4 Musa 31
31
Geraha muat bèla meradepken kalak Midian
1Nai nina Jahowa mo taba si Musa, 2“Balesken mo taba kalak Midian kemulihken sienggo nibakin kalak i taba bangsa Israel. Enggo kessa i matè mo kono.”
3Nai idokken si Musa mo taba bangsa Israel, “Kebbas mo kènè lako mergeraha; kennah juhap kènè kalak Midian lako pesautken hukum Jahowa taba kalak i. 4I gennep marga bangsa Israel nai, kennah pepada kènè seribu kalak soridadu lako berkat mergeraha.”
5Nai ipilih mo seribu kalak i gennep marga bangsa Israel nai, pulung mo kalak i karina sipuluh dua ribu kalak kebbas mergeraha. 6Ipeberkat si Musa mo kalak i mergeraha rasken dekket si Pinehas anak Imam Eleazar. Iembah si Pinehas mo ugas-ugasen simbadia dekket sarunè lako memerèken tanda. 7Rembang mi siniperèntahken Jahowa bai si Musa, ijuhap kalak Israel mo kalak Midian janah ibunuh mo karina anak laki bai kalak i nai, 8bagi dekket lima raja Midian, imo si Ewi, si Rekem, si Zur, si Hur dekket si Reba. Si Bileam, anak si Beor pè ibunuh ma ngo.
9Itaban kalak Israel mo daberru-daberru dekket anak-anak kalak Midian, janah irampas mo sigala binatang bak pinakan kalak i, bak nasa kekayaen kalak i. 10Ilekkup mo karina kuta dekket perundung-undungen kalak i. 11Enggo kessa bagi ibuat kalak Israel mo karina sinitaban i, bagi dekket karina jelma sinitaban dekket pinakan, 12nai iembah mo taba si Musa dekket bai Imam Eleazar, dekket taba karina bangsa Israel. Sinderrangna i tupung i lembeng Moab dèng ngo kalak i merian, imo i biding laè Jordan, i gembar kuta Jeriko.
Balik Soridadu kalak Israel
13Nai rumuar mo si Musa, Imam Eleazar bak karina pengulu sidèbanna i dèng bai kalak Israel nai lako menimbak-nimbak soridadu Israel i. 14Ilagai si Musa mo pakalima-pakalima tenterra, simenguluken nuhnuhen soridadu rembaru balik dèng i pergerahaen i nai. 15Nina mo taba kalak i, “Kasa ibelli kènè nggelluh karina daberru idi? 16#4 Ms. 25:1-9 Otang daberru-daberru idi ngo menguèi peddah si Bileam, gabè iajar-ajari kalak i bangsa Israel i Peor lako menadingken Jahowa? Janah idi ngo memaingken roh tulbang taba bangsa Jahowa! 17Kumerna i, bagèndari pè bunuh kènè mo karina anak laki dekket daberru sienggo maun campur dekket daholi. 18Tapi karina daberru siso nung deng campur dekket daholi ndorok mo buat kè bai ndènè. 19Janah kènè karina sienggo memunuh jelma barang pè sienggo dais mi bangkè kennah tading lebbè i ruar perundung-undungen sidekkah pitu ari. I ari petelluken dekket ari pepituken kènè dekket karina daberru sinitaban ndènè i kennah memaing kerja pengurasen. 20Karina pakèen dekket barang kadè sambing sinibahan i bebbak nai, buk-buk kambing barang pè i kayu nai, kennah iuras ngo.”
21Nai nina Imam Eleazar mo taba kalak sirimbaru balik i pergerahaen idi nai, “Ba- gèen ngo hatoren-hatoren siniberèken Jahowa bai si Musa. 22-23Karina nasa ugasen sitahan mi api, bagè emmas, pirak, tembaga, bessi, cumberrah mbentar dekket cumberrah mbèrèng, kennah iuras ngo i merkitè igaraken mi api. Enggo kessa bagidi kennah iuras dèng ngo ugas-ugasen idi dekket laè pengurasen asa ulang samur nèngè. Karina ugasen sidèbanna siso tahan api kennah iuras dekket laè pengurasen. 24I ari pepituken kennah taptapi kènè oles ndènè, nai ipè asa oda nèngè kènè melamun, janah ndorok mo mbengket mi bagasen perundung-undungen.”
Perbagi harta taban-tabanen
25Nina Jahowa mo taba si Musa, 26“Kono dekket Imam Eleazar, bak karina pengulu sidèbanna ibas bangsa Israel nai, kennah mengkèrah karina hasil taban-tabanen idi, bagi ma jelma bak pinakan sitertaban. 27Hasil taban-taban i kennah bagi dua kènè dos buèna; sada bagian bai soridadu sienggo laus mergeraha, janah sada bagian nai bai bangsa sitadingna. 28Mahan pemèrèken simerkedekoen baKu, Jahowa, kennah ibuat mo ibas perbagianen soridadu idi nai, sada ibas gennep lima ratus – bagi mo ibas jelma sinitaban nai, barang pè lembu, kalodè, biri-biri bak kambing nai. 29Sohken mo idi bai Imam Eleazar, sikira pèlèen simerkedekoen bangKu, Jahowa. 30Ibas perbagianen siniberèken bai bangsa Israel, kennah buatenmu sada i gennep limapuluh nai, barang pè jelma sinitaban, barang pè ibas lembu, kalodè, biri-biri dekket kambing nai. Sohken mo karinana idi bai kalak Lewi sipehèdu-hèduken Undung-undungKu.” 31Ibahanken si Musa dekket Imam Eleazar mo bagè sinidokken Jahowa.
32-35Laènken sienggo ibuat soridadu-soridadu lako bana sendiri lot dèng ngo taban-tabanen idi buèna: 675.000 biri-biri dekket kambing, 72.000 lembu, 61.000 kalodè dekket 32.000 simerbaju. 36-40Sitengah i sidi nai iberèken mo bai soridadu-soridadu perètongenna bagèen: 337.500 biri-biri bak kambing, janah i sidi nai 675 mo lako berènken bai Jahowa; 36.000 lembu, 72 mo i mahan berènken bai Jahowa; 30.500 kalodè, 61 mo i berènken bai Jahowa; 16.000 simerbaju gadi, 32 kalak mo i berènken bai Jahowa. 41Nai ipesakat si Musa mo bai Imam Eleazar simahan pèlènken idi bai Jahowa, bagè siniperèntahken Jahowa.
42-46Jambar mi jelma nterrem dos ngo buèna dekket jambar soridadu: 337.500 biri-biri bak kambing, 36.000 lembu, 30.500 kalodè, dekket 16.000 kalak simerbaju. 47Bagè sienggo iperèntahken Jahowa, ibuat si Musa mo sada ibas gennep limapuluh kalak jelma tabanen dekket pinakan i nai, nai iberèken mo idi bai kalak Lewi simengula i Undung-undung Jahowa.
48Enggo kessa i roh mo pakalima sienggo menguluken soridadu Israel, menghadep si Musa, 49janah memagahken, “Ialè Tuan, enggo kubilangi kami soridadu sikuuluken kami. I sidi ngo kalak i karinana, sada kalak poda lot mbalang. 50Kumerna i kuembah kami ngo pakèen-pakèen emmas, gellang-gellang tangan, gellang-gellang nènèh, cincin, sobeng dekket bura-bura sienggo kubuat kami. Karinana ènda kusohken kami bai Jahowa mahan pèlèen nami, asa dak tong ikelungkumi kami.” 51Nai ijalo si Musa dekket Imam Eleazar mo emmas idi, karina merumangken perhiasen. 52Botong pèlèen pakalima-pakalima idi lot ngo naing-naing dua ratus kilo. 53Tapi ukum soridadu-soridadu idi enggo mo lot ibuat ipas hasil taban-taban idi nai lako bai kalak i sendiri. 54Nai iembah si Musa dekket Imam Eleazar mo emmas idi mi Undung-undung Jahowa asa ijamoti Jahowa bangsa Israel.
Currently Selected:
4 Musa 31: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
4 Musa 31
31
Geraha muat bèla meradepken kalak Midian
1Nai nina Jahowa mo taba si Musa, 2“Balesken mo taba kalak Midian kemulihken sienggo nibakin kalak i taba bangsa Israel. Enggo kessa i matè mo kono.”
3Nai idokken si Musa mo taba bangsa Israel, “Kebbas mo kènè lako mergeraha; kennah juhap kènè kalak Midian lako pesautken hukum Jahowa taba kalak i. 4I gennep marga bangsa Israel nai, kennah pepada kènè seribu kalak soridadu lako berkat mergeraha.”
5Nai ipilih mo seribu kalak i gennep marga bangsa Israel nai, pulung mo kalak i karina sipuluh dua ribu kalak kebbas mergeraha. 6Ipeberkat si Musa mo kalak i mergeraha rasken dekket si Pinehas anak Imam Eleazar. Iembah si Pinehas mo ugas-ugasen simbadia dekket sarunè lako memerèken tanda. 7Rembang mi siniperèntahken Jahowa bai si Musa, ijuhap kalak Israel mo kalak Midian janah ibunuh mo karina anak laki bai kalak i nai, 8bagi dekket lima raja Midian, imo si Ewi, si Rekem, si Zur, si Hur dekket si Reba. Si Bileam, anak si Beor pè ibunuh ma ngo.
9Itaban kalak Israel mo daberru-daberru dekket anak-anak kalak Midian, janah irampas mo sigala binatang bak pinakan kalak i, bak nasa kekayaen kalak i. 10Ilekkup mo karina kuta dekket perundung-undungen kalak i. 11Enggo kessa bagi ibuat kalak Israel mo karina sinitaban i, bagi dekket karina jelma sinitaban dekket pinakan, 12nai iembah mo taba si Musa dekket bai Imam Eleazar, dekket taba karina bangsa Israel. Sinderrangna i tupung i lembeng Moab dèng ngo kalak i merian, imo i biding laè Jordan, i gembar kuta Jeriko.
Balik Soridadu kalak Israel
13Nai rumuar mo si Musa, Imam Eleazar bak karina pengulu sidèbanna i dèng bai kalak Israel nai lako menimbak-nimbak soridadu Israel i. 14Ilagai si Musa mo pakalima-pakalima tenterra, simenguluken nuhnuhen soridadu rembaru balik dèng i pergerahaen i nai. 15Nina mo taba kalak i, “Kasa ibelli kènè nggelluh karina daberru idi? 16#4 Ms. 25:1-9 Otang daberru-daberru idi ngo menguèi peddah si Bileam, gabè iajar-ajari kalak i bangsa Israel i Peor lako menadingken Jahowa? Janah idi ngo memaingken roh tulbang taba bangsa Jahowa! 17Kumerna i, bagèndari pè bunuh kènè mo karina anak laki dekket daberru sienggo maun campur dekket daholi. 18Tapi karina daberru siso nung deng campur dekket daholi ndorok mo buat kè bai ndènè. 19Janah kènè karina sienggo memunuh jelma barang pè sienggo dais mi bangkè kennah tading lebbè i ruar perundung-undungen sidekkah pitu ari. I ari petelluken dekket ari pepituken kènè dekket karina daberru sinitaban ndènè i kennah memaing kerja pengurasen. 20Karina pakèen dekket barang kadè sambing sinibahan i bebbak nai, buk-buk kambing barang pè i kayu nai, kennah iuras ngo.”
21Nai nina Imam Eleazar mo taba kalak sirimbaru balik i pergerahaen idi nai, “Ba- gèen ngo hatoren-hatoren siniberèken Jahowa bai si Musa. 22-23Karina nasa ugasen sitahan mi api, bagè emmas, pirak, tembaga, bessi, cumberrah mbentar dekket cumberrah mbèrèng, kennah iuras ngo i merkitè igaraken mi api. Enggo kessa bagidi kennah iuras dèng ngo ugas-ugasen idi dekket laè pengurasen asa ulang samur nèngè. Karina ugasen sidèbanna siso tahan api kennah iuras dekket laè pengurasen. 24I ari pepituken kennah taptapi kènè oles ndènè, nai ipè asa oda nèngè kènè melamun, janah ndorok mo mbengket mi bagasen perundung-undungen.”
Perbagi harta taban-tabanen
25Nina Jahowa mo taba si Musa, 26“Kono dekket Imam Eleazar, bak karina pengulu sidèbanna ibas bangsa Israel nai, kennah mengkèrah karina hasil taban-tabanen idi, bagi ma jelma bak pinakan sitertaban. 27Hasil taban-taban i kennah bagi dua kènè dos buèna; sada bagian bai soridadu sienggo laus mergeraha, janah sada bagian nai bai bangsa sitadingna. 28Mahan pemèrèken simerkedekoen baKu, Jahowa, kennah ibuat mo ibas perbagianen soridadu idi nai, sada ibas gennep lima ratus – bagi mo ibas jelma sinitaban nai, barang pè lembu, kalodè, biri-biri bak kambing nai. 29Sohken mo idi bai Imam Eleazar, sikira pèlèen simerkedekoen bangKu, Jahowa. 30Ibas perbagianen siniberèken bai bangsa Israel, kennah buatenmu sada i gennep limapuluh nai, barang pè jelma sinitaban, barang pè ibas lembu, kalodè, biri-biri dekket kambing nai. Sohken mo karinana idi bai kalak Lewi sipehèdu-hèduken Undung-undungKu.” 31Ibahanken si Musa dekket Imam Eleazar mo bagè sinidokken Jahowa.
32-35Laènken sienggo ibuat soridadu-soridadu lako bana sendiri lot dèng ngo taban-tabanen idi buèna: 675.000 biri-biri dekket kambing, 72.000 lembu, 61.000 kalodè dekket 32.000 simerbaju. 36-40Sitengah i sidi nai iberèken mo bai soridadu-soridadu perètongenna bagèen: 337.500 biri-biri bak kambing, janah i sidi nai 675 mo lako berènken bai Jahowa; 36.000 lembu, 72 mo i mahan berènken bai Jahowa; 30.500 kalodè, 61 mo i berènken bai Jahowa; 16.000 simerbaju gadi, 32 kalak mo i berènken bai Jahowa. 41Nai ipesakat si Musa mo bai Imam Eleazar simahan pèlènken idi bai Jahowa, bagè siniperèntahken Jahowa.
42-46Jambar mi jelma nterrem dos ngo buèna dekket jambar soridadu: 337.500 biri-biri bak kambing, 36.000 lembu, 30.500 kalodè, dekket 16.000 kalak simerbaju. 47Bagè sienggo iperèntahken Jahowa, ibuat si Musa mo sada ibas gennep limapuluh kalak jelma tabanen dekket pinakan i nai, nai iberèken mo idi bai kalak Lewi simengula i Undung-undung Jahowa.
48Enggo kessa i roh mo pakalima sienggo menguluken soridadu Israel, menghadep si Musa, 49janah memagahken, “Ialè Tuan, enggo kubilangi kami soridadu sikuuluken kami. I sidi ngo kalak i karinana, sada kalak poda lot mbalang. 50Kumerna i kuembah kami ngo pakèen-pakèen emmas, gellang-gellang tangan, gellang-gellang nènèh, cincin, sobeng dekket bura-bura sienggo kubuat kami. Karinana ènda kusohken kami bai Jahowa mahan pèlèen nami, asa dak tong ikelungkumi kami.” 51Nai ijalo si Musa dekket Imam Eleazar mo emmas idi, karina merumangken perhiasen. 52Botong pèlèen pakalima-pakalima idi lot ngo naing-naing dua ratus kilo. 53Tapi ukum soridadu-soridadu idi enggo mo lot ibuat ipas hasil taban-taban idi nai lako bai kalak i sendiri. 54Nai iembah si Musa dekket Imam Eleazar mo emmas idi mi Undung-undung Jahowa asa ijamoti Jahowa bangsa Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)