2 Makronika 19
19
Mprofeti Jewu ni mfumeli Josafati
1Se Josafati, mfumeli wa Judha, a to tshumela ngu kuthutha eya nyumbani kwakwe Jerusalema. 2Se Jewu mwana Hanani, m'huti, a to mu hingeta a txi khene ka mfumeli Josafati:
Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako. 3Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.
Josafati e sawula valamuli
4Josafati koko a to zumba Jerusalema, a txi tolovela kuya dingula vathu vakwe, kukhukhela Bherisebha kala mimangoni ka Efrayime, a txi va kombelela kuva txi tshumelela ka Mkoma, Txizimu txa vatate vawe. 5Se a to veka valamuli ditikoni ka madhoropa otshe a hombe, ka didhoropa ni didhoropa. 6A txi gela valamuli a txi khene:
Ti woneleni ka ti mi no ti maha, nguko kha mi lamuli ngu kurumwa ngu vathu kambe mi rumwa ngu Mkoma, ene ani nanu ka mthumo wo lamula.
7Konkuwa koko, thavani Mkoma, mi vekisa ni kuxayisa sileleto sakwe nguko kha ku na kukanganyisa ka Mkoma Txizimu txathu, hambi kuya ngu khohe ya m'thu, hambi kuamukela simaha. 8Se Josafati a to veka kambe Valevhi vokari, ni vaphaxeli, ni vathangeli va vatate va ka Israyeli, e va veka ka mthumo wo lamula timhaka ta Mkoma ni ta vathu, kona Jerusalema. 9Atxi va ninga mthetho, a txi khene:
Sekoko mahani eto ngu kuthava Mkoma ni ngu kuthembeka ni wumbilu. 10Vananu ava va zumbako madhoropani kwanu va na mi tisela timhaka ti ti humelela timwayani kwawe, 11Tiziveni ti to Amariya, mphaxeli wa hombe a na va i di mthangeli wanu ka toshe timhaka ti ti lumbako Mkoma; se ka timhaka ta mfumo, mi na thangelwa ngu Zebhadhiya, mwana Ismayeli, mthangeli wa nyumba ya va ka Judha. Valevhi va na vhunetela ka mithumo ya dibhazani. Thumani mi di tsani, Mkoma a na va ni vale va kululama.
Currently Selected:
2 Makronika 19: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
