1 TAWARIKH 1

Jori wija-wijanna Adam lettu ri Abraham

(Kaj. 5:1-32, 10:1-32, 11:10-26)

Polé ri Adam lettu ri Nuh

1-4Assossorenna toriyolona bangsa Israélié polé ri Adam lettu ri Nuh, matturu-turuseng iyanaritu selaku mangoloéwé:

Adam

Sét

Enos

Kénan

Mahalaleel

Yaréd

Hénokh

Métusalah

Lamékh

Nuh

Bangsa-bangsa wijanna Nuh

Ana'-ana' worowanéna Nuh engka tellu tau: Sém, Ham sibawa Yafét.

5Ana'-ana' worowanéna Yafét iyanaritu Gomer, Magog, Madai, Yawan, Tubal, Mésékh sibawa Tiras. Mennang iyanaritu toriyolona bangsa-bangsa iya riteppué situru asenna mennang. 6Wija-wijanna Gomer iyanaritu tau Askénas, Rifat sibawa Togarma. 7Wija-wijanna Yawan iyanaritu tau Elisa, Spanyol, Siprus sibawa Rodes.

8Ana'-ana' worowanéna Ham iyanaritu Kus, Maséré, Libia sibawa Kanaan. Mennang iyanaritu toriyolona bangsa-bangsa iya riteppué situru asenna mennang. 9Wija-wijanna Kus iyanaritu tau Séba, Hawila, Sabta, Raéma sibawa Sabtékha. Wija-wijanna Raéna iyanaritu tau Syéba sibawa Dédan. (10Kus mappunnai séddi ana' worowané riyaseng Nimrod, iya mancaji arung poré iya mammulangngé ri linoé.) 11Wija-wijanna Maséré iyanaritu tau Lidia, Anamim, Léhabim, Naftuhim, 12Patrusim, Kasluhim sibawa Kréta. Mennang iyanaritu toriyolona tau Filistingngé. 13Ana'-ana' worowanéna Kanaan iyanaritu Sidon, iya macowaé sibawa Hét. Mennang iyanaritu toriyolona bangsa-bangsa iya riteppué situru asenna mennang. 14Kanaan iyanaritu toriyolona towi tau Yébusié, Amorié, Girgasié, 15Héwi, Arki, Sini, 16Arwadi, Semari sibawa Hamati.

17Ana'-ana' worowanéna Sém iyanaritu Elam, Asyur, Arpakhsad, Lud, Aram, Us, Hul, Géter sibawa Mésékh. Mennang iyanaritu toriyolona bangsa-bangsa iya riteppué situru asenna mennang. 18Arpakhsad iyanaritu ambo'na Sélah, na Sélah ambo'na Eber. 19Eber mappunnai duwa ana' worowané; iya mammulangngé riyasengngi Pélég#Pélég: Iyaé asengngé oninna pada-pada ada Ibrani iya bettuwanna “tabbagé-bagé”. nasaba ri wettunnai natabbagé-bagé bangsa-bangsaé ri linoé; iya maduwaé riyasengngi Yoktan. 20Wija-wijanna Yoktan iyanaritu tau Almodad, Séléf, Hazar-Mawét, Yérah, 21Hadoram, Uzal, Dikla, 22Ebal, Abimaél, Syéba, 23Ofir, Hawila sibawa Yobab.

Polé ri Sém lettu ri Abraham

24-27Assossorenna toriyolona bangsa Israélié polé ri Sém lettu ri Abraham matturu-turuseng iyanaritu mangoloéwé:

Sém

Arpakhsad

Sélah

Eber

Pélég

Réhu

Sérug

Nahor

Térah

Abram (riisseng towi selaku Abraham).

Wija-wijanna Ismaél

(Kaj. 25:12-16)

28Abraham mappunnai duwa ana' worowané, iyanaritu Ishak sibawa Ismaél. 29Iyanaé ana'-ana'na Ismaél: Nébayot, iya macowaé, nainappa Kédar, Adbeel, Mibsam, 30Misma, Duma, Masa, Hadad, Téma, 31Yétur, Nafis sibawa Kédma.

Wija-wijanna Abraham sibawa Ketura

32Abraham mappunnai gundi asenna Ketura. Polé ri gundi'naro lolongengngi ana'-ana' worowané iya riyasengngé Zimran, Yoksan, Médan, Midian, Isybak sibawa Suah. Yoksan mappunnai ana'-ana' worowané iya riyasengngé: Syéba sibawa Dédan. 33Midian mappunnai ana'-ana' worowané iya riyasengngé: Efa, Efer, Hanokh, Abida sibawa Eldaa.

Wija-wijanna Esau ana' Ishak

(Kaj. 36:1-19)

34Ishak ana' Abraham mappunnai duwa ana' worowané, iyanaritu Esau sibawa Yakub (iya riissengngétto selaku Israél). 35Ana'-ana' worowanéna Esau iyanaritu Elifas, Réhuél, Yéus, Yaélam sibawa Korah. 36Elifas iyanaritu toriyolona suku Téman, Omar, Zéfi, Gaétam, Kénas, Timna sibawa Amalék. 37Réhuél iyanaritu toriyolona suku Nahat, Zérah, Syama sibawa Miza.

Pabbanuwa tulénna tana Edom

(Kaj. 36:20-30)

38-42Pabbanuwa tulénna tana Edom iyanaritu wija-wijanna ana'-ana'na Séir, iyanaritu Lotan, Syobal, Zibéon, Ana, Disyon, Ezer sibawa Disyan.

Ana'-ana' worowanéna Lotan iyanaritu Hori sibawa Homam. Lotan mappunnaiwi séddi silessurenna makkunrai asenna Timna.

Ana'-ana' worowanéna Syobal iyanaritu Alyan, Manahat, Ebal, Syéfi sibawa Onam.

Ana'-ana' worowanéna Zibéon iyanaritu Aya sibawa Ana. Ana'na Ana iyanaritu Disyon, na ana'na Disyon iyanaritu Hamran, Esyban, Yitran sibawa Kéran.

Ana'-ana' worowanéna Ezer iyanaritu Bilhan, Zaawan sibawa Yaakan.

Ana'-ana' worowanéna Disyon iyanaritu Us sibawa Aran.

Arung-ngarunna Edom

(Kaj. 36:31-43)

43-50Ri wettu dé'napa arung mapparénta ri Israél, tana Edom riparéntai matturu-turuseng ri arung-ngarung iya mangoloéwé:

Béla ana' Béor polé ri Dinhaba

Yobab ana' Zérah polé ri Bozra

Husyam polé ri daérana tau Témangngé

Hadad ana' Bédad polé ri Awit (aléna ritu caui tau Midiangngé ri laleng musué ri daéra Moab)

Samla polé ri Masyréka

Saul polé ri Réhobot ri wiring saloé

Baal Hanan ana' Akhbor

Hadad polé ri Pahi (bainéna riyaseng Méhétabeel, ana' Matréd sibawa eppona Mézahab)

51Bangsa Edongngé poléi ri suku Timna, Alya, Yétét, 52Ohalibama, Ela, Pinon, 53Kénas, Téman, Mibzar, 54Magdiél sibawa Iram, tungke'-tungke' situru aseng kapala sukunna.

Currently Selected:

1 TAWARIKH 1: LAIBUG

Highlight

Compare

Copy