PONGOTUNGGUL 8
8
1Bukanamaen konasanaangan komian momamangan konapikiran.
Yana toiyo kopotimbilino doi sasaibino kopalakala.
Pandoian kubayo yana boit tedes,
tobikon koduduso tambongan sidutu.
Taatiomokai kotomundo
2Anggayokai kalu tomundo mebee parentah,
tukon inai mokubaiyo koperjanjian momosobit doi Mian Bisa.
3Tomundo moola kubaiyo sasaibino konatindakan,
kalu yana aki napokonoi, tadukai mudedenggene yana.
4Tomundo tindokiyo tukon nakuasa;
akiyo komo barani bantayo!
5Komian motaat doi yana, naikon aman tukon sanaang;
komian pandoi toiyo kotempo tukon bulaando kai kotaatiano kotomundo.
6Doi sasaibino kolangge daano kotempono tukon cara susuungo,
bai soisik tuuno konda pinahami!
7Akiyo komeeng komian kai komo toiyo oila komo totiiliyo konanasib,
tukon akiyo komo moola mobantile oila mo naikon komo teali.
8Akiyo komeeng komian kai moola tahane kai tundayo kona matean.
Doiya perjuangan moaki namoola kita tinggale,
aki nomoola yana luput luwedoi yana,
maukai tukon pongokolii tukon bakokolii.
Mian motalakana tukon molokis
9Sasaibino yaku kitayo salataa kupalaatikanggene sasaibino kokejadian doi dunia. Daano kotempono kobanggapi pakeo kona kuasa tuuk silakaiyo kotulano. 10Biasamo kukitayo komian lokis momate tukon kiniburkai. Bai tempo komian-mian mule doi bakiburan, yanila nggaale yana doi kota tampat nalakukanggano kokulokisan. Jadi doiya kai sia-sia.
11Bulaando buno doiya konagampangan komian molakukene kokulokisan?
Sabab kohukuman aki namosobit bineekon.
12Maukai nasakat kokulokisan luwedoi meeng komian baladosa nalinakukon,
yana tataap tubo tukon bulusan kona umur.
Kalu, indee komo taat doi Mian Bisa,
tantu kona tubuan monondok.
13Kobalino, komian molokis badaang kokasusahan kona linaat.
Kona tuboan mosobit taus buno bayangan.
Yana naikon mate doi naumur namangulaan
sabab yana aki nataat doi na Temeneno.
14Mau nasasaibino doiya kala-kalaan tuuno.
Kitayo tolong oila komo teali doi dunia:
Daano komian mosaleh mo inukum bunokai pokulokis,
daano komian lokis mo inukum bunokai mian saleh.
Jadi, doiyakai sia-sia.
15Daku kaputusan doiyamo baikon komian sio natedes.
Sabab kona tuboan doi dunia lalomo
akiyo kona sanaangan bailon motuuk doiyana baimokai kaan, monginum tukon tedes.
Doiya tolong komo moola narasaiyo doi napakadakan tangano,
Mian Bisa beena tuboan momalumbit doi yana.
16Salataa yaku berusaha momalaat hikmat, tukon kupalatikanggene saibino komo teali doi dunia nia, maka yaku sadaro baikon maukai ndaberusaha tuuno madialan popook akiyo kotadean, 17kita aki namampu mangalatikene ko Mian Bisa natindakan. Bulaamo kai kita moberusaha, aki nanggoola kita pahamio. Mian pandoi akuyo baikon yana toiyo, bai kona bisaan yana aki natoiyo.
Currently Selected:
PONGOTUNGGUL 8: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
PONGOTUNGGUL 8
8
1Bukanamaen konasanaangan komian momamangan konapikiran.
Yana toiyo kopotimbilino doi sasaibino kopalakala.
Pandoian kubayo yana boit tedes,
tobikon koduduso tambongan sidutu.
Taatiomokai kotomundo
2Anggayokai kalu tomundo mebee parentah,
tukon inai mokubaiyo koperjanjian momosobit doi Mian Bisa.
3Tomundo moola kubaiyo sasaibino konatindakan,
kalu yana aki napokonoi, tadukai mudedenggene yana.
4Tomundo tindokiyo tukon nakuasa;
akiyo komo barani bantayo!
5Komian motaat doi yana, naikon aman tukon sanaang;
komian pandoi toiyo kotempo tukon bulaando kai kotaatiano kotomundo.
6Doi sasaibino kolangge daano kotempono tukon cara susuungo,
bai soisik tuuno konda pinahami!
7Akiyo komeeng komian kai komo toiyo oila komo totiiliyo konanasib,
tukon akiyo komo moola mobantile oila mo naikon komo teali.
8Akiyo komeeng komian kai moola tahane kai tundayo kona matean.
Doiya perjuangan moaki namoola kita tinggale,
aki nomoola yana luput luwedoi yana,
maukai tukon pongokolii tukon bakokolii.
Mian motalakana tukon molokis
9Sasaibino yaku kitayo salataa kupalaatikanggene sasaibino kokejadian doi dunia. Daano kotempono kobanggapi pakeo kona kuasa tuuk silakaiyo kotulano. 10Biasamo kukitayo komian lokis momate tukon kiniburkai. Bai tempo komian-mian mule doi bakiburan, yanila nggaale yana doi kota tampat nalakukanggano kokulokisan. Jadi doiya kai sia-sia.
11Bulaando buno doiya konagampangan komian molakukene kokulokisan?
Sabab kohukuman aki namosobit bineekon.
12Maukai nasakat kokulokisan luwedoi meeng komian baladosa nalinakukon,
yana tataap tubo tukon bulusan kona umur.
Kalu, indee komo taat doi Mian Bisa,
tantu kona tubuan monondok.
13Kobalino, komian molokis badaang kokasusahan kona linaat.
Kona tuboan mosobit taus buno bayangan.
Yana naikon mate doi naumur namangulaan
sabab yana aki nataat doi na Temeneno.
14Mau nasasaibino doiya kala-kalaan tuuno.
Kitayo tolong oila komo teali doi dunia:
Daano komian mosaleh mo inukum bunokai pokulokis,
daano komian lokis mo inukum bunokai mian saleh.
Jadi, doiyakai sia-sia.
15Daku kaputusan doiyamo baikon komian sio natedes.
Sabab kona tuboan doi dunia lalomo
akiyo kona sanaangan bailon motuuk doiyana baimokai kaan, monginum tukon tedes.
Doiya tolong komo moola narasaiyo doi napakadakan tangano,
Mian Bisa beena tuboan momalumbit doi yana.
16Salataa yaku berusaha momalaat hikmat, tukon kupalatikanggene saibino komo teali doi dunia nia, maka yaku sadaro baikon maukai ndaberusaha tuuno madialan popook akiyo kotadean, 17kita aki namampu mangalatikene ko Mian Bisa natindakan. Bulaamo kai kita moberusaha, aki nanggoola kita pahamio. Mian pandoi akuyo baikon yana toiyo, bai kona bisaan yana aki natoiyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in