SADEONG 132
132
Nggaalano ko Temeneno Na Bonua
1Nyanyian ziaraan.
Oh Temeneno, neneekekai doi Daud,
tukon sasaibino kona sakisaawan.
2Inai motoliminggene naikon kona sombaan doi-Koo Temeneno,
tukon niat doi-Koo Temeneno Mo Bukuan Tuuno, Yakub na Mian Bisa.
3-4Kona bantilano, “Akikai kutade doi kubonua
kai moolo doi kutampat mooloan,
5kalu akiyoon kumasadiakene bonua motuuk doi Yakub na Mian Bisa,
tampat nadungolan ko Temeneno Mo Babasal Konakuasa.”
6 #
2Tund. 6:41-42
Doi Betlehem kita lengele tentang ko Peti Perjanjian,
tukon pinososuunggono doi Yaar padango.
7Maikai nda taus doi Temeneno nadungolan,
tukon nda sosubaiyo Yana doi kulusii batomundoan salaano.
8Lubatokai tukon dungolokai doi Mu Bonua, oh Temeneno,
podungoli komu Peti Perjanjian, tanda Mukakuasaan.
9Boliisi Komu umat nawookon labalaba,
tukon sasaibino Komu imam nasidutu tubo loingiyo Komu mongiasan.
10Tongo Daud, Mupeleleani,
inaikai motolake Komu tomundo pinili.
11 #
2Sam. 7:12-16; 1Tund. 17:11-14; Sad. 89:3-4; Kis. R. 2:30 Ko Temeneno batotopimo doi Daud;
Yana aki naikon naakiyenggene Kona perjanjian.
Kona bantilano, “Komeeng komu pau naikon Yaku tealikene tomundo
sulano namaparenta tukon soboliyo ikoo.
12Kalu komu pau-pau taat doi Kuperjanjian,
tukon taatiyo Daku parenta-parenta,
maka konapo katurunan sidutu-posidutukon
soboliyo ikoo salaku tomundo.”
13Sabab ko Temeneno lilikemo ko Sion;
tukon Yana yase sulano Nadungol idoo.
14Kona bantilano, “Naimbaamokai Daku dungolan tuuk sidutu-posidutukon,
sabab Yaku yase bapamarenta nai lipu nia.
15Sasaibino kona kapalaluuwan Yaku daanekene tukon lobi-lobian,
komian mo talalais Yaku beena kaan tukon bobosul.
16Kona imam-imam okitakene kokasalamatan moluwedoi Yaku;
tukon kona umat wookon laba tukon manyanyi.
17 #
1Tom. 11:36
Naimbaa daano komeeng komian Daud katulunan Yaku tealikene tomundo;
tukon kona bapamarentaan Yaku naikon ekeenggele,
18Kona batomundoan naikon sidutu aman,
bai kona musuh-musuh naikon ianakamaa.”
Currently Selected:
SADEONG 132: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
