kwakwe, se txi mtshumeta e wuya Jerusalema, ka mfumo wakwe; sekoko Manasi a to tiziva to Mkoma nji Txizimu.
14Se msana keto, a to aka diguma ngu hahanze ka Didhoropa da Dhavhidha, ngu didhawa da wulambwe ka Giyoni, mkovani, ngu ha txikeni ka Ditimba da Txihaka, a txi renzeleka kala Ofeli, e di laphisa ngutu ta tinene; kambe e veka vathangeli va mtamo ka otshe madhoropa a hombe a Judha. 15Se a to thavisa sizimu sa vamatiko ni sifananiso Nyumbani ka Mkoma, kufana ni sotshe siluvelo sile a nga ti si akile mmangoni ka Nyumba ya Mkoma ni kona Jerusalema, eya si tshotsha hahanze ka didhoropa. 16Se Manasi a to aketa txiluvelo txa Mkoma, e ningela mningelo wa kudikha ni wa kudhumisa txitimwi ka txona, se a to leleta va ka Judha kuthumela Mkoma, Txizimu txa Israyeli. 17Hambi keto vathu va ti ti ya masoni ngu maha mphaxo ka makhalo o guleka, aniko va ti ti mahela Mkoma Txizimu txawe dwe.
Kufa ka Manasi
(2 Vafumeli 21:17-18)
18Yimwani mithumo koko ya Manasi, ni mkombelo wakwe ka Txizimu txakwe, ni mapswi a vahuti ale va nga m'gela ngu ditina da Mkoma, Txizimu txa Israyeli, wonani ti to ma bhatwe amu ka dibhuku da matimu a vafumeli va Israyeli. 19Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti. 20Se Manasi a to otela ni vatate vakwe, eya tshotshwa m'tini kwakwe; Amoni mwanana wakwe a to fumela ka wukhalo wakwe.
Kufuma ka Amoni, wa ka Judha
(2 Vafumeli 21:19-26)
21Se Amoni a ti ni tanga ya magumi mambidi a maleme ni mambidi mbimo yi a nga khata kufuma, se a to fumela Jerusalema malembe mambidi. 22Se a to maha wubihi masoni ka Mkoma, ku nga tile a nga ti ti mahile Manasi, tate wakwe, nguko Amoni a to phaxa mhamba ka sotshe sithombe so vatwa asile Manasi, tate wakwe, a nga ti ti si mahile e si khozela. 23Aniko kha ti veka hahatshi masoni ka Mkoma, nga Manasi tate wakwe, a nga ti veka hahatshi; Amoni a to engetela sionho sakwe.
24Se sithumi sakwe si to langana ku mwukela, se si ya m'daya m'tini kwakwe. 25Sekoko vathu va ditiko va to dayela votshe vale va nga langana kuwukela mfumeli Amoni, se vathu va ditiko ve fumisa Josiya mwanana wakwe, ka wukhalo wakwe.
Currently Selected:
2 Makronika 33: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Makronika 33
33
Kufuma ka Manasi, wa ka Judha
(2 Vafumeli 21:1-9)
1Manasi a ti ti ni digumi da malembe ni mambidi mbimo yile a nga khata kufuma, se a to fumela Jerusalema mtxhanu wa magumi ni mtxhanu wa malembe. 2A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli. 3Nguko a to tshumela e aketeta makhalo o guleka ale ma nga ti khundumusilwe ngu tate wakwe Ezekhiya, a to akela siluvelo Bhahali, e maha sipopo so khongela ka sona, e khizamela sotshe siphatiphati sa nzumani e si thumela. 4#Wona ni ka: 2 Sam. 7:13. Se a to aka siluvelo Nyumbani ka Mkoma, amu Mkoma a nga womba a txi khene: Ditina dangu di na zumba Jerusalema ngu hawa ku si gwitiko. 5Sotshe siphatiphati sa nzumani a to si akela siluvelo, ka yotshe mithanda ya yimbidi ya Nyumba ya Mkoma. 6A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya. 7#Wona ni ka: 1 Vafu. 9:3-5; 2 Mak. 7:12-18. Manasi a to veka txithombe txo vatwa, e txi emisa Nyumbani ka Txizimu; amule Txizimu txi nga nga womba ka Dhavhidha ni ka mwanana wa kona Solomoni ku khene:
Ka yiya nyumba, kona Jerusalema, i ku kona ni nga kusawula hagari ka totshe tihunzu ta ka Israyeli, ni na veka ditina dangu ngu ha ku si gwitiko. 8Ni ku kha ni na mbi nga tshundisa mkondo wa Israyeli ka diya ditiko, ni nga ninga vatate vanu, ngako va txi maha kha kwati, madingano ni yotshe milayo yile va nga layelwa ngu txithumi txangu Mosi. 9Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.
Kuhunduluka ka Manasi
10Se Mkoma a to womba ka Manasi ni ka vathu vakwe, kambe kha va mu engisa. 11Ngu kumaha keto, Mkoma a to va nehela vathangeli va dibutho da yimbi da mfumeli wa Asiriya, avale va nga ñola Manasi hagari ka mipa, ve msungelela ngu titxhini, ve mu tsulisa Bhabhilona. 12Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe, 13se e txi mahela mkombelo, se Txizimu txi to engisa kukombela kwakwe, se txi mtshumeta e wuya Jerusalema, ka mfumo wakwe; sekoko Manasi a to tiziva to Mkoma nji Txizimu.
14Se msana keto, a to aka diguma ngu hahanze ka Didhoropa da Dhavhidha, ngu didhawa da wulambwe ka Giyoni, mkovani, ngu ha txikeni ka Ditimba da Txihaka, a txi renzeleka kala Ofeli, e di laphisa ngutu ta tinene; kambe e veka vathangeli va mtamo ka otshe madhoropa a hombe a Judha. 15Se a to thavisa sizimu sa vamatiko ni sifananiso Nyumbani ka Mkoma, kufana ni sotshe siluvelo sile a nga ti si akile mmangoni ka Nyumba ya Mkoma ni kona Jerusalema, eya si tshotsha hahanze ka didhoropa. 16Se Manasi a to aketa txiluvelo txa Mkoma, e ningela mningelo wa kudikha ni wa kudhumisa txitimwi ka txona, se a to leleta va ka Judha kuthumela Mkoma, Txizimu txa Israyeli. 17Hambi keto vathu va ti ti ya masoni ngu maha mphaxo ka makhalo o guleka, aniko va ti ti mahela Mkoma Txizimu txawe dwe.
Kufa ka Manasi
(2 Vafumeli 21:17-18)
18Yimwani mithumo koko ya Manasi, ni mkombelo wakwe ka Txizimu txakwe, ni mapswi a vahuti ale va nga m'gela ngu ditina da Mkoma, Txizimu txa Israyeli, wonani ti to ma bhatwe amu ka dibhuku da matimu a vafumeli va Israyeli. 19Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti. 20Se Manasi a to otela ni vatate vakwe, eya tshotshwa m'tini kwakwe; Amoni mwanana wakwe a to fumela ka wukhalo wakwe.
Kufuma ka Amoni, wa ka Judha
(2 Vafumeli 21:19-26)
21Se Amoni a ti ni tanga ya magumi mambidi a maleme ni mambidi mbimo yi a nga khata kufuma, se a to fumela Jerusalema malembe mambidi. 22Se a to maha wubihi masoni ka Mkoma, ku nga tile a nga ti ti mahile Manasi, tate wakwe, nguko Amoni a to phaxa mhamba ka sotshe sithombe so vatwa asile Manasi, tate wakwe, a nga ti ti si mahile e si khozela. 23Aniko kha ti veka hahatshi masoni ka Mkoma, nga Manasi tate wakwe, a nga ti veka hahatshi; Amoni a to engetela sionho sakwe.
24Se sithumi sakwe si to langana ku mwukela, se si ya m'daya m'tini kwakwe. 25Sekoko vathu va ditiko va to dayela votshe vale va nga langana kuwukela mfumeli Amoni, se vathu va ditiko ve fumisa Josiya mwanana wakwe, ka wukhalo wakwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.