SADEONG 2
2
Mian Bisa tomundo Nalinilik
1 #
Kis. R. 4:25-26
Bulaando kobangsa-bangsa momokubai nggalanggabutan
tukon kobangsa bense-benseno mokubai tetel moakiyo kotakoso?
2Kotomundo-tomundo doi dunia lengget pososinggat
tukon sasaibino koponguasa pomeenggon
molawane ko Temeneno tukon tomundo Nalinilik.
3Dopenguasa-penguasadoo bantile,
“Mai nda lotoyo konapo kakuasaan
tukon kita rebuute konda kemerdekaan!”
4Luwedoi Nabatomundoan doi surgaa ko Temeneno kokumbit
tukon totulaiyo konapo tetel.
5Maka yanila ngginimolii tukon alalo mobabasal,
tukon yanila inosinggot tukon Temeneno nanggimalan.
6Konabantilano, “Doi Sion Daku bunggul bungkono moliyous
lapamo Yaku oduduke Daku tomundo linilik.”
7 #
Kis. R. 13:33; Ibr. 1:5, 5:5 Tomundo bantile, “Yaku yase mopopitoikene
oila komo lapamo Temeneno Tataapkanggene.
Konabantilano doiyaku, ‘Ikoo Kumalene,
doi oloyo nia yaku teali Tamamu.
8Kabiyomo kai, maka sasaibino kobangsa yaku beekene doikoo,
tukon posaapon kodunia yaku tealikene koomu.
9 #
Ink. 2:26-27, 12:5, 19:15 Yanila naikon yaku lotoyo tukon tongkat besi kalamas
tukon ikoo pasayo yanila pokakana kotobunan buta.’ ”
10Jadi popalaattikanggenemokai, eh tomundo-tomundo, poabese
doi noamuyu, eh komuyu kopenguasa-penguasa dunia!
11Polakukanggene ko Temeneno namongiasan tukon pomatakutene ko Temeneno.
12Posomba doi Salano tukon lolondong,
inai napolong ko Temeneno teali nggimal
tukon inai posinilaka baidanggon,
sebab Konanggimalan kait tukon sosinggat.
Kinatawankai doi komian
mo soop doi Temeneno!
Currently Selected:
SADEONG 2: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
