ANDEAN 19
19
1Lobian monondok mian motalalais momoloyos kona tuboan;
luwedoi mian molongas moyase bakala-kala.
2Komololean akiyo konamotoiyan aki namonondok;
mian mosobit-sobit naikon mokubai kasalahan.
3Kobanggapi molugikene kobutongo susungo luwedoi nalongasan;
lapa doiya salakene ko Temeneno doi langge doo.
4Komian mokaasa kotulano sidutu tosuungi;
mian motalalais kotulano tinggalemo.
5Komian mobakala-kala doi pangadilan
akimo naikon natosodii luwedoi ukuman.
6Samba komian balausaha mangala mian motalakana noano;
saibino komian yase posobat tukon modoyan.
7Komian motalalais koutuso,
padangeeteng oilakai luwedoi tulano.
Mau nabulaando kai kona balausahaan,
yana aki laate talike yanila.
8Indee komo mololonggon montoiyan, mamasikene kobutongo;
tukon indee moneneeke oila komo;
konamonggitunggukonan naikon sanaang.
9Komian mobakala-kala doi pangadilan
tantu naikon inukum tukon sinilakaimo.
10Akikai namoola komian longas tubo sanaang;
tukon akikai nateali ata mopalentayo kosambu.
11Komian mamangan konapikiran moola naatasio kona nggimalan.
Yana nggimal sabab aki napusinggene komian nakasalahan.
12Tomundo nggimal buno singa nangatonan;
kotomundo namonondokan bunokai soiluk
mombetokiyo komo sinakakon-sinakakon.
13Pau molongas moola nakulokisene kotamano boloki moyase palabubuk
bunokai paisu mototook moaki natade-tade.
14Bonua tukon buat moola nailaat luwedoi tama tina,
bai boloki momamangan konapikiran daanon luwedoi Temeneno komo beekene.
15Komo malas-malas kubaiyo komian moolo tombosokon,
tukon doibundu momalasoo naikon malaal.
16Komian motaatio ko Mian Bisa naparentah-parentah naikon salamat,
komian moaki nahalgaiyo naikon mate.
17Tulungiyo komian motalalais pokakana mobeena masabol doi Temeneno;
totiili Temenenokai naikon komo balese.
18Kindedeke komu pau mau namalumbit daano minoinikon;
kalu akiyo, koalatino ikoo yase konamanasan.
19Sodiiyomokai komian mosobit nggimal
nalasayo susuungo kobaliko.
Kalu ikoo tulungiyo yana,
ikoo tolongo sungiyo kona nggimalan.
20Kalu ikoo yase balajal tukon ndongoliyo kootinau;
ikoo naikon teali mian moano kona montoiyan.
21Kobanggapi badaang kona tetel,
bai tolongo Temeneno nakaputusan komo teali.
22Ndodoong mominoinikon luwedoi meeng komian doiyamo natotobosan,
tadukai talalais luwedoi moteali bakala-kala.
23Odotiiyo ko Temeneno, maka mutuboan sanaang;
ikoo naikon biaikene tukon luput luwedoi silakaan.
24Daano komian momalas tuuno,
abese kokinaan doi suungo tolong yana mamaakene.
25Kalu komian babanggal inukum,
komian moakiyo kona pangalaman malaat palajalan.
Kalu mian monondok konoano sinadai
yana naikon tosuungi mamangan kona pikiran.
26Pau mokulokisene tukon sikayo kotamano tinano;
doiya doo pau mookimaayo tukon sosiboliyo.
27Kupau, kalu ikoo aki muyase balajal koidan,
ikoo naikon toliminggene oila komo lapamo ikoo palajari.
28Mebee katalangan mokala, koalatino baniatene koukum;
mosilakaiyo komian, monondok kolasano doi mian lokis.
29Komian molongas misikit konoano
tantu naikon binobokii.
Currently Selected:
ANDEAN 19: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
ANDEAN 19
19
1Lobian monondok mian motalalais momoloyos kona tuboan;
luwedoi mian molongas moyase bakala-kala.
2Komololean akiyo konamotoiyan aki namonondok;
mian mosobit-sobit naikon mokubai kasalahan.
3Kobanggapi molugikene kobutongo susungo luwedoi nalongasan;
lapa doiya salakene ko Temeneno doi langge doo.
4Komian mokaasa kotulano sidutu tosuungi;
mian motalalais kotulano tinggalemo.
5Komian mobakala-kala doi pangadilan
akimo naikon natosodii luwedoi ukuman.
6Samba komian balausaha mangala mian motalakana noano;
saibino komian yase posobat tukon modoyan.
7Komian motalalais koutuso,
padangeeteng oilakai luwedoi tulano.
Mau nabulaando kai kona balausahaan,
yana aki laate talike yanila.
8Indee komo mololonggon montoiyan, mamasikene kobutongo;
tukon indee moneneeke oila komo;
konamonggitunggukonan naikon sanaang.
9Komian mobakala-kala doi pangadilan
tantu naikon inukum tukon sinilakaimo.
10Akikai namoola komian longas tubo sanaang;
tukon akikai nateali ata mopalentayo kosambu.
11Komian mamangan konapikiran moola naatasio kona nggimalan.
Yana nggimal sabab aki napusinggene komian nakasalahan.
12Tomundo nggimal buno singa nangatonan;
kotomundo namonondokan bunokai soiluk
mombetokiyo komo sinakakon-sinakakon.
13Pau molongas moola nakulokisene kotamano boloki moyase palabubuk
bunokai paisu mototook moaki natade-tade.
14Bonua tukon buat moola nailaat luwedoi tama tina,
bai boloki momamangan konapikiran daanon luwedoi Temeneno komo beekene.
15Komo malas-malas kubaiyo komian moolo tombosokon,
tukon doibundu momalasoo naikon malaal.
16Komian motaatio ko Mian Bisa naparentah-parentah naikon salamat,
komian moaki nahalgaiyo naikon mate.
17Tulungiyo komian motalalais pokakana mobeena masabol doi Temeneno;
totiili Temenenokai naikon komo balese.
18Kindedeke komu pau mau namalumbit daano minoinikon;
kalu akiyo, koalatino ikoo yase konamanasan.
19Sodiiyomokai komian mosobit nggimal
nalasayo susuungo kobaliko.
Kalu ikoo tulungiyo yana,
ikoo tolongo sungiyo kona nggimalan.
20Kalu ikoo yase balajal tukon ndongoliyo kootinau;
ikoo naikon teali mian moano kona montoiyan.
21Kobanggapi badaang kona tetel,
bai tolongo Temeneno nakaputusan komo teali.
22Ndodoong mominoinikon luwedoi meeng komian doiyamo natotobosan,
tadukai talalais luwedoi moteali bakala-kala.
23Odotiiyo ko Temeneno, maka mutuboan sanaang;
ikoo naikon biaikene tukon luput luwedoi silakaan.
24Daano komian momalas tuuno,
abese kokinaan doi suungo tolong yana mamaakene.
25Kalu komian babanggal inukum,
komian moakiyo kona pangalaman malaat palajalan.
Kalu mian monondok konoano sinadai
yana naikon tosuungi mamangan kona pikiran.
26Pau mokulokisene tukon sikayo kotamano tinano;
doiya doo pau mookimaayo tukon sosiboliyo.
27Kupau, kalu ikoo aki muyase balajal koidan,
ikoo naikon toliminggene oila komo lapamo ikoo palajari.
28Mebee katalangan mokala, koalatino baniatene koukum;
mosilakaiyo komian, monondok kolasano doi mian lokis.
29Komian molongas misikit konoano
tantu naikon binobokii.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in