PONGOTUNGGUL 1
1
1Bantilan-bantilan nai kitab nia lalomo kona asal luwedoi Mo Pikikene, Daud namalane, mosoboliyo Daud teali tomundo doi Yerusalem.
2Komo Pikikene bantil: Saibino sia-sia tukon akiyokotakoso! Tuboan doo palasuma, saibino akiyo koalatino. 3Pomatekon kita balimang, bubul kolumbos. Bai, nando kohasilo kita molaate maka ndababanggaakene? 4Katurunan momeengo lubat tukon katurunan bailon lapuso bai dunia tataap pokakana. 5Oloyo matano modaano mosumbut tukon modaano koidan mosopok. Tukon pakadak yana abali doi natampat tumbeno, maka nasumbut koidan. 6Mombul puul taikon lalom, maka napuul doi lembet; yana bapasokon bapasokon, maka naabali koidan? 7Saibino kopaisu batanggo lomba doi tobun, bai kotobun aki namoono. Kopaisuno abali doi paisu batango naluwean maka tambuuno koidan molomba. 8Sasaibino bantalakene tukon dobantalaanoo konatabantilan aki namoola binantil. Komatanggita aki nabobosul mambaleng kotolingainggita aki napuas-puas mondonggolii. 9Oila komo biasa teali, naikon teali koidan Oila komo biasa linakukon, naikon linakukon koidan. Akiyo kai kolobo meeng mo boolu doi dunia nia. 10Daano komian mobantile, “Kitayokai, naia boolu!” Bai, doiya daanomo akiyon ndasinuung. 11Komian akimo naikon naneneeke domotealidoo doi looluk. Bunokai doiya kotealian diabudodoo tukon doimontotilian, bai akiyo naikon komian moneneeko doi tempo molubat.
Pengalaman Sang Pemikir
12Yaku, komo Bapikir, maparenta doi Yerusalem salaku tomundo doi Israel. 13Yaku tekaat moselidikio tukon pelajariyo tukon pikiran momamangan sasaibino komo teali doi dunia nia. Ko Mian Bisa mosadiayo kotuboan doi kita salataa doi ndatangallaisan. 14Yaku lapamo kitayo saibino komian nakakabi doi dunia nia. Anggayomokai, sasaibino doiya akiyo kotakoso, buno usaha mololonggon mombuul. 15Komo patek aki namoola kinoloyos, tukon komo akiyo aki namoola inait.
16 #
1Tom. 4:29-31
Dakupikiran, “Yaku nia teali mian mopenting tukon pandoi, dondoon lobian dakuliinano luwedoi saibino komian momamarentah doi Yerusalem tumbe-tumbeno. Yaku pototongikene badaang komotoiyan tukon ilimu.” 17Maka yaku tekaat sulano kutoiyo konaposasalaan antara montoiyan tukon kobongguan antara pikiran mamangan tukon bongguan. Bai tokita yaku nia tongo buno mololonggol mombuul tolong. 18Sabab pololokon badaang kopandoian doi kita, pololokon badaang komotiyondoi kita, polalokon badaang koidan khawatiran. Polokon badaang komotoiyan doi kita, pololokon badaang koidan kokasusahan doi kita.
Currently Selected:
PONGOTUNGGUL 1: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
