NEHEMIA 1
1
1Iyanaé laporanna Néhémia ana' Hakhalya passalenna jama-jamanna.
Messéna Néhémia pikkiri'i Yérusalém
Ri laleng uleng Kisléw ri taung maduwappuloé apparéntanna Artahsasta selaku arung ri Persia, iyya, Néhémia, engkaka ri Susan, ibukotana akkarungengngé. 2Iyaro wettué, silessurekku Hanani, engkai polé ri Yéhuda silaong siyagangngaré tau. Nainappa utanai mennang passalenna keadaangngé ri Yérusalém sibawa sining tau Yahudié iya lisuénna polé ri appalirengngé ri#iya lisuénna polé ri appalirengngé ri, iyaré'ga iya dé'é naribuwang lao ri. Babél. 3Nacuritani mennang makkedaé sining tau puraé ripali iya lisuénna ri tana assalennaro,#iya lisuénna ri tana assalennaro, iyaré'ga iya tette'é monro ri tana assaleng sibawa dé' naripali. tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é. 4Uwéngkalingana karébaéro, tudanna sibawa teri.
Siyagangngaré esso ittana masussa atikku. Matteruka mappuwasa umassempajatto lao ri Allataala, 5“Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu. 6Itaka oh Puwang, sibawa éngkalingai sempajang iya upaénré'é ri yolo-Mu esso sibawa wenni untu' umma Israél, ata-atam-Muro. Uwangakuiwi makkedaé idi, umma Israélié, madosani; iyya sibawa toriyoloku madosa toni. 7Purani madoraka lao ri Iko sibawa majjalékkaiwi sining parénta-Mu. Dé' tapatoiwi hukkung-hukkung iya puraé Muwérékki naolai Musa, atam-Muro. 8Oh Puwang, éngngerangngi ada-adam-Mu iya napowadaé Musa nasaba parénta-Mu, makkedaé rékko idi, umma Israélié, dé' namatinulu lao ri Iko, maélo-Ko passara-sarakki ri yelle'na bangsa-bangsa laingngé. 9Iyakiya rékko lisuki paimeng ri Iko sibawa turusiwi sining parénta-Mu, idi iya tassiya-siyaénnaro Mupaddeppungekki matu paimeng, namuni engkaki ri cappa-cappa linoé. Nainappa Mupalisuki matu ri onrong iya puraé Mupilé untu' mancaji onrong massompa lao ri Iko.
10 Puwang, idi'é ata-atam-Mu, umma ri alé-Mu iya puraé Mupassalama sibawa akuwasang nenniya awatangem-Mu iya maseroé. 11Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.”
Iyaro wettué pangurusu énungennaka arungngé.
Currently Selected:
NEHEMIA 1: LAIBUG
Highlight
Share
Copy
Want to have your highlights saved across all your devices? Sign up or sign in