SADEONG 122
122
Yerusalem nangginaalan
1Daud nanyanyian ziaraan.
Yaku laba tuuno salataa komian bantile doiyaku,
“Mai nda taus doi Temeneno Na Bonua!”
2Budodoiya kami polongo
doi kota Yerusalem tataapono mobabasal.
3Yerusalem mo binangun salaku kota
tosusun tukon taatur tukon monondok.
4Naimbaamokai konalubatan kobangsa bense-benseno,
tukon doiyamokai ko Temeneno nabangsa bense-benseno linilik,
sulano nabasukuur doiya-Na
pokokonoi Konaparenta.
5Naimbamokai kotomundo-tomundo moluwe doi Daud nakaturunan
kona adiliyano kona rayat.
6Posambeanggenekai ko Yerusalem miano natuboan mo aman;
“Boliisi doi sasaibino komian mo kilakene ikoo naaman kona tuboan.
7Boliisi doi muwilayah lalomo nadaano koamanan,
tukon kokaamanan doi mubenteng-benteng lalomo.”
8Sabab kopulinggu tukon kusobat
yaku bantile, “Boliisi naaman kopo tuboan!”
9Sabab Temeneno Na Bonua, nda Mian Bisa,
yaku sambeang sulano komu tuboan naaman.
Currently Selected:
SADEONG 122: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
