4 Musa 24
24
1Bagèndari pè asa ibettoh si Bileam ipergeddo Dèbata ngo bana lako memasu-masu bangsa Israel. Kumerna i oda pella laus nè ia lako menulusi tanda-tanda bagè sinibakinna sinderrang mak dèngna i. Itatap si Bileam mo mi gurun pasir, 2janah idah mo bangsa Israel tupung merundung-undung merpelguk-pelguk mengèkutken marga-margana. Nai idomi Tendi Dèbata mo si Bileam, 3janah idokken mo sukuten ènda,
“En mo tennah si Bileam, anak si Beor,
nina sada kalak peralaten.
4Sienggo mendengkoh kata Dèbata,
dekket mengidah ketetarar Perkuasa siso lot codina,
ninganna geppah, tapi tong mbuka matana.
5Mendèna i perundung-undungenmu alè Jakob,
bagi dekket bekkas ndènè merian alè Israel!
6Cumaen bagè napa simbellang hanar,
barang pekken i biding laè;
bagè kayu ober sinisuan Jahowa,
barang bagè kayu ares i biding laè.
7Darèdè ngo udan bai kalak i
gabè merlaè mo suan-suanen.
Termurmur ngo rajana, mengelebihi si Agag,
janah mermulia ngo kerajaenna i.
8Dèbata ngo simengarak kalak i mbungkas i Mesir nai,
tosè bagè kerbo meriar ngo Ia mergeraha mengkepkep kalak i.
Kerri mo ibendut karina bangsa musuhNa i,
igeppui ngo tulan-tulan kalak i,
janah ipenggelli karina panah kalak i.
9 #
1 Ms. 12:3, 49:9 Tosè bagè singa tonggal bak berru-berru ngo bangsa i,
langkem janah gempang.
Isè mo pang mendungkulisa?
Katerra pè ipasu-pasu mo kalak simemasu-masu ko,
janah kenna sumpah kalak simenumpahi ko.”
10Mercampur laga ikupul si Balak mo tènju-tènjuna janah idokken taba si Bileam, “Kudilo kono lako menumpahi musuh-musuhku ngo, tapi keppèken gabè ipasu-pasu ko nola ngo kalak i sanga soh tellu kali. 11Bagèndari pè ndorok mo ko laus, balik mi sapomu! Kujandiken ngo upah bamu, tapi oda iduè Jahowa kono menjalo upah idi.”
12Ialoi si Bileam mo, “Otang enggo kudokken kin bai pasulakken raja i, 13agia nola pè iberèken raja i baku pirak dekket emmas silot i bages raja i, oda ndorok kulausi perèntah Jahowa dekket mengulaken barang kadè ibas lemmo-lemmongku nai? Kadè sinidokken Jahowa naing ranaenkenku, pellin i ngo kessa ndorok kuranaken.”
Sukuten perpodi
14Nina si Bileam nola mo taba si Balak,“Bagèndari naing balik ngo aku mendahi bangsangku. Tapi sinderrang mak dèng laus aku, selloh mo kubagahken bai raja i tersèngèt kadè sinaing bakinen bangsa Israel taba bangsa raja i ipodi ari.” 15Nai iruapken si Bileam mo sukuten ènda,
“En mo tennah si Bileam, dukak si Beor;
nina sada kalak peralaten
16sienggo mendengkoh kata Dèbata,
janah menandai siso tercodi i;
simengidah alaten bai Pergegoh Sisotercodi nai
ninganna galè janah mbuka matana.
17Kuidah ngo ia, tapi oda bagèndari dèng;
kutatap ngo ia, tapi i sindaoh nai.
Sada kalak raja bai Israel nai asalna,
naing roh bagè bintang mercuhaya.
Igeppui mo pengulu-pengulu Moab,
bangsa Set pè ipetumpat ma.
18Tanoh Edom kennah itaban musuhna,
tapi kalak Israel memahanken ulaen mahantu.
19Kèkè mo sada kalak perkuasa bai si Jakob nai,
simengeripasken musuh-musuhna.”
20Nai idah si Bileam nola mo ibas alaten i kalak Amalek. Nai iruapken mo sukuten èn,
“Ibas karina bangsa sini dunia,
Amalek mo simahantuna.
Tapi dungna bangsa i ipuncana,
salpun ngo soh sidekkah-dekkahna.”
21Ibas alaten i idah si Bileam mo pinempar si Kain, nai iruapken mo sukuten ènda,
“Ntegguh ngo bekkasmu merian i tuhu,
codi bagè asar i babo delleng batu.
22Tapi ukum kènè, alè kalak Keni, kennah iripasken,
oda ndekkah nèngè i iring kalak Assur mo kènè gabè tabanen.”
23Nai iruapken si Bileam nola dèng ma mo sukuten èn,
“Merjaya! barang isè nggelluh,
mula ibakinken Dèbata bagidi?
24Tapi roh mo seggen i Siprus nai nuhnuhen keppel,
italuken kalak i mo Assur dekket Heber,
enggo kessa i keppel idi pè binasa ngo.”
25Nai merkebbas-kebbas mo si Bileam naing balik mi kutana, janah si Balak pè laus ma mo.
Currently Selected:
4 Musa 24: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
4 Musa 24
24
1Bagèndari pè asa ibettoh si Bileam ipergeddo Dèbata ngo bana lako memasu-masu bangsa Israel. Kumerna i oda pella laus nè ia lako menulusi tanda-tanda bagè sinibakinna sinderrang mak dèngna i. Itatap si Bileam mo mi gurun pasir, 2janah idah mo bangsa Israel tupung merundung-undung merpelguk-pelguk mengèkutken marga-margana. Nai idomi Tendi Dèbata mo si Bileam, 3janah idokken mo sukuten ènda,
“En mo tennah si Bileam, anak si Beor,
nina sada kalak peralaten.
4Sienggo mendengkoh kata Dèbata,
dekket mengidah ketetarar Perkuasa siso lot codina,
ninganna geppah, tapi tong mbuka matana.
5Mendèna i perundung-undungenmu alè Jakob,
bagi dekket bekkas ndènè merian alè Israel!
6Cumaen bagè napa simbellang hanar,
barang pekken i biding laè;
bagè kayu ober sinisuan Jahowa,
barang bagè kayu ares i biding laè.
7Darèdè ngo udan bai kalak i
gabè merlaè mo suan-suanen.
Termurmur ngo rajana, mengelebihi si Agag,
janah mermulia ngo kerajaenna i.
8Dèbata ngo simengarak kalak i mbungkas i Mesir nai,
tosè bagè kerbo meriar ngo Ia mergeraha mengkepkep kalak i.
Kerri mo ibendut karina bangsa musuhNa i,
igeppui ngo tulan-tulan kalak i,
janah ipenggelli karina panah kalak i.
9 #
1 Ms. 12:3, 49:9 Tosè bagè singa tonggal bak berru-berru ngo bangsa i,
langkem janah gempang.
Isè mo pang mendungkulisa?
Katerra pè ipasu-pasu mo kalak simemasu-masu ko,
janah kenna sumpah kalak simenumpahi ko.”
10Mercampur laga ikupul si Balak mo tènju-tènjuna janah idokken taba si Bileam, “Kudilo kono lako menumpahi musuh-musuhku ngo, tapi keppèken gabè ipasu-pasu ko nola ngo kalak i sanga soh tellu kali. 11Bagèndari pè ndorok mo ko laus, balik mi sapomu! Kujandiken ngo upah bamu, tapi oda iduè Jahowa kono menjalo upah idi.”
12Ialoi si Bileam mo, “Otang enggo kudokken kin bai pasulakken raja i, 13agia nola pè iberèken raja i baku pirak dekket emmas silot i bages raja i, oda ndorok kulausi perèntah Jahowa dekket mengulaken barang kadè ibas lemmo-lemmongku nai? Kadè sinidokken Jahowa naing ranaenkenku, pellin i ngo kessa ndorok kuranaken.”
Sukuten perpodi
14Nina si Bileam nola mo taba si Balak,“Bagèndari naing balik ngo aku mendahi bangsangku. Tapi sinderrang mak dèng laus aku, selloh mo kubagahken bai raja i tersèngèt kadè sinaing bakinen bangsa Israel taba bangsa raja i ipodi ari.” 15Nai iruapken si Bileam mo sukuten ènda,
“En mo tennah si Bileam, dukak si Beor;
nina sada kalak peralaten
16sienggo mendengkoh kata Dèbata,
janah menandai siso tercodi i;
simengidah alaten bai Pergegoh Sisotercodi nai
ninganna galè janah mbuka matana.
17Kuidah ngo ia, tapi oda bagèndari dèng;
kutatap ngo ia, tapi i sindaoh nai.
Sada kalak raja bai Israel nai asalna,
naing roh bagè bintang mercuhaya.
Igeppui mo pengulu-pengulu Moab,
bangsa Set pè ipetumpat ma.
18Tanoh Edom kennah itaban musuhna,
tapi kalak Israel memahanken ulaen mahantu.
19Kèkè mo sada kalak perkuasa bai si Jakob nai,
simengeripasken musuh-musuhna.”
20Nai idah si Bileam nola mo ibas alaten i kalak Amalek. Nai iruapken mo sukuten èn,
“Ibas karina bangsa sini dunia,
Amalek mo simahantuna.
Tapi dungna bangsa i ipuncana,
salpun ngo soh sidekkah-dekkahna.”
21Ibas alaten i idah si Bileam mo pinempar si Kain, nai iruapken mo sukuten ènda,
“Ntegguh ngo bekkasmu merian i tuhu,
codi bagè asar i babo delleng batu.
22Tapi ukum kènè, alè kalak Keni, kennah iripasken,
oda ndekkah nèngè i iring kalak Assur mo kènè gabè tabanen.”
23Nai iruapken si Bileam nola dèng ma mo sukuten èn,
“Merjaya! barang isè nggelluh,
mula ibakinken Dèbata bagidi?
24Tapi roh mo seggen i Siprus nai nuhnuhen keppel,
italuken kalak i mo Assur dekket Heber,
enggo kessa i keppel idi pè binasa ngo.”
25Nai merkebbas-kebbas mo si Bileam naing balik mi kutana, janah si Balak pè laus ma mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)