ANDEAN 20
20
1Suka moininum kubayo
komian akiyo kona atulan tukon nggabut.
Longasokai komian moinum
sampe malangu.
2Tomundo nggimal bunokai singa nangaatonan,
mian mosumbutene kona nggimalan
koalatino sakisaayo kobutongo susuungo.
3Tolongo mian molongasoo mo yase podangani;
ndodoong mongginaal doiyamo dedenggene kopodanganian.
4Kopatani momalas aki nalimange konaasi doi tempono;
doibundu doi tempo bapupuiyan akiyo oi-oilah kona hasil.
5Komian noano antoko umpama bubung paisuno moateang;
bai mian moola mangauk moano kona pangalatian.
6Badaang komian mangakukene kobutongo daanon tulano;
bai mobisa-bisa totobos susah napinosunggon.
7Kopau-pau mosanaang tuuno kalu daano kotamano
momonondok tukon moloyos kona tuboan.
8Kalu tomundo osulang doi nakursii pangadilan;
yana moola kitayo sasaibino komo lokis.
9Daanokai komian mo balakuasa,
“Konoanggu bilisii, yaku tosodiimo luwedoi lalim?”
10Kotimbangan tukon ukulan moaki naadil
Temeneno aki nasanaanggene.
11Luwedoi pau nakokubai moola tinoi
oilakai nakalakuan doo monondok tukon moloyos.
12Tolingaino tuuk mondongolii tukon mata tuuk mambaleng;
kolua-luano Temeneno kai komo pasitakayo.
13Komian moiyase moolo naikon teali talalais.
Komian molole balimang badaang konakinaan.
14Momongoli sidutu basilingan tantang koanggano maaling.
Bai saibino mongoli yana tedes doi anggano natinalima.
15Bantilan-bantilan moano komontoiyan;
lobian koanggano luwedoi mosoni tukon intan
16Indee komo tanggunge komian bailon nasamea;
moola inala kona buat salaku patataan naperjanjian.
17Buat hasil batipuan, tumbe-tumbeno sanaang naomiiyo;
bai lapa doiya lasayomo buno kalikil saibino.
18Natetel daano kohasilo sabab napikikanano;
tobikon doiya, inaimo kai baladuang kalu akiyon mukubaiyo mutetel mo monggol.
19Komian mosanaang salitayo komian bailan, aki namoola abese kolaasia;
inaimo balagaul tukon mian motodudul badaang kona salita.
20Komian mobatotopikene kotinano tamano, kona tuboan naikon lapus
buno posi moposo doi popook mokalipokan.
21Kobuat tumbe-tumbeno moilaat tukon mosobit;
doibundu tokita boilikon balakat.
22Inai mobalese kokulokisan tukon kulokisan;
anggayomo kai ko Temeneno yanamo kai naikon komo tulungio.
23Naraca tukon timbangan batuno moaki naadil
Temeneno aki nasanaanggene.
24 Temeneno lapamo tantukene kololoon kobanggapi natuboan doi dunia nia;
doiyamo kona sabab banggapi mangalatikene mokona tuboan susuungo naloloon.
25Pikikene mono-monondok akiyoon dondikene sosubakon doi Temeneno;
moola teali naikon lapa doya manasalo.
26Tomundo momamangan konapikiran toiyokai indee komian lokis;
yana naikon ukume yanila akiyo koampuno.
27Kobanggapi noano lalom buno kai madialang luwedoi Temeneno
mokadiolongiyo posaapon konoano.
28Kalu Tomundo maparetah tukon maasi, jujul tukon adil,
maka yana tataap balakuasa.
29Komian tabokon minatakuton sabab nabukuanan;
tukon tama tina inodotii sabab mbombolo konabuuk.
30Daano kotempono mosopot komo inalami mohapuse kokulokisan;
tukon mobilisiyo kobanggapi noano.
Currently Selected:
ANDEAN 20: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
ANDEAN 20
20
1Suka moininum kubayo
komian akiyo kona atulan tukon nggabut.
Longasokai komian moinum
sampe malangu.
2Tomundo nggimal bunokai singa nangaatonan,
mian mosumbutene kona nggimalan
koalatino sakisaayo kobutongo susuungo.
3Tolongo mian molongasoo mo yase podangani;
ndodoong mongginaal doiyamo dedenggene kopodanganian.
4Kopatani momalas aki nalimange konaasi doi tempono;
doibundu doi tempo bapupuiyan akiyo oi-oilah kona hasil.
5Komian noano antoko umpama bubung paisuno moateang;
bai mian moola mangauk moano kona pangalatian.
6Badaang komian mangakukene kobutongo daanon tulano;
bai mobisa-bisa totobos susah napinosunggon.
7Kopau-pau mosanaang tuuno kalu daano kotamano
momonondok tukon moloyos kona tuboan.
8Kalu tomundo osulang doi nakursii pangadilan;
yana moola kitayo sasaibino komo lokis.
9Daanokai komian mo balakuasa,
“Konoanggu bilisii, yaku tosodiimo luwedoi lalim?”
10Kotimbangan tukon ukulan moaki naadil
Temeneno aki nasanaanggene.
11Luwedoi pau nakokubai moola tinoi
oilakai nakalakuan doo monondok tukon moloyos.
12Tolingaino tuuk mondongolii tukon mata tuuk mambaleng;
kolua-luano Temeneno kai komo pasitakayo.
13Komian moiyase moolo naikon teali talalais.
Komian molole balimang badaang konakinaan.
14Momongoli sidutu basilingan tantang koanggano maaling.
Bai saibino mongoli yana tedes doi anggano natinalima.
15Bantilan-bantilan moano komontoiyan;
lobian koanggano luwedoi mosoni tukon intan
16Indee komo tanggunge komian bailon nasamea;
moola inala kona buat salaku patataan naperjanjian.
17Buat hasil batipuan, tumbe-tumbeno sanaang naomiiyo;
bai lapa doiya lasayomo buno kalikil saibino.
18Natetel daano kohasilo sabab napikikanano;
tobikon doiya, inaimo kai baladuang kalu akiyon mukubaiyo mutetel mo monggol.
19Komian mosanaang salitayo komian bailan, aki namoola abese kolaasia;
inaimo balagaul tukon mian motodudul badaang kona salita.
20Komian mobatotopikene kotinano tamano, kona tuboan naikon lapus
buno posi moposo doi popook mokalipokan.
21Kobuat tumbe-tumbeno moilaat tukon mosobit;
doibundu tokita boilikon balakat.
22Inai mobalese kokulokisan tukon kulokisan;
anggayomo kai ko Temeneno yanamo kai naikon komo tulungio.
23Naraca tukon timbangan batuno moaki naadil
Temeneno aki nasanaanggene.
24 Temeneno lapamo tantukene kololoon kobanggapi natuboan doi dunia nia;
doiyamo kona sabab banggapi mangalatikene mokona tuboan susuungo naloloon.
25Pikikene mono-monondok akiyoon dondikene sosubakon doi Temeneno;
moola teali naikon lapa doya manasalo.
26Tomundo momamangan konapikiran toiyokai indee komian lokis;
yana naikon ukume yanila akiyo koampuno.
27Kobanggapi noano lalom buno kai madialang luwedoi Temeneno
mokadiolongiyo posaapon konoano.
28Kalu Tomundo maparetah tukon maasi, jujul tukon adil,
maka yana tataap balakuasa.
29Komian tabokon minatakuton sabab nabukuanan;
tukon tama tina inodotii sabab mbombolo konabuuk.
30Daano kotempono mosopot komo inalami mohapuse kokulokisan;
tukon mobilisiyo kobanggapi noano.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in