PONGOTUNGGUL 7
7
Pikikanano ko tuboan
1 #
And. 22:1
Kosambuno nababangian liisiyo kominyak wangi momaaling koalino;
tukon oloyo matean lobian kona monondokan luwedoi oloyo tealian.
2Lobian kona monondokan taus doi bonua matean
luwedoi tampat morame.
Sabab kita sio ndasidutu mononook
baikon kamatean totiiliyo sasamba komian.
3Kona susaan lobian kona komonondokan luwedoi kokumbitan.
Mau duduso murung, asal konoano natenang.
4Komian moakiyo konatinoi banggadudul mololonggon nasanaangan;
mian pandoi sidutu pikikene komatean.
5Lobian kona monondokan kalu komian monondok konoano manganuukon,
luwedoi panggaal mian mo aki namangalati.
6Mian mobodoh nakokumbitan akiyo koalatino,
buno sonit alalo motosua doi aung.
7Kalu mian pandoi bakala-kala, longasokai kona kokubai;
kalu mian matalima doy sogoki, lusako konapikiran.
8Lobian kona monondokan meeng kopalakala napupusan luwedoi natambunan;
lobian kona monondokan kosabaran luwedoi natodudulan babanggaal.
9 #
Yak. 1:19
Inai mo sia-sia nggimal;
tolongo mian mobodoh komo abos noa.
10Inaikai masadai, ‘Bulaando doi tempo looluk lobian kona monondokan luwedoi tempo nia budodoo?’ Tolongo mian mobodoh komo masadai buno doiya.
11Komian motubo siokai nadaano kona hikmat; dohikmatoo anggano pokakana tukon budel; 12pokakana koidan tukon doy mobekene rasayo aman. Oilakai koidan motoian tentang pandoian! Indee koona naikon salamat.
13Palatikanggenekai ko Mian Bisa nalimang. Sabab indee komo moola koloyose oila ko Mian Bisa nasinupeton? 14Jadi potedesokai kalu ikoo daanon mountung. Bai kalu ikoo kanakon susah, inai motoliminggene baikon ko Mian Bisa komo beekene looluakon. Kita aki ndatoiyo oila komo teali banggadudul.
15Kutuboan akiyo kotakoso, bai malumbito dakutuboan aki kukitayo koidan nia. Daano kotempono mian monondok silaka, maukai yana saleh. Daano kotempono mian molokis moloas kona umur, maukai yana baladosa banggadudul. 16Inaimokai motodudul mondok tukon inai koidan motodudul mamangan komupikiran. Oila kotakoso mokakaate? 17Inai koidan motodudul kulokis kai todudul longas. Tuuk oila kogunano momate kalu akiyoon laate kotempono? 18Dedenggenemo kai kolua-luanodoo. Kalu kita matakutene ko Mian Bisa tantumokai monondok konda hasil.
19Pandoian kubaiyo kotumbuno lobian tambongan barani,
luwedoi songulo komo berkuasa doi meeng kokota.
20Doidunia nia akiyo komian mo talakana,
akiyo komosidutu mokubai monondok tukon aki nabiasa baladosa.
21Inai moyase mondongolii sali-salita,
indee komo toiyo ikoo daanon binatopikon meeng kopeleleani.
22Ikoo susumukai komo sadariyo
baikon komian bailon biasamo koidan ikoo batopikene.
23Saibino doiya yaku ujio tukon kupandoian.
Mau kunggoliyo sidutu dohikmatoo,
pololokon modoon yana luwedoi yaku.
24Indee komo posunggene koalatino natuboan nia?
Todudul atean sampe aki naminangalatikon!
25Maukai kubelajar tukon mounggolii pengetahuan,
sulano kumalaat hikmat tukon potimbili doi sasaibino kopasadai.
Yaku sobayo momangalatikene baikon dolalimdoo luwedoi longasan,
tukon kulokisan daanokai komeeng kotetel.
26Yaku malaat baikon boine lobian mosopot luwedoi matean. Kilakanano koboine buno buani tukon palako mo sadiamo lakoyo kona musuh. Napolobok buno putal kopoboino moonggol. Komian molakukene ko Mian Bisa namongiasan toliat luwedoi talongo, bai mian mobaladosa tantu naikon tinawan. 27Kitayo, ko Sang Pemikir nabantilano: Sasaibino yaku pososunggenemo, salataa kukamatean mounggolii kopotimbilino. 28Daano koidan yaku mounggolii potimbili-potimbili bailon, bai akiyo kohasilo. Doi antara soloon komian, yaku laate komeeng komala-malane moodotiiyo. Bai doi antara yanila akiyo koboine momoola kuodotiiyo. 29Tolongo naiyamo dakulinaat: Mian Bisa kubayo kita sederhana tukon biasa. Bai susunggitamo komo kubaiyo kobutonggita sulit tukon susah-susah.
Currently Selected:
PONGOTUNGGUL 7: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
PONGOTUNGGUL 7
7
Pikikanano ko tuboan
1 #
And. 22:1
Kosambuno nababangian liisiyo kominyak wangi momaaling koalino;
tukon oloyo matean lobian kona monondokan luwedoi oloyo tealian.
2Lobian kona monondokan taus doi bonua matean
luwedoi tampat morame.
Sabab kita sio ndasidutu mononook
baikon kamatean totiiliyo sasamba komian.
3Kona susaan lobian kona komonondokan luwedoi kokumbitan.
Mau duduso murung, asal konoano natenang.
4Komian moakiyo konatinoi banggadudul mololonggon nasanaangan;
mian pandoi sidutu pikikene komatean.
5Lobian kona monondokan kalu komian monondok konoano manganuukon,
luwedoi panggaal mian mo aki namangalati.
6Mian mobodoh nakokumbitan akiyo koalatino,
buno sonit alalo motosua doi aung.
7Kalu mian pandoi bakala-kala, longasokai kona kokubai;
kalu mian matalima doy sogoki, lusako konapikiran.
8Lobian kona monondokan meeng kopalakala napupusan luwedoi natambunan;
lobian kona monondokan kosabaran luwedoi natodudulan babanggaal.
9 #
Yak. 1:19
Inai mo sia-sia nggimal;
tolongo mian mobodoh komo abos noa.
10Inaikai masadai, ‘Bulaando doi tempo looluk lobian kona monondokan luwedoi tempo nia budodoo?’ Tolongo mian mobodoh komo masadai buno doiya.
11Komian motubo siokai nadaano kona hikmat; dohikmatoo anggano pokakana tukon budel; 12pokakana koidan tukon doy mobekene rasayo aman. Oilakai koidan motoian tentang pandoian! Indee koona naikon salamat.
13Palatikanggenekai ko Mian Bisa nalimang. Sabab indee komo moola koloyose oila ko Mian Bisa nasinupeton? 14Jadi potedesokai kalu ikoo daanon mountung. Bai kalu ikoo kanakon susah, inai motoliminggene baikon ko Mian Bisa komo beekene looluakon. Kita aki ndatoiyo oila komo teali banggadudul.
15Kutuboan akiyo kotakoso, bai malumbito dakutuboan aki kukitayo koidan nia. Daano kotempono mian monondok silaka, maukai yana saleh. Daano kotempono mian molokis moloas kona umur, maukai yana baladosa banggadudul. 16Inaimokai motodudul mondok tukon inai koidan motodudul mamangan komupikiran. Oila kotakoso mokakaate? 17Inai koidan motodudul kulokis kai todudul longas. Tuuk oila kogunano momate kalu akiyoon laate kotempono? 18Dedenggenemo kai kolua-luanodoo. Kalu kita matakutene ko Mian Bisa tantumokai monondok konda hasil.
19Pandoian kubaiyo kotumbuno lobian tambongan barani,
luwedoi songulo komo berkuasa doi meeng kokota.
20Doidunia nia akiyo komian mo talakana,
akiyo komosidutu mokubai monondok tukon aki nabiasa baladosa.
21Inai moyase mondongolii sali-salita,
indee komo toiyo ikoo daanon binatopikon meeng kopeleleani.
22Ikoo susumukai komo sadariyo
baikon komian bailon biasamo koidan ikoo batopikene.
23Saibino doiya yaku ujio tukon kupandoian.
Mau kunggoliyo sidutu dohikmatoo,
pololokon modoon yana luwedoi yaku.
24Indee komo posunggene koalatino natuboan nia?
Todudul atean sampe aki naminangalatikon!
25Maukai kubelajar tukon mounggolii pengetahuan,
sulano kumalaat hikmat tukon potimbili doi sasaibino kopasadai.
Yaku sobayo momangalatikene baikon dolalimdoo luwedoi longasan,
tukon kulokisan daanokai komeeng kotetel.
26Yaku malaat baikon boine lobian mosopot luwedoi matean. Kilakanano koboine buno buani tukon palako mo sadiamo lakoyo kona musuh. Napolobok buno putal kopoboino moonggol. Komian molakukene ko Mian Bisa namongiasan toliat luwedoi talongo, bai mian mobaladosa tantu naikon tinawan. 27Kitayo, ko Sang Pemikir nabantilano: Sasaibino yaku pososunggenemo, salataa kukamatean mounggolii kopotimbilino. 28Daano koidan yaku mounggolii potimbili-potimbili bailon, bai akiyo kohasilo. Doi antara soloon komian, yaku laate komeeng komala-malane moodotiiyo. Bai doi antara yanila akiyo koboine momoola kuodotiiyo. 29Tolongo naiyamo dakulinaat: Mian Bisa kubayo kita sederhana tukon biasa. Bai susunggitamo komo kubaiyo kobutonggita sulit tukon susah-susah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in