3 Musa 19
19
Patien kebadiaen dekket kesèntengen
1Idokken Jahowa mo si Musa 2#3 Ms. 11:44-45; 1 Ptr. 1:16 pe- sakatken bai bangsa Israel patiin ènda, “Kennah mbadia ngo kènè, kumerna mbadia ngo Aku Jahowa Dèbata ndènè. 3#2 Ms. 20:8, 12; 5 Ms. 5:12, 16 Karina jelma kennah pesangapken bapa inangna janah mengerayaken ari Sabat ba- gè si Kuperèntahken. Aku ngo Jahowa Dèbata ndènè.
4 #
2 Ms. 20:23, 34:17; 5 Ms. 17:15; 3 Ms. 26:1 Ulang mersembah taba gana-ganaen. Ulang menggana gana-gana ipas tembaga nai dekket menembahsa. Aku ngo Jahowa Dèbatamu.
5Mula ipèlèken kènè pinakan mahan pèlèen perdamèen, èkutken mo hatoren siKuberèken, asa Kujalo pèlèen idi. 6Jukutna kennah ipangan i arinkenna isèat pinakan idi barang sibarembenkenna. Jukut sitadingna dèng i ari petelluken kennah ilekkup kerri, kumerna enggo haram jukut idi. 7Mula ipa- ngan dèng tong jukut idi, oda Kujalo pèlèen idi. 8Mersalah ngo barang isè sikipangan jukut idi kumerna oda ihargai barang kadè simerkedekoen taba Aku. Kalak sibagidi oda nè Kuètong bilangen bangsangKu.
9 #
3 Ms. 23:22; 5 Ms. 24:19-22 Mula merani kènè, ulang pella potik pagè situbuh i biding-biding juma ndènè, janah ulang ulaki nèngè pepulungken pagè turiangna enggo kessa dung peranin. 10Ulang nè ulaki mi pekken anggur ndènè lako pepulungken buah anggur sitadingna dèng enggo kessa ibuat kènè hasil buahna perlebbè. Bagi ma buahna sienggo merdabuhen ulang buat kènè nèngè. Belli kènè mo idi bai kalak sincor dekket kalak sidèban. Aku ngo Jahowa Dèbata ndènè.
11 #
2 Ms. 20:15, 16; 5 Ms. 5:19, 20 Ulang menangko, menipu barang pè merluap. 12#2 Ms. 20:7; 5 Ms. 5:11; Mat. 5:33 Ulang merjandi merkitè gerarKu mula oda ngo katèmu igarar ko jandi idi, kumerna merkitè bagidi enggo ilèai kènè gerarKu. Aku ngo Jahowa Dèbata ndènè. 13#5 Ms. 24:14-15 Ulang memerroh kaltuna barang pè mengerampasi hartana. Ulang cèkèpi kènè upah simengula rebbak kènè, agia barang sada berngin sambing pè. 14#5 Ms. 27:18 Ulang sumpahi kalak sitongkik janah ulang bakin batu i lebbè kalak sipètung maingsa gabè terdengdeng. Kennah mehator janah merkebiaren kènè taba Aku, ai Aku ngo Jahowa Dèbata ndènè.
15 #
2 Ms. 23:6-8; 5 Ms. 16:19 Kennah ntèger kènè mendabuh hukum; ulang merpihak taba kalak sincor janah ulang mbiar midah kalak sibèak. 16Ulang mo ruapken kata siso tuhu peroha-rohaken denganmu sada bangsa, asa ulang gabè kènè mengkerohken kematèen bai dengan ndènè jelma. Aku ngo Jahowa.
17 #
Mat. 18:15
Ulang mo merhellem bai barang isè pè. Selangsaèken mo perselisihenmu barang bai isè sambing, asa ulang merdosa kono kumernaken kalak sidèban. 18#Mat. 5:43, 19:19, 22:39; Mrk. 12:31; Luk. 10:27; Rm. 13:9; Gal. 5:14; Jak. 2:8 Ulang bales dendam janah ulang merceggo-atè taba sidèban, tapi kekelengi mo denganmi bagè pengkekelengi mi diri ndènè sendiri. Aku ngo Jahowa.
19 #
5 Ms. 22:9-11
Uèi kènè mo perèntahKu. Ulang pekabin pinakan siso dos matcamna. Ulang menuan dua bagè bennih ibas sinterpuk juma. Ulang memakè gedda sinitennun ipas dua bagè bennang nai.
20Mula lot sada kalak anak laki menjandiken naing merdèa hambana daberru bai anak laki sidèban mahan siterbuangna, janah kalak sinaing menokor hamba idi oda dèng menggarar tokorna, nai mercampur nola mo indukna perlebbè idi kin dekket hamba idi, kennah ihukum ngo kalak i sidua, tapi oda ndorok ihukum matè, kumerna barang bakunè pè tong dèng ngo hambana daberru idi. 21Kennah itaruhken anak laki idi sada biri-biri tonggal mi lebbè pèntu Undung-undungKu mahan pèlèen gancih kerogien. 22Kennah ipèlèken imam ngo biri-biri tikan kerja menguras, asa iampuni dosa kalak i. Nai Aku Dèbata mo menasa dosana.
23Mula enggo mbengket kènè mi tanoh Kanaan janah menuan mermatcam bagè suan-suanen merbuah i sidi, sidekkah sitellu tahun perlebbè merbuah kennah ètongen ndènè haram ngo buahna idi janah oda ndorok panganen ndènè. 24I tahun pe-empatken karina buahna kennah ipèlèken lako mendokken lias atè ndènè taba Aku, Jahowa. 25I tahun pelimaken pè asa ndorok kènè kipangan buahna. Mula iulaken kènè karina hatoren i, makin ratraten mo suan-suanen ndènè i. Aku ngo Jahowa Dèbata ndènè.
26 #
1 Ms. 9:4; 3 Ms. 7:26-27, 17:10-14; 5 Ms. 12:16, 23, 15:23, 18:10 Ulang pangan daroh. Ulang patohi helmu kinangguruen. 27#3 Ms. 21:5; 5 Ms. 14:1 Ulang gonting buk sinitakal ndènè barang pè mencukkur janggut ndènè. 28Ulang turahi koling ndènè lako memakin tanda-tanda barang pè mengugahi daging ndènè sikira tanda bonek kumerna lot kalak simatè. Aku ngo Jahowa.
29 #
5 Ms. 23:17
Ulang kurangi sangap berru ndènè merkitè memaing kalak idi gabè daberru perkendangen i rumah santi. Mula bagi ibakin kènè gabè ngkemmer ngo kuta ndènè, janah makin gandana ngo pengelako siso merjullat i bekkas i. 30#3 Ms. 26:2 Rayaken mo ari Sabat janah hormati mo bekkas sienggo ikelini lako menembah Aku. Aku ngo Jahowa.
31 #
5 Ms. 18:11; 1 Sam. 28:3; 2 Raj. 23:4; Jes. 8:19 Ulang laus mengido ajar bai nangguru singgèut pesellukken sumangan sienggo matè. Mula iulaken kènè sibagidi gabè melamun mo kènè. Aku ngo Jahowa Dèbata ndènè.
32Kebiari janah pesangap mo kalak sienggo tua-tua. Naing mo nemmuken mehator janah merkebiaren kènè midah Aku, kumerna Aku ngo Jahowa.
33 #
2 Ms. 22:21; 5 Ms. 24:17-18, 27:19 Ulang memahan siso puna-puna taba kalak sidèban simerian i nagerrimu. 34Bakin mo taba kalak idi bagè pemakin ndènè taba dengan ndènè sada bangsa janah kekelengi mo kalak idi bagè mengkekelengi diri ndènè sendiri. Èngèt mo, kene pe pennah ngo mendampin bage kalak sideban i tanoh Mesir. Aku ngo Jahowa Dèbatamu.
35 #
5 Ms. 25:13-16; Pdh. 20:10; Hes. 45:10 Ulang tipu kalak sidèban merkitè tuluk, dacing barang pè sellup palsu. 36Pakè mo sibar-sibar, dacing dekket sellup situhuna. Aku ngo Jahowa Dèbata ndènè, janah enggo Kuarak kènè karuar i Mesir nai. 37Uèi mo nasa hukum dekket perèntahKu. Aku ngo Jahowa.”
Currently Selected:
3 Musa 19: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
