Mateus 3
3
Jamita si Johanes Peridiken
(Mrk. 1:1-8; Luk. 3:1-18; Joh. 1:19-28)
1Sinderrangna i roh mo si Johanes Peridiken mi padang gurun Juda janah mulai merjamita nina mo, 2#Mat. 4:17; Mrk. 1:15 “Tobat mo kènè ibas dosa-dosa ndènè nai, kerna ndor nèngè mo roh pemerèntahen Dèbata.”
3 #
Jes. 40:3
Si Johanes èn mo sinidokken Nabi Jesaya ibas ranana,
“Sora tenggo-tenggo i padang gurun
pelias kènè dalan bai Tuhan i,
pedèas kènè mo dalan sidalanenNa i.”
4 #
2 Raj. 1:8
Ukum pakkèen si Johanes, bukbuk unto ngo. Pementingna koling-koling, panganna balang dekket tenggoli rambah. 5Nterrem ngo roh jelma i Jerusalem nai, i suberri Juda nai dekket kuta si lot i kacimbang lambung Laè Jordan, merrohen mendahi si Jonanes. 6Iperketuhu kalak i ngo dosa-dosana, nai iperidi si Johanes mo kalak idi i Laè Jordan.
7 #
Mat. 12:34, 23:33 Merrohen ma mo mèduk kalak Parisè bak Sadusè p` mendahi si Johanes lako iperidi. Tikan iidah si Johanes kalak idi merrohen, nina mo taba kalak i, “Kènè alè jelma jahat! Isè ngo mendokken taba kènè ndorok maluah tarap hukum Dèbata sinaing roh? 8Tuduhken mo ibas ulaen ndènè, magahken enggo tobat kènè ibas dosa-dosa ndènè nai. 9#Joh. 8:33 Ulang mo dok atè ndènè ndorok gabè maluah kènè pellin mendokken, si Abraham ngo empung nami. Bettoh kènè mo, i batu èn nai pè ndorok ngo ibaing Dèbata gabè pinempar si Abraham. 10#Mat. 7:19 Enggo mo ampè takkè i babo daling, lako menabah kayu siso merbuahken merandal janah iporoni mi api. 11Kuperidi ngo kènè merkitè laè magahken enggo tobat kènè ibas dosa-dosa ndènè nai. Tapi roh nèngè mo Ia, iperidi mo kènè dekket tendi Dèbata bak api. Belgahen ngo ia asa aku. Salang merembah cipatuNa sambing pè oda dèng ndorok aku. 12I tanganNa ngo ndèru lako menapi, itapi ngo nasa pagè sampè mbersih. Nasa pagè mberras, ipepulung mo mi kebben, tapi ukum ronci dekket apa-apa, itutung ngo mi api siso ndorok mèntep.”
Jesus iperidi
(Mrk. 1:9-11; Luk. 3:21-22)
13Sinderrangna i laus mo Jesus i Galilea nai mi Laè Jordan. Idapetken mo si Johanes janah idokken mo asa iperidi si Johanes Ia. 14Tapi icuba si Johanes ngo menulak pe- ngidoen i. Nina si Johanes mo tabaSa, “Aku ngo nemmu iperidi Kono. Keppèken roh nola Kono mendahi aku.”
15Tapi nina Jesus mo, “Bagi mo lebbè ukum bagèndari. Ai merkitè bagidi enggo sibahanken nasa sinipergeddo Dèbata.” Nai iperidi si Johanes mo Jesus.
16Enggo kessa iperidi, karuar mo Jesus i laè idi nai. Mènter sintempu mo mbuka langit, iidah Jesus mo Tendi Simbadia susur bagè ndarapati, mi baboNa. 17#1 Ms. 22:2; Ps. 2:7; Jes. 42:1; Mat. 12:18, 17:5; Mrk. 1:11; Luk. 9:35 Nai terdengkoh mo Dèbata mendokken, “Èn ngo AnakKu siKukekelengi idi, ngkelleng ngo atèngKu midahsa.”
Currently Selected:
Mateus 3: LAIBTD
Highlight
Share
Copy
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)