2 Makronika 27
27
Kufuma ka Jothamu, wa ka Judha
(2 Vafumeli 15:32-38)
1Jothamu a to khata kufuma a di ni magumi mambidi a malembe ni mtxhanu; se a to fumela Jerusalema digumi da malembe ni mtxhanu ni dimwedo; ditina da mwamwakwe i ti ti Jerusa, mwana Zadhoki. 2Se a to maha ti i ngadi ta tinene masoni ka Mkoma, a to maha totshe ku nga tile a nga mahisa tona tate wakwe Uziya, futhi kha wulela ka mithumo ya dithepeleni ka Mkoma, vathu va to ya masoni ngu kuonha.
3Jothamu a to aka Ditimba do Guleka da Nyumba ya Mkoma, a to aka ni diguma txitimwi ka Ofete. 4Akile madhoropa mimangoni ka Judha a txi aka ni sitezi ni mikhokhola amu sitingani. 5Se Jothamu a to lwa ni mfumeli wa vanana va Amoni e va xula. Ka dilembedo, va to mninga dizana wa titalenta ta silivhela, ni 12.000 wa masaka a fulaho, ni 12.000 wa masaka a sevhadha; ngu dilembe da wumbidi ni da wuraru vanana va ka Amoni va to mtisela nduwo ya mipimo yoneyo. 6Sekoko, wukoma wa Jothamu wu to tsana, nguko a tsimbite ngu tinzila ta Mkoma Txizimu txakwe.
7Kasi ngu wungi wa mithumo ya Jothamu, ni tosthe ti a nga ti maha, ni mahanyelo akwe, ti bhatwe amu ka dibhuku da matimu ya vafumeli va Israyeli ni va ka Judha. 8I di wa tanga ya magumi mambidi a malembe ni mtxhanu, mbimo yile a nga khata kufuma; se a to fumela Jerusalema digumi da malembe ni mtxhanu ni dimwedo. 9Se Jothamu a to otela ka vatate vakwe, e tshotshwa Didhoropani ka Dhavhidha; se mwanakwe Akazi a to fuma ka wukhalo wakwe.
Currently Selected:
2 Makronika 27: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
