Mateus 1
1
Tarombo Tuhan Jesus
(Luk. 3:23-38)
1Bagèen ngo tarombo Jesus Kristus pi- nempar si Daud. Mungkah bai si Ab- raham nai bagèen mo gerar-gerar ibas tarom- bo i:
2-6asi Abraham,
si Isak
si Jakob,
si Juda bak kaka-anggina,
si Peres bak si Zerah (inang kalak i mergerar si Tamar),
si Hezron,
si Ram,
si Aminadab,
si Nahason,
si Salmon,
si Boas (inangna imo si Rahab),
si Obed (inangna imo si Rut),
si Isai,
dekket Raja Daud.
6b-11 #
2 Raj. 24:14-15; 2 Kron. 36:10; Jer. 27:20 Tikan si Daud nai soh mi tikki bangsa Israel ibuang mi Babel tersurat mo begèen:
si Salomo (inangna imo sinibages si Uria),
si Rehabeam,
si Abia,
si Asa,
si Josafat,
si Joram,
si Usia,
si Jotam,
si Ahas,
si Hizkia,
si Manasye,
si Amon,
si Josia,
si Jekhonya dekket dèdah-dèdahenna.
12-16Mungkah tikan bangsa Israel nai ibuang soh mi tikki pertubuh Jesus tersurat ngo gerar-gerar tarombo idi bagèen:
si Jekhonya,
si Sealtiel,
si Zerubabel,
si Abihud,
si Elyakim,
si Azur,
si Zadok,
si Akhim,
si Eliud,
si Eleazar,
si Matan,
si Jakob,
si Josep sinibalè si Maria.
Janah si Maria mo menubuhken Jesus simergerarken Raja Sipaluah siniperbagah-bagah Dèbata.
17Mulai bai si Abraham nai soh mi si Daud, sipuluh empat cundut, bai si Daud nai soh mi kalak Israel ibuang mi Babel, sipuluh empat cundut ma. Nai i sidi nai soh mi pertubuh Raja Sipaluah i, tong ma ngo sipuluh empat cundut.
Pertubuh Jesus Kristus
(Luk. 2:1-7)
18 #
Luk. 1:27
Bagèen ngo tersèngèt pertubuh Jesus Kristus: Ukum inangNa si Maria, imo ranto si Josep. Tapi sinderrang makdèng jejap kalak idi, merkitè kuasa Tendi ni Dèbata, berrat-berrat rumah mo si Maria. 19Ukum si Josep rantona i, sada kalak mengulaken bennar ngo. Jadi naing isangsangi mo rantona si Maria i, janah ulang pella ibettoh dèba asa ulang mèla si Maria idi, i jelma nterrem. 20Tikan bagidi perukuren si Josep, datang mo nipina. Ibas nipina idi iidah mo sada kalak malaèkat, mendokken tabasa, “Alè Josep, pinempar si Daud, ulang kono mbiar jejap dekket si Maria, karna ukum anak sini dagingna (sinikandongenna) idi, bai Tendi Dèbata nai ngo idi. 21#Luk. 1:31 Menubuhken sada anak mo ia, janah Jesus mo baing gerarna, kerna naing paluahenNa mo bangsaNa ibas dosa-dosana nai.”
22Masa pè karinana idi, asa saut ngo si- nidokken Tuhan merkitè nabiNa bagèen, 23#Jes. 7:14 “Berrat-berrat rumah mo sada simer- baju janah menubuhken sada dukak daho- li, baingenna mo gerarna Immanuel.” (Lapaten Immanuel kata Heber imo denganta Dèbata).
24Terengnget kessa si Josep, iuèi mo sinidokken malaèkat i tabasa. Jejap mo ia dekket si Maria. 25#Luk. 2:21 Tapi sidekkah si Maria makdèng menubuhken anak i, oda campur si Josep dekket si Maria. Janah tubuh kessa anak idi, ibaing si Josep mo gerarNa Jesus.
Currently Selected:
Mateus 1: LAIBTD
Highlight
Share
Copy
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)