SADEONG 99
99
Mian Bisa, Tomundo Babasal
1 #
Tob. 25:22
Ko Temeneno daanokai Tomundo;
kobangsa-bangsa lolondong.
Yana osulang doi kursi batomundoan doi Kerub bunggono,
kodunia unggot.
2Ko Temeneno berkuasa tuuno doi Sion;
Yana babasal atasiyo sasaibino kabangsa.
3Batadikenemokai napo nggaale kosambuno motatandak babasal.
Moliyouskai yana!
4Kokakuasaan doi Ikoomo, Tomundo moseange kohukum;
Ikoo lapamo ekenggele ko kebeneran;
Ikoo ambakanggenemo kohukum tukon adil doi Israel.
5Atandakenekai ko Temeneno nda Mian Bisa,
sombayokai doi nakursi batomundoan salaano,
Moliyouskai yana!
6Musa tukon Harun tongusokon naimam-imam,
Samuel daanokai meeng komian mosambeng doiya-Na.
Yanila uwang doi Temeneno,
tukon yana beena potimbili.
7 #
Tob. 33:9
Luwedoi bunom sudongo Yana basilingan doi yanila,
yanila taatiyo sasaibino kohukum tukon Konaparentah.
8Oh Temeneno komai Mian Bisa, Ikoo timbiliyo komumian;
doi yanila Ikoo ko Mian Bisa mokilayo ompuniyo,
maukai doi yaniladoo Ikoo hukumemo sabab napokasalahan.
9Atandakekai ko Temeneno nda Mian Bisa,
tukon sombaiyokai Yana doi Nabunggulo momoliyous,
sabab moliyouskai ko Temeneno nda Mian Bisa.
Currently Selected:
SADEONG 99: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
