4 Musa 32
32
Marga-marga bangsa Israel kettan kebincaren Laè Jordan
(5 Ms. 3:12-22)
1Ukum marga Ruben dekket marga Gad mbuè kalohon ngo pinakanna. Idah kalak i kessa mo merandalna tanoh Jaezer dekket tanoh Gilead mahan jampalen, 2laus mo kalak i menghadep si Musa, Imam Eleazar, dekket pengulu-pengulu sidèbankenna kalak Israel. Nina kalak i mo, 3-4“Merandal kalohon ngo mahan jampalen tanoh kuta Atarot, Dibon, Jaezer, Nimra, Hesybon, Eleale, Sebam, Nebo dekket kuta Beon sienggo itaban Israel merkitè pengurupi Jahowa. Kumarna mbuè kalohon ngo pinakan nami, 5kupengido kami asa berèken mo tanoh èn bai nami gabè milik nami. Ulang mo pella suruh nèngè kami mbungkas mi kèpar laè Jordan.”
6Ialoi si Musa mo, “Bakunè mo tading kènè i sèn, keppèken dengngan ndènè sada bangsa laus mergeraha? 7Kasa nola mo naing bakinen ndènè mbiar bangsa Israel lako meneberangi laè Jordan dekket lako mbengket mi nagerri siniberèken Jahowa bai kalak i? 8#4 Ms. 13:17-33 Bagi ngo tong ulah-ulah partua ndènè, sinderrang kupasulak kalak idi i Kades Barnea nai lako mengagahi nagerri idi. 9Enggo soh kalak i mi napa Eskol janah enggo ma ngo idah tanoh idi. Tapi tikan balik kessa kalak i, icubiari kalak i mo bangsa Israel lako mbengket mi tanoh siniberèken Jahowa bai kalak i. 10-11#4 Ms. 14:26-35 Nai punguren mo Jahowa sinderrangna i gabè nina mo, ‘Oda setia kalak i baKu. Kumerna i Kusempetaken mo magahken isè kalak i sienggo merumur duapuluh tahun mi babo sinderrang menadingken Mesir, sada kalak pè oda ndorok mbengket mi nagerri sienggo Kuperbagah idi bai si Abraham, si Isak dekket si Jakob.’ 12Karinana ngo jelma kenna hukum laènken si Kaleb dukak si Jefune, kalak Kenas, dekket si Josua anak si Nun, kumerna tong ngo setia kalak i sidua bai Jahowa. 13Melaga ngo Jahowa taba bangsa Israel gabè ibelli mo kalak i mampar-ampar i gurun pasir empatpuluh tahun dekkahNa soh mi lebbè matè karinana sisada cundut sienggo mengalo bai Jahowa idi. 14Bagèndari ma pè, memberontak ma ngo kènè bagè bapa ndènè idi! Situhuna pulungen kalak perdosa ngo kènè si dak mendungkul laga Jahowa taba bangsa Israel! 15Mula itondali kènè ngo Jahowa, ibelli mo karina bangsa èn ndekkah dèng i gurun pasir ènda, janah kènè ngo memaingken kalak i ripas!”
16Nai ijolmiti kalak Ruben dekket kalak Gad mo si Musa janah idoken, “Mula bagi selloh mo lebbè kubahan kami kandang merpagar batu bekkas biri-biri nami dekket kuta gotting merparik bekkas dukak-dukak dekket sinibages nami. 17Kebbas pè kami ndor lako mergeraha rasken dekket kaka anggi nami idi. Kuuluken kami pè lako juhap idi janah merembah kalak i mbengket mi nagerri si gabè milik kalak i. Sintor bagidi i tading mo lebbè i sèn dukak-dukak bak sinibages nami, ibas kuta gotting merparik, siso terkubu jelma pengisi nagerri èn. 18Oda balik kami mi bages nami mula mak dèng karina kalak Israel terolih tanoh mahan milik kalak i. 19Oda pella kujalo kami agia sinteppap pè ibas tanoh kalak i nai sinikèpar laè Jordan, kumerna enggo kujalo kami alih nami i sèn, kan kebincaren laè Jordan.”
20Ialoi si Musa mo, “Mula tuhu-tuhu ngo kènè uè kebbas lako mergeraha kemulihken Jahowa, 21janah karina kènè sindorok mergeraha menurèpari laè Jordan, janah merkitè penguluken Jahowa mengkubu karina musuh soh ipelaus Jahowa kalak i, 22asa gabè patuh aur i tabasa, nai ipè asa ndorok kènè balik, janah selangsaè mo kènè ipas utang ndènè nai meradepken Jahowa dekket meradepken kaka-anggi ndènè, janah iberèken Jahowa mo tanoh kan kebincaren ènda mahan milik ndènè. 23Tapi èngèt kènè mo, mula oda itebbus kènè jandi ndènè, merdosa ngo kènè bai Jahowa janah ihukum kemulihken dosa ndènè i. 24Kebbasi kènè mo lako mahan kuta dekket kandang pinakan ndènè i, janah ulang kènè lupa menebbusi kadè sienggo ijandiken kènè i.”
25Nai nina kalak Gad dekket kalak Ruben mo, “Tuan nami, kuulaken kami pè kadè siniperèntahken Tuan idi. 26Tading isèn mo dukak-dukak bak sinibages nami dekket pinakan lembu bak biri-biri nami, i kuta silot i Gilead. 27Tapi ukum kami enggo kebbas lako geraha siniuluken Jahowa. Kuseberangi kami mo laè Jordan janah mergeraha bagè sienggo idokken Tuan i.”
28 #
Jos. 1:12-15
Nai idokken si Musa mo perèntah èn bai Imam Eleazar, si Josua dekket pengulu-pengulu Israel, 29“Mula iuèi kalak Gad dekket kalak Ruben ngo perèntah Jahowa janah meneberangi Laè Jordan lako mergeraha, janah mula mennang kènè kumerna pengurupien kalak i, lako menaban nagerri i, kennah berènken ndènè ngo tanoh Gilead bai kalak i gabè milikna. 30Tapi mula oda isuberrangi kalak i Laè Jordan lako mergeraha rasken dekket kènè, kennah ijalo kalak idi mo tanoh alih kalak i i nagerri Kanaan, tosè bagè kènè.”
31Ialoi kalak Gad dekket kalak Ruben mo, “Tuan nami, kuulaken kami pè bagè siniperèntahken Jahowa. 32Ibas penguluken Jahowa suberrang pè kami mi nagerri Kanaan janah kebbas mergeraha, tapi naing mo nemmu tanoh kan kebincaren Laè Jordan èn tong gabè lih nami.”
33Nai isohken si Musa mo bai marga Gad dekket Ruben bak bai sitengah marga Manasye karina aur Sihon, raja Amori, deket aur Og, Raja Basan, rasken dekket kuta bak tanoh sikulilingna. 34Ipekadè marga Gad mo nola kuta Dibon, Atarot, Aroër, 35Atarot Sofan, Jaezer, Jogbeha, 36Bet-Nimra, dekket Bet-Haran gabè kuta merbentèng dekket mahan bekkas kandang biri-biri. 37Marga Ruben pè balik mo pekadèken kuta Hesybon, Eleale, Kiryataim, 38Nebo, Baal-Meon, dekket Sebam. Karina kuta sinipekadè kalak idi igancihi kalak i ngo gerarna.
39Horong si Makhir, anak si Manasye, mengkubu tanoh Gilead, nai itaban janah ipelaus mo kalak Amori, silot i sidi. 40Kumernana i iberèken si Musa mo tanoh Gilead bai horong si Makhir, janah menettap i sidi mo kalak i. 41Ukum si Jair, i marga Manasye nai, menjuhap janah menaban piga-piga kuta nai igerari mo i “Lebbuh si Jair.” 42Si Nobah menjuhap janah menaban kuta Kenat bak sosor i sikulilingna, nai igerari mo i Nobah, mengèkutken gerarna sendiri.
Currently Selected:
4 Musa 32: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
4 Musa 32
32
Marga-marga bangsa Israel kettan kebincaren Laè Jordan
(5 Ms. 3:12-22)
1Ukum marga Ruben dekket marga Gad mbuè kalohon ngo pinakanna. Idah kalak i kessa mo merandalna tanoh Jaezer dekket tanoh Gilead mahan jampalen, 2laus mo kalak i menghadep si Musa, Imam Eleazar, dekket pengulu-pengulu sidèbankenna kalak Israel. Nina kalak i mo, 3-4“Merandal kalohon ngo mahan jampalen tanoh kuta Atarot, Dibon, Jaezer, Nimra, Hesybon, Eleale, Sebam, Nebo dekket kuta Beon sienggo itaban Israel merkitè pengurupi Jahowa. Kumarna mbuè kalohon ngo pinakan nami, 5kupengido kami asa berèken mo tanoh èn bai nami gabè milik nami. Ulang mo pella suruh nèngè kami mbungkas mi kèpar laè Jordan.”
6Ialoi si Musa mo, “Bakunè mo tading kènè i sèn, keppèken dengngan ndènè sada bangsa laus mergeraha? 7Kasa nola mo naing bakinen ndènè mbiar bangsa Israel lako meneberangi laè Jordan dekket lako mbengket mi nagerri siniberèken Jahowa bai kalak i? 8#4 Ms. 13:17-33 Bagi ngo tong ulah-ulah partua ndènè, sinderrang kupasulak kalak idi i Kades Barnea nai lako mengagahi nagerri idi. 9Enggo soh kalak i mi napa Eskol janah enggo ma ngo idah tanoh idi. Tapi tikan balik kessa kalak i, icubiari kalak i mo bangsa Israel lako mbengket mi tanoh siniberèken Jahowa bai kalak i. 10-11#4 Ms. 14:26-35 Nai punguren mo Jahowa sinderrangna i gabè nina mo, ‘Oda setia kalak i baKu. Kumerna i Kusempetaken mo magahken isè kalak i sienggo merumur duapuluh tahun mi babo sinderrang menadingken Mesir, sada kalak pè oda ndorok mbengket mi nagerri sienggo Kuperbagah idi bai si Abraham, si Isak dekket si Jakob.’ 12Karinana ngo jelma kenna hukum laènken si Kaleb dukak si Jefune, kalak Kenas, dekket si Josua anak si Nun, kumerna tong ngo setia kalak i sidua bai Jahowa. 13Melaga ngo Jahowa taba bangsa Israel gabè ibelli mo kalak i mampar-ampar i gurun pasir empatpuluh tahun dekkahNa soh mi lebbè matè karinana sisada cundut sienggo mengalo bai Jahowa idi. 14Bagèndari ma pè, memberontak ma ngo kènè bagè bapa ndènè idi! Situhuna pulungen kalak perdosa ngo kènè si dak mendungkul laga Jahowa taba bangsa Israel! 15Mula itondali kènè ngo Jahowa, ibelli mo karina bangsa èn ndekkah dèng i gurun pasir ènda, janah kènè ngo memaingken kalak i ripas!”
16Nai ijolmiti kalak Ruben dekket kalak Gad mo si Musa janah idoken, “Mula bagi selloh mo lebbè kubahan kami kandang merpagar batu bekkas biri-biri nami dekket kuta gotting merparik bekkas dukak-dukak dekket sinibages nami. 17Kebbas pè kami ndor lako mergeraha rasken dekket kaka anggi nami idi. Kuuluken kami pè lako juhap idi janah merembah kalak i mbengket mi nagerri si gabè milik kalak i. Sintor bagidi i tading mo lebbè i sèn dukak-dukak bak sinibages nami, ibas kuta gotting merparik, siso terkubu jelma pengisi nagerri èn. 18Oda balik kami mi bages nami mula mak dèng karina kalak Israel terolih tanoh mahan milik kalak i. 19Oda pella kujalo kami agia sinteppap pè ibas tanoh kalak i nai sinikèpar laè Jordan, kumerna enggo kujalo kami alih nami i sèn, kan kebincaren laè Jordan.”
20Ialoi si Musa mo, “Mula tuhu-tuhu ngo kènè uè kebbas lako mergeraha kemulihken Jahowa, 21janah karina kènè sindorok mergeraha menurèpari laè Jordan, janah merkitè penguluken Jahowa mengkubu karina musuh soh ipelaus Jahowa kalak i, 22asa gabè patuh aur i tabasa, nai ipè asa ndorok kènè balik, janah selangsaè mo kènè ipas utang ndènè nai meradepken Jahowa dekket meradepken kaka-anggi ndènè, janah iberèken Jahowa mo tanoh kan kebincaren ènda mahan milik ndènè. 23Tapi èngèt kènè mo, mula oda itebbus kènè jandi ndènè, merdosa ngo kènè bai Jahowa janah ihukum kemulihken dosa ndènè i. 24Kebbasi kènè mo lako mahan kuta dekket kandang pinakan ndènè i, janah ulang kènè lupa menebbusi kadè sienggo ijandiken kènè i.”
25Nai nina kalak Gad dekket kalak Ruben mo, “Tuan nami, kuulaken kami pè kadè siniperèntahken Tuan idi. 26Tading isèn mo dukak-dukak bak sinibages nami dekket pinakan lembu bak biri-biri nami, i kuta silot i Gilead. 27Tapi ukum kami enggo kebbas lako geraha siniuluken Jahowa. Kuseberangi kami mo laè Jordan janah mergeraha bagè sienggo idokken Tuan i.”
28 #
Jos. 1:12-15
Nai idokken si Musa mo perèntah èn bai Imam Eleazar, si Josua dekket pengulu-pengulu Israel, 29“Mula iuèi kalak Gad dekket kalak Ruben ngo perèntah Jahowa janah meneberangi Laè Jordan lako mergeraha, janah mula mennang kènè kumerna pengurupien kalak i, lako menaban nagerri i, kennah berènken ndènè ngo tanoh Gilead bai kalak i gabè milikna. 30Tapi mula oda isuberrangi kalak i Laè Jordan lako mergeraha rasken dekket kènè, kennah ijalo kalak idi mo tanoh alih kalak i i nagerri Kanaan, tosè bagè kènè.”
31Ialoi kalak Gad dekket kalak Ruben mo, “Tuan nami, kuulaken kami pè bagè siniperèntahken Jahowa. 32Ibas penguluken Jahowa suberrang pè kami mi nagerri Kanaan janah kebbas mergeraha, tapi naing mo nemmu tanoh kan kebincaren Laè Jordan èn tong gabè lih nami.”
33Nai isohken si Musa mo bai marga Gad dekket Ruben bak bai sitengah marga Manasye karina aur Sihon, raja Amori, deket aur Og, Raja Basan, rasken dekket kuta bak tanoh sikulilingna. 34Ipekadè marga Gad mo nola kuta Dibon, Atarot, Aroër, 35Atarot Sofan, Jaezer, Jogbeha, 36Bet-Nimra, dekket Bet-Haran gabè kuta merbentèng dekket mahan bekkas kandang biri-biri. 37Marga Ruben pè balik mo pekadèken kuta Hesybon, Eleale, Kiryataim, 38Nebo, Baal-Meon, dekket Sebam. Karina kuta sinipekadè kalak idi igancihi kalak i ngo gerarna.
39Horong si Makhir, anak si Manasye, mengkubu tanoh Gilead, nai itaban janah ipelaus mo kalak Amori, silot i sidi. 40Kumernana i iberèken si Musa mo tanoh Gilead bai horong si Makhir, janah menettap i sidi mo kalak i. 41Ukum si Jair, i marga Manasye nai, menjuhap janah menaban piga-piga kuta nai igerari mo i “Lebbuh si Jair.” 42Si Nobah menjuhap janah menaban kuta Kenat bak sosor i sikulilingna, nai igerari mo i Nobah, mengèkutken gerarna sendiri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)