ANDEAN 1
1
Salomo naotinau-otinau anggano
1 #
1Tom. 4:32
Naiamo kootinau-otinau moluwe doi Salomo Daud namalane, tomundo Israel.
2Konamakisuud doiyamo tuuk tulungiano komian motoiyo bulaando natealian kopandoian, tukon toiyo kotuboan natangatulan tukon mangalatikene kobantilan modaano koalatino tuuno. 3Naotinau-otinau nia otunggulikene bulaando komian namalaatan tuboan mopandoi, totobos, adil tukon kana. 4Komian moakiyo konapangalaman inotunggukon sampe daano konapikiran momamangan, mian taboon inotunggul teali mian mopandoi tukon moola bapikil motolos. 5Maka otinau-otinau nia komian mopandoikai naikon tosuungi konamotoiyan, tukon mian molapamo dinidik naikon malaat pongotunggul sidutu. 6Kalu bunomodoiya yanila moolamo mangalatikene koalatino motosookon doi otinaudoo lalomo tukon mangalatikene mian mopandoidoo nabantilan-bantilan tukon silingan-silingan yanila mo bantile.
Otinau motuuk doi mian motaboon
7 #
Ayb. 28:28; Sad. 111:10; And. 9:10 Tuuk momalaat pandoian mobisa, tumbe-tumbeno siokai mian motoyo odotiio tukon matakutene ko Temeneno. Mian longas aki naakuiyo kopandoian tukon aki naiyase moinotunggul.
8Palatikanggenekai oila tamamu tinamu nabinontiikon doi komuyu, kupau, 9sabab yanila naotunggul-otunggul sungiyo kopopikiran monondok buno pobubungai oluno tukon inoo mokindedeke kodudusomu.
10Kalu mian baladosa budukiyo ikoo, kupau, inaikai motulutiyo yanila nabudukan. 11Kalu kai yanila bantile, “Ayo, maimo nda mounggolii mian tukon ndapeeke yana. Tuuk basa-basalita, maimo nda molobosi mian moakiyo konasalah. 12Diabudodoo yanila tubo sanaang tukon makalikodong; bai totiili yanila naikon teali buno mian mokakaate. 13Kita alayo yanila nabarang-barang modaano koanggano, sulano konda bonua moono tukon barang moirambas. 14Maimo malaing! Komu lobo ndinikuk hasilo kita ebese pokana!”
15Inaikai momalaing tukon mian-mian mobunodoiya, kupau! Dedenggenekai yanila. 16Yanila aki namoola dungol kalu akiyon namokubai lokis. Yanila yase namoso-mosobit mangakate. 17Sabeakai tomisi aki naikon nausok doi talong mobinanaton doi matano salaano, 18bai mian-mian molokis doo pololokon tanggene konatalong tuuk butongo susuungo – talong naikon mosilakaiyo yanila. 19Bisa komian momounggolii nafakaa tukon tumba-tumbakan naikon konapebeal butongo susuungo
Pandoian alalo
20 #
And. 8:1-3
Ndongoliyokai! kopandoian monguang doi loloon-loloon tukon wokon doi tanalapang-tanalapang! 21Yana nggeleamon doi tataapon-tataapon babasal tukon doi tampat-tampat morame:
22“He mian-mian molongas! Sampe oilamo kotempono kopoyasano tataap buno doiya? Oila kotempono nalubat komuyu tade mopiadayo komontoiyan tukon tolake kopongotunggul? 23Ndongoliyokai yaku kalu kai yaku teguule ikoo, maka doikoo naikon kuokitakene konoanggu antoko tukon kuotunggulikene daku montoiyan. 24Komuyu lapamo kuuwange, bai komuyu tolayo tukon aki poyase hilaukanggene. 25Sasaibino daku otinau komuyu toliminggenemo tukon daku panganukon komuyu tolayo. 26Tobikon doiya, kalu komuyu silaka, yaku naikon kokumbite komuyu. 27Oh, yaku naikon sosiboliyo komuyu kalukai komuyu matakut tukon sakisaa sabab linupa kasusahan molubat buno sokoi. 28Doi tempo doiya komuyu naikon wange yaku, bai aki kutimbiliyo. Komuyu naikon unggoliyo yaku doi yayaa bai aki poposunggene yaku. 29Komuyu buno mian moaki nabiasa malaat motoiyan, tukon aki naiyase motaat doi Temeneno. 30Komuyu aki nabiasa yase matalima daku otinau-otinau kai palaatikanggene daku panganukon-panganukon. 31Tobikon doiya komuyu naikon rasakanggene kobaliko luwe doi mukakabai-kakabai tukon mutetel-tetel molokis. 32Komian moakiyo konapangalaman naikon mate sabab aki natoiyaku tukon mian molongas naikon manas sabab aki nahiraukangganaku. 33Bai mian mondongoliyo yaku naikon topiala. Yana tubo aman tukon aki namatakut.”
Currently Selected:
ANDEAN 1: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
