YUNUS 2
2
Sempajanna Yunus
1Polé ri lalenna babuwana baléro, massempajanni Yunus lao ri Puwang Allataala. Adanna,
2“Oh Puwang,
ri laleng asussakku mangobbika lao ri Iko
na mubalika.
Polé ri linona tau maté méllauka pattulung,
Muwéngkalingai paréllaukku sibawa Mujampangiwi.
3Muwaggenrungekka lao ri onrong iya maliyungngé,
lettu ri borina tasi'é.
Kuwaniro nattulilingika solo' uwai,
naggeppuwakka bombangngé.
4Makkedaka ri laleng atikku:
Purana napaddésu Puwangnge polé ri yolo-Na.
Dé'na uwitai matu paimeng
bola onron-Na iya mapaccingngé.
5Ménré'ni uwaina tasi'é lettu ri témukku,
nasalipurini dolangeng malowang sininna tubukku,
nabebbe'ni ulukku lumu-lumu tasi.
6-7Luppe'ka lettu ri borina bulué,
ri lino iya gerbannaé taggoncing lettu ri paccappurenna linoé.#ri lino iya … paccappurenna linoé: iya riyakkattaiyé sibawa iyaro iyanaritu linona tau maté.
Poso nyawaku ri laleng aléku,
nainappa maréngngerakka sibawa mangobbi lao ri Iko.
Nalettu'na sempajakku ri alé-Mu,
ri laleng Bola-Mu iya mapaccingngé.
Nainappa Mupaénré'ka polé ri laleng tasi'é,
oh Puwang Allataalaku!
8Sining passompa barahala iya siya-siyaé,
nasalai-Ko sibawa dé'na namatinuluna.
9Iyakiya makkélokka matu pappoji-pojiyang untu' alé-Mu
sibawa makkasuwiyangekka akkarobangeng untu' alé-Mu.
Sininna jancikku upogau'i matu.
Iko ritu Puwang iya mappassalama'é.”
10Nainappa, nasaba paréntana Puwangnge, iyaro balé naluwani Yunus ri pottanangngé.
Currently Selected:
YUNUS 2: LAIBUG
Highlight
Share
Copy
Want to have your highlights saved across all your devices? Sign up or sign in