4 Musa 25
25
Bangsa Israel i Delleng Peor
1Sinderrangna merian i lembeng Sitim bangsa Israel, itebenai anak laki ibas kalak i nai mo merlangkah julu meddem, dekket daberru-daberru Moab si lot i sidi. 2Iarahken daberru-daberru idi mo kalak i mi pèsta-pèsta pemèlèen lako pesangapken dèbata kalak i. Dekket ma mo kalak Israel kipangan pangaen idi bak menembah sembahen kalak Moab. 3Kumerna menembah Baal kalak Israel i Peor, punguren mo Jahowa taba kalak i janah nina mo taba si Musa, 4“Tangkup mo karina kalak simenguluken bangsa i janah bunuh mo kalak i i lebbè jelma nterrem lako pesautken perèntahKu, asa malap lagangKu taba bangsa i.” 5Nai idokken si Musa mo taba perhukum-perhukum Israel, “Karina kènè kennah memunuh jelma i gennep margana sienggo menembah Baal i Peor.”
6Sinderrangna derru-derru si Musa bak karina bangsa Israel i Pèntu Undung-undung Jahowa, idah kalak i mo sada kalak Israel merembah sada kalak daberru Midian mbeng- ket mi bagasen Undung-undungna. 7Sinderrang idah si Pinehas dukak si Eleazar, kempu Imam Aron simasa i, kèkè mo ia itadingken mo pulungen i. Ibuat mo sada kujur 8nai ijalang mo anak laki bak daberru idi mi bagasen Undung-undung i. Ijuluk mo kalak i duana dekket kujur idi, nai mentadi mo bègu laus simasa bai kalak Israel i. 9Tapi sidang bagidi enggo mo lot matè 24.000 kalak.
10Nai nina Jahowa mo taba si Musa, 11“Mertuhu-tuhu ngo si Pinehas dukak si Eleazar, kempu Imam Aron membèla gerarKu i tengah-tengah kalak Israel, gabè malap pungurKu gabè oda nè saut Kuripasken bangsa i. 12Asa bagahken mo taba si Pinehas naing bakinenKu mo sada perpadanen dekketsa. 13Kutetapken mo ia bak pinemparna gabè imam soh sidekkah-dekkahna, kumerna mertuhu-tuhu ngo ia enggo membèla Aku, Dèbatana, janah enggo memaingken perdamèen tersèngèt dosa kalak Israel.”
14Kalak Israel sinibunuh rebbak dekket daberru Midian i si Zimri ngo gerarna, dukak si Salu, èkuten sada horong ibas marga Simeon nai. 15Daberru idi mergerar si Kosbi; berru si Zur, sada kalak pengulu i kaum Midian.
16Iperèntahken Jahowa mo bagèen taba si Musa, 17“Alo mo kalak Midian, janah ripasken mo kalak i 18kumerna taki-taki jahat sienggo ibaing kalak i meradepken kènè i Peor, dekket kumernaken si Kosbi berru sada kalak pengulu kaum i Midian. Si Kosbi imo daberru matè ibunuh tikan masa mballa kumernaken simasa i Peor.”
Currently Selected:
4 Musa 25: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
4 Musa 25
25
Bangsa Israel i Delleng Peor
1Sinderrangna merian i lembeng Sitim bangsa Israel, itebenai anak laki ibas kalak i nai mo merlangkah julu meddem, dekket daberru-daberru Moab si lot i sidi. 2Iarahken daberru-daberru idi mo kalak i mi pèsta-pèsta pemèlèen lako pesangapken dèbata kalak i. Dekket ma mo kalak Israel kipangan pangaen idi bak menembah sembahen kalak Moab. 3Kumerna menembah Baal kalak Israel i Peor, punguren mo Jahowa taba kalak i janah nina mo taba si Musa, 4“Tangkup mo karina kalak simenguluken bangsa i janah bunuh mo kalak i i lebbè jelma nterrem lako pesautken perèntahKu, asa malap lagangKu taba bangsa i.” 5Nai idokken si Musa mo taba perhukum-perhukum Israel, “Karina kènè kennah memunuh jelma i gennep margana sienggo menembah Baal i Peor.”
6Sinderrangna derru-derru si Musa bak karina bangsa Israel i Pèntu Undung-undung Jahowa, idah kalak i mo sada kalak Israel merembah sada kalak daberru Midian mbeng- ket mi bagasen Undung-undungna. 7Sinderrang idah si Pinehas dukak si Eleazar, kempu Imam Aron simasa i, kèkè mo ia itadingken mo pulungen i. Ibuat mo sada kujur 8nai ijalang mo anak laki bak daberru idi mi bagasen Undung-undung i. Ijuluk mo kalak i duana dekket kujur idi, nai mentadi mo bègu laus simasa bai kalak Israel i. 9Tapi sidang bagidi enggo mo lot matè 24.000 kalak.
10Nai nina Jahowa mo taba si Musa, 11“Mertuhu-tuhu ngo si Pinehas dukak si Eleazar, kempu Imam Aron membèla gerarKu i tengah-tengah kalak Israel, gabè malap pungurKu gabè oda nè saut Kuripasken bangsa i. 12Asa bagahken mo taba si Pinehas naing bakinenKu mo sada perpadanen dekketsa. 13Kutetapken mo ia bak pinemparna gabè imam soh sidekkah-dekkahna, kumerna mertuhu-tuhu ngo ia enggo membèla Aku, Dèbatana, janah enggo memaingken perdamèen tersèngèt dosa kalak Israel.”
14Kalak Israel sinibunuh rebbak dekket daberru Midian i si Zimri ngo gerarna, dukak si Salu, èkuten sada horong ibas marga Simeon nai. 15Daberru idi mergerar si Kosbi; berru si Zur, sada kalak pengulu i kaum Midian.
16Iperèntahken Jahowa mo bagèen taba si Musa, 17“Alo mo kalak Midian, janah ripasken mo kalak i 18kumerna taki-taki jahat sienggo ibaing kalak i meradepken kènè i Peor, dekket kumernaken si Kosbi berru sada kalak pengulu kaum i Midian. Si Kosbi imo daberru matè ibunuh tikan masa mballa kumernaken simasa i Peor.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)