ANDEAN 15
15
1Tukon potimbili monondok konggimalan tademo;
potimbili moonas sumbutene konggimalan.
2Bantilan-bantilan mian mopandoi kubayo komontoiyan talike konoano;
bantilan-bantilan mian longas tolongo koantoko longasan.
3 Temeneno kitayo saibino komoteali doi samba kotampat;
Yana palaatikanggene saibino komonondok tukon mokulokis.
4Bantilan-bantilan monondok komololean tosuungi;
bantilan-bantilan mominallason kubayo lemah kona kamauan.
5Komian longas aki napaduliyo kotamano naotinau;
komian mamangan napikiran talimayo kopanganukon.
6Doi mian monondok nabonua daanon badaang kobuat;
komian lokis nakaasan lapus sabab silakaan.
7Bantilan-bantilan mian momamangan konapikiran moono tukon montoiyan;
bai pikiran mian molongas aki nabunodoiya.
8Komian monondok nasambeang Temeneno talimayo,
bai Yana misikitene komian lokis nasosubakon.
9Cara mian lokis natuboan Temeneno misikitene,
bai Yana misikitene komian mobalausaha molakukene Konamongiasan.
10Komian molakukene komo kulokis naikon sinakisaa,
mian moaki naiyase inanuukon naikon mate.
11 Temeneno toiyo komian mate nalipu tukon nacara-cara;
bulaa konatealian banggapi napikiran sinookon luwedoi Yana?
12Komian moaki naiyase mototulai aki naiyase inanuukon;
yana aki naiyase makabi otunggul luwedoi mian momamangan konapikiran.
13Noa mosanaang kabayo koduduso montontilan;
noa mosusah lotoyo komololean.
14Komian momamangan kona pikiran mounggoli montoiyan;
mian longas nggabut tukon nalongasan.
15Komian mosusah sio banggadudul balajuang doi natuboan lalomo;
bai komian mosanaang sidutu bagia.
16Tadukai soisik kobuat bai pinolainggon komatakutan doi Temeneno,
luwedoi badaang kobuat bai pinolonggon ko manasalan.
17Tadukai makaan nusuwon bai pinolainggon koposeangan,
luwedoi makaan sail monondok bai pinolainggon komo minisikiton.
18Komian mosobit nggimaal osumbute kopoodanganian;
komian mosabar babayo kopaladamaean.
19Komian momalas naikon sidutu alamiyo kokasukalan;
mian mojujul aki naposunggene kokasulitan.
20Pau momamangan kona pikiran, kotamano noano sanaang;
pau molongas aki nahalagaiyo kotinano.
21Kolongasan daanokai kasangan mian longas,
mian momamangan kona pikiran tubo moloyos.
22Koniat aki teali, kalu aki napinikikon;
niat modaano kohasilo, kalu badaang momobee otinau.
23Bantilan-bantilan mobinantil tapaat kotempono,
lubatene kokasanangan.
24Komian momamangan konapikiran mololoi loloon motogal motujuiyo kotuboan;
bolikon loloon motokolu mo tujuiyo komatean.
25 Temeneno naikon lubange komian na bonua mo katandake konoano,
bai meeng komian balu nabuta yana lindungiyo.
26 Temeneno misikitene koniat mo kulokis;
bai bantilan-bantilan monondok konoiyo konoano.
27Indee mounggolii untung moaki nahalal,
manasemo kona kaluargaa susuungo.
Indee momisikitene kodoy patambo, naikon tubo monondok.
28Komian monondok pikikenekai kona bantilan-bantilan;
mian lokis bantile kolangge-langge mokulokis.
29 Temeneno ndongoliyo kalu kai mian monondok sambeang,
bai yana aki napaduliyo komian mopalalentel.
30Koduduso sanaang konoano tedes,
bilita monondok kona ansang segaal.
31Komian motalimayo kopanganukon
tongusokon mian momamangan kona pikiran.
32Komian moaki naiyase inotunggul aki naodotiyo kobutongo susuungo
mian moyase talimayo kopanganuukon teali monondok konoano.
33Matakutene ko Temeneno daanon alas didikan monondok;
pongodotii linolukoni noano napependean.
Currently Selected:
ANDEAN 15: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
