YESAYA 35
35
Loloon motujuiyo kokasalamatan
1Kopadang lalomo tukon padang momotuul naikon laba-laba,
kobunga-bunga tebeleka doi padang moluas.
2Kopadang gurun sosuungi konabadaangan,
tukon manyanyi lagu-lagu mogembira.
Kona tambonganan pokakana kobunggul Libanon,
tukon koidan kona tambonganan pokakana ko Karmel tukon Saron Pepelako.
Maka sasamba komian naikon kitayo ko Temeneno nakuasa,
tukon konda Mian bisa nababasalan.
3 #
Ibr. 12:12
Tealikenekai nabukuan komian limano molemaah,
ekeenggelekai komian tuulo moponggolisa.
4Bontiikenekai doi mian mopoi-poisik konoano,
“Kobukuanggenekai konoamu, tukon inai momatakut,
komu Mian Bisa lubat sulano nahukume komusuh,
tukon koidan Yana lubat salamatene komuyu.”
5 #
Mat. 11:5; Luk. 7:22 Doi tempodoo komian mopiit naikon moolamo namokita lipu,
tukon komian mo bongol moolamo nandongoliiyo kolobo.
6Komian molemat osu-osuut pokakana kojonga,
komian moponga kokuweis laba-laba.
Sabab kopaisu matano tobuat luwedoi padang gurun,
kopaisu batango lomba luwedoi padang moluas.
7Kobone momoonas teali kolam,
kobuta mokindolon teali paisu-paisu matano.
Kolipu loolukon asu lobo modungoliyo,
gelagah tukon pandan komo tuboiyo.
8Indaa daano naikon kololoon mobabasal,
“Kosambuno loloon motujuiyo kokasalamatan.”
Komian mobaladosa aki naikon nalolo indaa,
komian molongas aki naikon naatapayo komian mololoiyo.
9Doi tampatoo akiyono naikon kosinga,
kai iyayon mobarani bailonggon.
Komian Temeneno mosalamatene
naikon amba-ambakon indaa.
10Komian Temeneno moolupute naikon mule;
tukon yanila usokiyo kokota Yerusalem maka napo kokuweis laba-laba,
kodudusoila teali tambongan sabab napo laba-labaan mokekaal.
Yanila naikon laba tukon tedes-tedes;
sabab konapo susaan tukon napo sakisaawan lapuso.
Currently Selected:
YESAYA 35: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
