1 Makronika 26
26
Vawoneleli va Dithepele
1Vathangeli va sike va ti ti abanisetwe ngu mitxawa. Ka va ka Kora i ti ti Meselemiya, mwana Kora, wa vanana va ka Asafe. 2Se vanana va Meselemiya ngu vava: Zakariya, wa matiwula, wa wumbidi i Jedhiyayeli, wa wuraru i Zebhadhiya, ni Jatiniyeli wa wumune, 3wa wutxhanu i Elame, wa wutxhanu ni mmweyo i Jowanani, wa wutxhanu ni vambidi i Eliyoyenayi.
4 # Wona ni ka: 2 Sam. 6:11; 1 Mak. 13:14. Se vanana va Obhedhi-Edhomi ngu vava: Semaya wa matiwula, wa wumbidi i Jeyozabhadhi, wa wuraru Jowa, wa wumune i Sakari, wa wutxhanu i Nathaniyele, 5#Wona ni ka: 2 Sam. 6:11; 1 Mak. 13:14. wa wutxhanu ni mmweyo i Amiyeli, wa wutxhanu ni vambidi i Isakari, wa wutxhanu ni vararu i Pewuletayi; nguko Txizimu txi ti va katekisile.
6Nene mwanana wa Semaya a ti velekile vanana, vale va nga fuma txitimwi ka nyumba ya tate wawe; nguko i ti vavamna va mtamo. 7Vanana va Semaya ngu vava: Otini, ni Rafayeli, ni Obhedhi, ni Elizabhadhi, ni vanawe, hi nga ti vavamna va mtamo, Eliwu ni Semakiya. 8Votshe vava i ti ti vanana va ka Obhedhi-Edhomi; vona, ni vanana vawe, ni vanawe, i ti vavamna va mtamo, va mtamo amu ka kuthuma, votshe i ti mtxhanu wa magumi ni dimwedo, ni vathu vambidi.
9Se vanana ni vanawe va Meselemiya, vavamna va mtamo i ti ti digumi ni mtxhanu ni vararu.
10Se ka Hosa, wa vanana va Merari, vanana vakwe ngu vava: Siniri, mthangeli (hambi ku i nga ti si nga matiwula, tate wakwe a ti msawute kuva mthangeli), 11wa wumbidi i Hilikiya, wa wuraru i Tebhaliya, wa wumune i Zakariya; votshe vanana ni vanawe va Hosa, i ti digumi ni vararu.
12Ngu ka vava ku to mahwa mitxawa ya vawoneleli va sike, hagari ka vathangeli va vavamna vale vo wonelela, kumweko ni vanawe, kasi kuthuma Nyumbani ka Mkoma. 13Se va to xaxuva tixolo, madingano ni tinyumba ta vatate vawe, vavadotho ni vahombe ngu txike tximwetxo ni tximwani. 14Se xolo ya wutxani yi to sawula Selemiya; ku to xaxuvwa tixolo ngu mwanana wakwe Zakariya, didhota do lulama, xolo yi mkomba didhawa da wuphemba. 15Se Obhedhi-Edhomi yi to mkomba didhawa da wulambwe; se vanana vakwe va to ningwa kuwonelela nyumba ya tithomba. 16Supimi ni Hosa va to sawulwa kuva didhawa da mswa-ditambo, ni ka txike txa Saleketi, hafuhi ni nzila ya mmangoni; muwoneleli masoni ka mmwani muwoneleli. 17Ngu didhawa da wutxani, ku ti ti ni mtxhanu wa Valevhi ni mmweyo; ngu didhawa da wuphemba mune wa vona ngu ditshiku; wulambwe mune wa vona ngu ditshiku; kambe nyumbani ka tithomba ku ti ti ni vambidi-vambidi. 18Ngu Txibhiyani didhawa da mswa-ditambo ku ti ni mune hafuhi ni nzila, ni vambidi hafuhi ni txibhiya. 19Ayiya mitxawa ya vawoneleli va sike, va vanana va ka Kora ni vanana va ka Merari.
Yimwani mithumo ya Dithepele
20Se ngu ka va ka Levhi, Ayiya i ti ti mxayisi wa tithomba ta Nyumbani ka Txizimu, ni ka tithomba ta siya so sawuleka. 21Ka vanana va Ladhani, mugersoni, mthangeli wa vatate i ti ti Jeyeli, 22ka vanana va Jeyeli, Zetani, ni Joweli, mwanawe; avava va ti ni mthumo wo xayisa tithomba ta Nyumbani ka Mkoma; 23ka va ka Anirami, va ka Izari, va ka Hebroni, va ka Oziyeli, 24Sebhuweli, mwana Gerisoni, mwana Mosi, i ti ti mthangeli wa vaxayisi va tithomba; 25se vanawe ngu didhawa da Eliyezeri ngu vava: Reyabhiya mwanakwe, ni Isaya mwanakwe, ni Joramu mwanakwe, ni Zikiri mwanakwe, ni Selomite mwanakwe. 26Se Selomite ni vanawe va ti ti ni mthumo wo xayisa totshe tithomba ta siya so sawuleka sile mfumeli Dhavhidha, ni vathangeli va vatate, vathangeli va magumi a mazana, ni va mazana, ni vathangeli va mabutho a yimbi, va nga ti si sawulekisile; 27ka sile si nga handwa yimbini, va to si sawulekisa, kasi kululamisa ngu sona Nyumba ya Mkoma, 28ni sotshe sile si nga sawulekiswa ngu Samuwele, m'huti, ni Sawule, mwana Kisi, ni Abhineri, mwana Neri, ni Jowabhi, mwana Zeruiya; sotshe sile si ti ti maneka manzani ka Selomite ni vanawe.
Tifanelo ta vamwani Valevhi
29Ka va ka Izari, Kenaniya ni vanana vakwe, va ti ti vekilwe txitimwi ka va ka Israyeli, kasi kumaha mithumo hahanze, kuva vathangeli ni valamuli;
30ka va ka Hebroni, i ti ti Hasabhiya ni vanawe, va 1.700 wa vavamna va mtamo, va nga ti ni mthumo wa wuthangeli kona Israyeli, ngu mtxhatuko ka Jordhani, ngu didhawa da mswa-ditambo, ni wotshe mthumo wa Mkoma, ni ka mthumo wa mfumeli; 31ka va ka Hebroni mthangeli wa va ka Hebroni, i ti ti Jeriya, wa tiveleko tawe hagari ka vatate; ka dilembe da mune wa magumi da kufuma ka Dhavhidha, ku to lawa kumaneka hagari kwawe vavamna va mtamo, kona Jazeri ka Gileyadhi. 32Se vanawe, vavamna va mtamo, i ti ti 2.700 wa vathangeli va vatate; se mfumeli Dhavhidha a to va veka txitimwi ka va ka Rubheni, ni va ka Gadhi, ni ka hafu ya lihunzu la ka Manasi, ka totshe timhaka ta Txizimu, ni ka totshe timhaka ta mfumeli.
Currently Selected:
1 Makronika 26: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
