HABAKUK 3
3
Sempajanna Habakuk
1Iyanaé sempajanna Nabi Habakuk:#Basa Ibrani mappunnai ada-ada pattamba iya dé'é namanessa bettuwanna.
2Oh Puwang, uwéngkalingai passalenna pangkaukem-Mu,
na pappénedding amaccangngé pennoiwi atikku.
Tennapodo pangkaukeng battowaéro Mupakkolingngi
sibawa Mupannessai ri wettuttaé.
Sitinajanna Muwamaséiki
namuni mapellai atim-Mu.
3Iko Allataala Iya Pommapaccingngé polé ri Téman,#Téman padai sibawa Edom.
Poléko ri buluna Paran.
Nasalipuriwi langié arajam-Mu;
pennoi linoé sibawa pappojiyang untu' alé-Mu.
4Poléko sibawa cahaya mattappa,
polé ri limam-Mu massui cahaya mattappaé,
kuwaniro Musubbu akuwasam-Mu.
5Musuroi lasaé joppa ri yolo-Mu
sibawa maccowéi amaténgngé ri monrim-Mu.
6Rékko mappésau-Ko, tatténréng linoé;
rékko makkita-Ko, maséleng bangsa-bangsaé.
Mapuwé-puwé sining bulu mannennungengngé;
bulu-bulu mannennungengngé mariyawato,
ri bulu-buluénnaro
joppa-Ko sipongenna wettu riyolo.
7Uwitai ra'ya' Kusyan nakenna ataureng,
sibawa ténré tau Midiangngé.
8Oh Puwang, nasaba tasi'koga naménré dara-Mu?
Sining saloégga mébbu-Ko macai?
Mutonangiwi ellungngé selaku anyarang sibawa karéta musu,
wettunna umma'-Mu Muwéréng apakalang.
9Purani Mupassadiya uso-Mu,
sadiyani pana-Mu untu' rileppessang.#Naullé bettuwanna: sadiyani pana-Mu untu' rileppessang.
Nainappa Mupuwé linoé mancaji salo-salo.
10Naita-Mu, taggottang sining bulué
polé ri langié nonnoi bosié pada-pada ritiri'é.
Mangoro oninna uwai ri yawana tanaé,
mallulung bombangngé sibawa mangappo.
11Tajjelli tappana sining pana-Mu nataro gatti,
pawilo bessim-Mu millak-killang,
namappésauna mata essoé sibawa kétengngé ri onronna.
12Nasibawang ajapperuseng Mujalajja'i linoé;
Muléjja-léjja'i bangsa-bangsaé sibawa mapella ati.
13Majjongkako malluru untu' paleppe'i umma'-Mu
sibawa untu' passalama'i arung Mupilé.
Muwunrui gangkanna mabuwang pamimpinna tau madorakaé,
Musaringngi gangka cappu sininna tomaccowériyéngngi.#Naullé bettuwanna: Musaringngi … tomaccowériyéngngi.
14Sining pana-Mu nabettui pamimpinna pasukanna balié
wettunna polé tentarana pada-pada watanna anginrajaé,
kuwammengngi naripassara-sarakki.
Macawai mennang sibawa masennang
pada-pada tau iya mammekko-mekkoé tenre'i tau iya akurangengngé.#Ri laleng basa Ibrani aya' 14 dé' namanessa.
15Nasibawang anyaram-Mu Muléjja'-léjja'i dolangengngé
sibawa tasi iya maputé mabbusa.
16Métau atikku méngkalingai iyaro
sibawa ténré témukku.
Mancaji malemmaka dé' pakkullékku,
ajéku tabbuttu,#Naullé bettuwanna: ajéku tabbuttu; Ibrani: malippuka, nasaba. muwi kégika joppa.
Maélo-Ka mattajeng sibawa tennang
pahukkungenna Allataala lao risining paggasaé.
17Namuni pong araé dé'gaga buwana
sibawa pong anggoro'é dé'gaga anggoro'na,
namuni buwa zaitungngé dé' najaji
sibawa wassélé gandongngé ri dare'é mappakacélé,
namuni maté maneng sining bimbala'é
sibawa dé'gaga lise'na wakké olokolo'é,
18tuli marennuka matu,
saba' Iko Puwang Allataala pappassalama'ku.
19Muwérékka awatangeng
pada-pada ajé jongaé, Mupakkasse'i ajéku.
Mupimpikka kuwammengngi amakka
wettukku joppa ri bulué.
Currently Selected:
HABAKUK 3: LAIBUG
Highlight
Share
Copy
Want to have your highlights saved across all your devices? Sign up or sign in
