SADEONG 97
97
Mian Bisa, pengusa basal
1Ko Temeneno daanokai Tomundo! Siokai kodunia nalabalaba,
tukon kotogong-togong sio nalabalaba.
2Yana tinikum bunom tukon kalipookan;
kokaadailan tukon hukum doiyamo Konabapamarentaan nabataanian.
3Kobilat lelenggene doi Salaano,
okopule komusuh doi Napotikunggonan.
4Kodidipo kodiyoloniiyo kodunia,
kodunia lolondong mokitayo Yana.
5Kobunggul-bunggul nee pokakana kolilin doi Temeneno salaano,
doi Temeneno salaano, posaapon kodunia Yana komo kuasaiyo.
6Kotimbu babilitakene Konaadilan,
tukon sasaibino kobangsa kitayo Kona babasalan.
7Sasaibino komian mososubaiyo kopilogot naikon inakkamaa,
mobabanggaakene kolangge-langge moakiyo kotakoso;
sasaibino koilla naikon tootuku doi Temeneno salaano.
8Ko Sion tukon kokota-kota Yehuda tumbuno sanaang
salataa lengele ko Temeneno nakaputusan.
9Sabab Ikoo, oh Temeneno, mokuasaiyo posaapon kodunia;
Ikoo babasal liisiyo sasaibino koilla.
10Eh komuyu mokilakene ko Temeneno, pomosikitene kokulokisan!
Sabab ko Temeneno eseepe konamian motuboan,
Yana olupute yanila luwedoi mian molokis nakuasa.
11Komadialan sumbuto doi Mian momoloyos konoano,
tukon laba-labaan momoloyos konoano.
12Eh komian momoloyos konoano, polaba-labakai
sabab olia komo lapamo Temeneno lakukanggene,
tukon pobosukuur doi Mian Bisa momoliyous.
Currently Selected:
SADEONG 97: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
