RASUL-RASUL SALITANO 13
13
Barnabas tukon Saulus pinili tukon sinumbolii
1Doi jemaat Antiokhia lalomo daano konabi-nabi tukon guru-guru, doiyamo Barnabas, Simeon mo tinotumaikon Mopook, Lukius luwedoi Kirene, Menahem napiniala posinggat-singgat Herodes, tukon Saulus. 2Salataa yanila daano mobakaleda doi Temeneno tukon bapuasa, Mian Bisa Na Roh bantil doi yanila, “Popiliyomo Barnabas tukon Saulus motuuk doi Yaku, sulano yanila nalimange kolimang mo lapamo Yaku tantukene motuuk doi yanila.”
3Sambuno yanila bapuasa tukon sambeang yanila abese kopai limano doi Barnabas tukon Saulus maka yanila sumboliiyo yanila luaila.
Doi Siprus
4Tobikon inosumbolii Mian Bisa Na Roh, Barnabas tukon Saulus lengget taus doi Seleukia. Doi Seleukia yanila talabut doi togong Siprus. 5Salataa polong doi Salamis, yanila babotilanggene ko Mian Bisa nabantilan doi Yahudi miano nabonua kaleda. Yohanes Markus tomboniiyo yanila doi yanila naampakonan lalomo.
6Posaapon do togongoo yanila ompokoniiyo polong doi Pafos. Indaa yanila pososuung tukon komeeng ko Yahudi miano, kosambuno Bal Yesus. Yana meeng komian modaano kona motoiyan mo akuiyo kobutongo nabi. 7Sergius Paulus, gubernur doi togongoo yana posobat tukon Bal Yesus. Gubernuroo daano meeng komian mo pandoi tukon bijaksana. Yana uange Barnabas tukon Saulus sabab yana yase mondongolii Mian Bisa nabantilan. 8Bai Barnabas tukon Saulus Elimas tumbak-tumbak do pandoidoo motoiyan, sabab Elimas (doiyamo kosambuno doi silingan Yunani lalomo) kakaate sulano do gubernuroo inai napolong mangangga doi Yesus. 9Bai Saulus – mo binantil koidan Paulus – kinuasaimo Mian Bisa Na Roh, tobikon yana mbalenge do mopandoidoo motoiyan, 10maka bantile, “Eh bakokolii tuuno, pau molokis! Ikoo musu doi sasaibino komo monondok. Bulaando ikoo moaki muyase tade molusayo ko Mian Bisa natetel sulano nasalamatene kobanggapi? 11Budodoiya kitayo, Temeneno ukume ikoo! Ikoo naikon teali piit, polong ikoo aki mumoola mokita oloyo panano koidan doi soisik kotempo.”
Doiya kosinggatoo koidan Elimas lasaiyo daano kobunom mo mopook motombukiyo komatano, tobikon yana ampakon nggaa-nggaam moumbolii mian motanda-tandane yana. 12Salataa do gubernuroo kitayo oila komo lapamo teali, yana manganggamo doi Yesus; sabab yana masainding tuuno naikon kootunggul tentang Temeneno.
Doi Antiokhia, Pisidia
13Doi Pafos, Paulus tukon tula-tulano talabut doi Perga doi Pamfilia. Idoo Yohanes Markus otinggale yanila, maka abali doi Yerusalem. 14Doi Perga, yanila banggadudulkene kona poampakonan doi Antiokhia Pisidia, doibundu doi oloyo Tadean yanila ampakon osulang doi bonua kaledaan lalomo. 15Sambuno Musa na Buku tukon Nabi-nabi na Buku binasakono, katua-katua jemaat sumboliiyomo komian momansadai doi Paulus tukon tula-tulano, “Utus-utus, kalu Utus daano komu otunggul motuuk doi mian nia, yo pelenggenemo domu otunggul.” 16Paulus kokondong, maka tidekene kolimano mebee paloosan, doibundu bantile,
“Utus-utusonggu bangsa Israel tukon utus-utus mo bailonggon naimbaa mo taat doi Mian Bisa! Soba polengele yaku: 17#Tob. 1:7, 12:51 Mian Bisa bangsa Israel lapamo piliyo kotumbunggita, tukon tealikene naiya bangsa nia bangsa mo babasal salataa yanila dungol doi Mesir buno mian molulubaton. Doibundu tukon kuasa mo babasal Mian Bisa babayo yanila tobuat doi Mesir. 18#Bang. 14:34; Kua. 1:31 Yana tanaang telhadap yanila nakokubai doi padang lalomo sangkap kolono kotaun kona kalumbit. 19#Kua. 7:1; Yos. 14:1 Pitu kobangsa yana momanase doi lipu Kanaan sulano naobos-obosikene do lipudoo doi bangsa Israel nateali yanila nalipu. 20#Tan. 2:16; 1Sam. 3:20 Sasaibino doiya banggadudul sangkap kosakato lima kolono kotaun.
Sambuno lapa kobangobosan do lipudoo Kanaan, Mian Bisa beekene doi yanila kohakim-hakim. Hakim doibundu doiyamo Nabi Samuel. 21#1Sam. 8:5, 10:21 Doibundu yanila mangkabi meeng kotomundo. Mian Bisa beekene doi yanila Saul Kis napau luwedoi suku Benyamin sulano nateali yanila natomundo sangkap kolono kotaun kona kalumbit. 22#1Sam. 13:14, 16:12; Sad. 89:20 Sambuno Mian Bisa beletiyo yana doi nabatomundoan, Mian Bisa bingkate koidan Daud teali yanila natomundo. Tukon naiyamo ko Mian Bisa nabinantil tentang Daud, ‘Yaku lapamo laate Daud Isai napaudoo mo sanaanggene Konoanggu. Yana meeng komian mo lakukanggene Daku mongiasan.’ 23Luwedoi Daud doiyamo ko Mian Bisa namasadiakanano kobangsa Israel meeng ko Tomundo Pasalamat, pokakana mo lapamo perjanjikene. Tukon Yesus yanamo ko Tomundo Pasalamatoo. 24#Mrk. 1:4; Luk. 3:3 Akiyoon Yesus natambuune kona limang, Yohanes lapamo babotilanggene doi Israel miano sulano yanila nabadodoloon luwedoi yanila nalalim-lalim tukon sinau. 25#Mat. 3:11; Mrk. 1:7; Luk. 3:16; Yoh. 1:20, 27 Tukon adukono pupus kona limang, Yohanes bantile doi mian, ‘Indee kai miano yaku nia menurut komuyu popalaat? Yaku bolikon domianoo komuyu mototooliyo. Poneneeke, do mianoo naikon lubat sambuno lapa yaku; tuuk mobukayo Kona sapatu yaku aki namoola.’
26Utus-utus katulunan Abraham, tukon sasaibino Utus-utus komo bailonggon dimbaa mo taat doi Mian Bisa! Mian Bisa lapamo kapatuwo doi kita kobilita kasalamatanoo; 27sabab komian mo dungol doi Yerusalem tukon yanila pamarenta-pamarenta aki napo toiyo baikon yanamo do pasalamatoo. Yanila aki namangalatikene konabi-nabi naotunggul mo binasakon samba-samba kooloyo Tadean, tobikon yanila ukume Yesus. Bai tukon lakukanggene mo buno doiya mangaanikene baikon oila komo tinantukon doi nabi-nabidoo tealimo. 28#Mat. 27:22-23; Mrk. 15:13-14; Luk. 23:21-23; Yoh. 19:15 Mau kai yanila aki namoola pososuunggene komeeng kokasalaan doi Yana mo moola inukum tukon ukuman mate, bai yanila kabiyo doi Pilatus sulano Yana inakate. 29#Mat. 27:57-61; Mrk. 15:42-47; Luk. 23:50-56; Yoh. 19:38-42Tukon sambuno yanila okoobusemo kubaiyo sasaibino komo lapamo totulis doi Kitab Moliyous lalomo tentang Yana, yanila obulusene kobajano doi kayung sempang, maka inabos doi kibul lalomo. 30Bai Mian Bisa otuboiyo koidan doi namatean. 31#Kis. R. 1:3 Doibundu moimoiya kooloyo kona kalumbit Yana lubat okitakene kobutongo doi mian mo lapamo lubat tukon Yana doi Galilea ampakon doi Yerusalem. Yanila doiyamo komo budodoo teali sakisii-sakisii motuuk doi yana doi Israel miano. 32Jadi, budodoiya nia kami pelenggene kobilitadoo monondok doikoo: Oila komo Mian Bisa lapamo perjanjikene doi tumbunggita, 33#Sad. 2:7 doiya Yana lapamo kubaiyo doi kita tukon naotuboiyo Yesus koidan doi namatean. Sabab doi Mazmur koluano lalomo daano mototulis,
‘Ikoo Daku Pau,
doi oloyo nia Yaku lapamo teali Tamamu.’
34 #
Yes. 55:3
Mian Bisa lapamo otuboiyo koidan Yana doi namatean. Budodoiya Yana akimo naikon koidan natoupiyo komatean doi kibul lalomo. Tentang doiya langgedoo Mian Bisa bantile,
‘Yaku naikon mebeekon doi komuyu teteba moliyous mo pasti naikon tinopati,
mo lapamo kudandikene doi Daud.’
35 #
Sad. 16:10
Bunomo lakon koidan doi ayat lalomo bailon nabinantilan,
‘Ikoo aki naikon mubatadikene Komu ata mo satiadoo nabooan doi kibul lalomo.’
36Daud lapamo mate tukon kinibulo koidan posinggat-singgat tukon kotumbuno, sambuno lapa yana lakukanggene oila komo Mian Bisa nasinumboliikon yana kubaiyo. Daud bajano lapamo manas kabus sasaibino. 37Bai Yesus komo Mian Bisa otuboiyo koidan doi matean, Yesusoo aki namanas kabus. 38-39Tobikon doiya Utus-utus, siokai komuyu potoiyo baikon luwe Yesus nia bilita tentang potolos lalim pinailukon doikoo; komuyu sio potoiyo baikon samba komian mo mangangga doi Yana, inosodii doi sasaibino kolalim mo aki namoola inapusanggon luwedoi Mian Bisa naparenta-parenta Musa mo pelenggene. 40Doiyamo kosababpo komuyu sio popalatikanggene mono-monondok, inai napolong teali doi komuyu oila komo nabi-nabi nabinantil nia,
41 #
Hab. 1:5
‘Popalatikanggene mono-monondok, eh komuyu komian mo yase batotulai!
Komuyu naikon masaindinggene, maka mate!
Sabab doi lounu nia Yaku daano mokubaiyo komeeng kolangge,
komo komuyu susuumuyu aki naikon poanggayo,
mau kai nadaano komian mojelaskanggene doi komuyu.’ ”
42Salataa Paulus tukon Barnabas otinggale do bonua kaledadoo, komian modaano doi bonua kaledaanoo, kabiyo yanila naabali koidan doi oloyo Tadean doi salaandoo, sulano najelaskanggene nalobian banggadudul tentang do langge-langgedoo. 43Sambuno lapa komianoo luwedoi bonua kaledaanoo, Paulus tukon Barnabas linoolaing doi badaang komian Yahudi tukon bangsa bailon mo lapamo usok agama Yahudi. Maka do rasul-rasuloo otinauwo yanila sulano yanila nabanggadudul basosinggalanggon doi Mian Bisa nakuasa.
44Doi oloyo Tadean salaandoo, adukon sasaibino komian doi kotadoo lubat momondongolii Temeneno nabantilan. 45Salataa dopai Yahudi miano kitayo dopai mianoo mobadaang, yanila masakit konoano tuuno. Yanila totulaiyo Paulus tukon yanila bantayo sasaibino kona binantil. 46Bai tukon lobian barani koidan Paulus tukon Barnabas basilingan banggadudul talang-talaangan. Yanila bantile, “Ko Mian Bisa nabantilan takainomo sio napinolonggon doi komuyu loolukon. Bai tobikon komuyu mo aki poyase talimayo, komuyu lapamo tantukene susuumuyu baikon komuyu aki namoola mantalima tuboan mobisa tukon posidutukon. Tukon budodoiya kami otinggale komuyu tukon ampakon doi bangsa bailon. 47#Yes. 42:6, 49:6 Sabab naiyamo ko Temeneno naparenta doi kami; Temeneno bantile,
‘Yaku lapamo tantukene komuyu moteali meeng komadialan doi bangsa bailon mo bolikon Yahudi,
sulano komuyu polubatene kokasalamatan doi posaapon kodunia.’ ”
48Doi singgatoo kobangsa bailon mo bolikon Yahudi molengele doiya, yanila sanaang tuuno, maka nggaa-nggaale ko Temeneno nabantilan. Tukon domianoo mo lapamo Mian Bisa tantukene sulano namalaat tuboan mobisa tukon posidutukon, do mianoo anggayo.
49Ko Temeneno nabantilan tololongolo doi yayaa doi posaapon doi lipudoo. 50Bai kosambu-sambu doi kotadoo tukon boi-boine moluwe golongan mian motatandak matakutene ko Mian Bisa, Yahudi miano gololiiyo. Yanila osumbete kopomusuan doi Paulus tukon Barnabas, tukon siikayo yanila luaila luwedoi lipudoo. 51#Mat. 10:14; Mrk. 6:11; Luk. 9:5, 10:11 Maka do rasul-rasuloo otipasene koambata doi ainoila doi mianoo salaano doiya buno meeng kotondoon, maka ampakon doi Ikonium. 52Pololaing-pololaing doi Antiokhia laba tuuno tukon kinuasaimo Mian Bisa Na Roh.
Currently Selected:
RASUL-RASUL SALITANO 13: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
RASUL-RASUL SALITANO 13
13
Barnabas tukon Saulus pinili tukon sinumbolii
1Doi jemaat Antiokhia lalomo daano konabi-nabi tukon guru-guru, doiyamo Barnabas, Simeon mo tinotumaikon Mopook, Lukius luwedoi Kirene, Menahem napiniala posinggat-singgat Herodes, tukon Saulus. 2Salataa yanila daano mobakaleda doi Temeneno tukon bapuasa, Mian Bisa Na Roh bantil doi yanila, “Popiliyomo Barnabas tukon Saulus motuuk doi Yaku, sulano yanila nalimange kolimang mo lapamo Yaku tantukene motuuk doi yanila.”
3Sambuno yanila bapuasa tukon sambeang yanila abese kopai limano doi Barnabas tukon Saulus maka yanila sumboliiyo yanila luaila.
Doi Siprus
4Tobikon inosumbolii Mian Bisa Na Roh, Barnabas tukon Saulus lengget taus doi Seleukia. Doi Seleukia yanila talabut doi togong Siprus. 5Salataa polong doi Salamis, yanila babotilanggene ko Mian Bisa nabantilan doi Yahudi miano nabonua kaleda. Yohanes Markus tomboniiyo yanila doi yanila naampakonan lalomo.
6Posaapon do togongoo yanila ompokoniiyo polong doi Pafos. Indaa yanila pososuung tukon komeeng ko Yahudi miano, kosambuno Bal Yesus. Yana meeng komian modaano kona motoiyan mo akuiyo kobutongo nabi. 7Sergius Paulus, gubernur doi togongoo yana posobat tukon Bal Yesus. Gubernuroo daano meeng komian mo pandoi tukon bijaksana. Yana uange Barnabas tukon Saulus sabab yana yase mondongolii Mian Bisa nabantilan. 8Bai Barnabas tukon Saulus Elimas tumbak-tumbak do pandoidoo motoiyan, sabab Elimas (doiyamo kosambuno doi silingan Yunani lalomo) kakaate sulano do gubernuroo inai napolong mangangga doi Yesus. 9Bai Saulus – mo binantil koidan Paulus – kinuasaimo Mian Bisa Na Roh, tobikon yana mbalenge do mopandoidoo motoiyan, 10maka bantile, “Eh bakokolii tuuno, pau molokis! Ikoo musu doi sasaibino komo monondok. Bulaando ikoo moaki muyase tade molusayo ko Mian Bisa natetel sulano nasalamatene kobanggapi? 11Budodoiya kitayo, Temeneno ukume ikoo! Ikoo naikon teali piit, polong ikoo aki mumoola mokita oloyo panano koidan doi soisik kotempo.”
Doiya kosinggatoo koidan Elimas lasaiyo daano kobunom mo mopook motombukiyo komatano, tobikon yana ampakon nggaa-nggaam moumbolii mian motanda-tandane yana. 12Salataa do gubernuroo kitayo oila komo lapamo teali, yana manganggamo doi Yesus; sabab yana masainding tuuno naikon kootunggul tentang Temeneno.
Doi Antiokhia, Pisidia
13Doi Pafos, Paulus tukon tula-tulano talabut doi Perga doi Pamfilia. Idoo Yohanes Markus otinggale yanila, maka abali doi Yerusalem. 14Doi Perga, yanila banggadudulkene kona poampakonan doi Antiokhia Pisidia, doibundu doi oloyo Tadean yanila ampakon osulang doi bonua kaledaan lalomo. 15Sambuno Musa na Buku tukon Nabi-nabi na Buku binasakono, katua-katua jemaat sumboliiyomo komian momansadai doi Paulus tukon tula-tulano, “Utus-utus, kalu Utus daano komu otunggul motuuk doi mian nia, yo pelenggenemo domu otunggul.” 16Paulus kokondong, maka tidekene kolimano mebee paloosan, doibundu bantile,
“Utus-utusonggu bangsa Israel tukon utus-utus mo bailonggon naimbaa mo taat doi Mian Bisa! Soba polengele yaku: 17#Tob. 1:7, 12:51 Mian Bisa bangsa Israel lapamo piliyo kotumbunggita, tukon tealikene naiya bangsa nia bangsa mo babasal salataa yanila dungol doi Mesir buno mian molulubaton. Doibundu tukon kuasa mo babasal Mian Bisa babayo yanila tobuat doi Mesir. 18#Bang. 14:34; Kua. 1:31 Yana tanaang telhadap yanila nakokubai doi padang lalomo sangkap kolono kotaun kona kalumbit. 19#Kua. 7:1; Yos. 14:1 Pitu kobangsa yana momanase doi lipu Kanaan sulano naobos-obosikene do lipudoo doi bangsa Israel nateali yanila nalipu. 20#Tan. 2:16; 1Sam. 3:20 Sasaibino doiya banggadudul sangkap kosakato lima kolono kotaun.
Sambuno lapa kobangobosan do lipudoo Kanaan, Mian Bisa beekene doi yanila kohakim-hakim. Hakim doibundu doiyamo Nabi Samuel. 21#1Sam. 8:5, 10:21 Doibundu yanila mangkabi meeng kotomundo. Mian Bisa beekene doi yanila Saul Kis napau luwedoi suku Benyamin sulano nateali yanila natomundo sangkap kolono kotaun kona kalumbit. 22#1Sam. 13:14, 16:12; Sad. 89:20 Sambuno Mian Bisa beletiyo yana doi nabatomundoan, Mian Bisa bingkate koidan Daud teali yanila natomundo. Tukon naiyamo ko Mian Bisa nabinantil tentang Daud, ‘Yaku lapamo laate Daud Isai napaudoo mo sanaanggene Konoanggu. Yana meeng komian mo lakukanggene Daku mongiasan.’ 23Luwedoi Daud doiyamo ko Mian Bisa namasadiakanano kobangsa Israel meeng ko Tomundo Pasalamat, pokakana mo lapamo perjanjikene. Tukon Yesus yanamo ko Tomundo Pasalamatoo. 24#Mrk. 1:4; Luk. 3:3 Akiyoon Yesus natambuune kona limang, Yohanes lapamo babotilanggene doi Israel miano sulano yanila nabadodoloon luwedoi yanila nalalim-lalim tukon sinau. 25#Mat. 3:11; Mrk. 1:7; Luk. 3:16; Yoh. 1:20, 27 Tukon adukono pupus kona limang, Yohanes bantile doi mian, ‘Indee kai miano yaku nia menurut komuyu popalaat? Yaku bolikon domianoo komuyu mototooliyo. Poneneeke, do mianoo naikon lubat sambuno lapa yaku; tuuk mobukayo Kona sapatu yaku aki namoola.’
26Utus-utus katulunan Abraham, tukon sasaibino Utus-utus komo bailonggon dimbaa mo taat doi Mian Bisa! Mian Bisa lapamo kapatuwo doi kita kobilita kasalamatanoo; 27sabab komian mo dungol doi Yerusalem tukon yanila pamarenta-pamarenta aki napo toiyo baikon yanamo do pasalamatoo. Yanila aki namangalatikene konabi-nabi naotunggul mo binasakon samba-samba kooloyo Tadean, tobikon yanila ukume Yesus. Bai tukon lakukanggene mo buno doiya mangaanikene baikon oila komo tinantukon doi nabi-nabidoo tealimo. 28#Mat. 27:22-23; Mrk. 15:13-14; Luk. 23:21-23; Yoh. 19:15 Mau kai yanila aki namoola pososuunggene komeeng kokasalaan doi Yana mo moola inukum tukon ukuman mate, bai yanila kabiyo doi Pilatus sulano Yana inakate. 29#Mat. 27:57-61; Mrk. 15:42-47; Luk. 23:50-56; Yoh. 19:38-42Tukon sambuno yanila okoobusemo kubaiyo sasaibino komo lapamo totulis doi Kitab Moliyous lalomo tentang Yana, yanila obulusene kobajano doi kayung sempang, maka inabos doi kibul lalomo. 30Bai Mian Bisa otuboiyo koidan doi namatean. 31#Kis. R. 1:3 Doibundu moimoiya kooloyo kona kalumbit Yana lubat okitakene kobutongo doi mian mo lapamo lubat tukon Yana doi Galilea ampakon doi Yerusalem. Yanila doiyamo komo budodoo teali sakisii-sakisii motuuk doi yana doi Israel miano. 32Jadi, budodoiya nia kami pelenggene kobilitadoo monondok doikoo: Oila komo Mian Bisa lapamo perjanjikene doi tumbunggita, 33#Sad. 2:7 doiya Yana lapamo kubaiyo doi kita tukon naotuboiyo Yesus koidan doi namatean. Sabab doi Mazmur koluano lalomo daano mototulis,
‘Ikoo Daku Pau,
doi oloyo nia Yaku lapamo teali Tamamu.’
34 #
Yes. 55:3
Mian Bisa lapamo otuboiyo koidan Yana doi namatean. Budodoiya Yana akimo naikon koidan natoupiyo komatean doi kibul lalomo. Tentang doiya langgedoo Mian Bisa bantile,
‘Yaku naikon mebeekon doi komuyu teteba moliyous mo pasti naikon tinopati,
mo lapamo kudandikene doi Daud.’
35 #
Sad. 16:10
Bunomo lakon koidan doi ayat lalomo bailon nabinantilan,
‘Ikoo aki naikon mubatadikene Komu ata mo satiadoo nabooan doi kibul lalomo.’
36Daud lapamo mate tukon kinibulo koidan posinggat-singgat tukon kotumbuno, sambuno lapa yana lakukanggene oila komo Mian Bisa nasinumboliikon yana kubaiyo. Daud bajano lapamo manas kabus sasaibino. 37Bai Yesus komo Mian Bisa otuboiyo koidan doi matean, Yesusoo aki namanas kabus. 38-39Tobikon doiya Utus-utus, siokai komuyu potoiyo baikon luwe Yesus nia bilita tentang potolos lalim pinailukon doikoo; komuyu sio potoiyo baikon samba komian mo mangangga doi Yana, inosodii doi sasaibino kolalim mo aki namoola inapusanggon luwedoi Mian Bisa naparenta-parenta Musa mo pelenggene. 40Doiyamo kosababpo komuyu sio popalatikanggene mono-monondok, inai napolong teali doi komuyu oila komo nabi-nabi nabinantil nia,
41 #
Hab. 1:5
‘Popalatikanggene mono-monondok, eh komuyu komian mo yase batotulai!
Komuyu naikon masaindinggene, maka mate!
Sabab doi lounu nia Yaku daano mokubaiyo komeeng kolangge,
komo komuyu susuumuyu aki naikon poanggayo,
mau kai nadaano komian mojelaskanggene doi komuyu.’ ”
42Salataa Paulus tukon Barnabas otinggale do bonua kaledadoo, komian modaano doi bonua kaledaanoo, kabiyo yanila naabali koidan doi oloyo Tadean doi salaandoo, sulano najelaskanggene nalobian banggadudul tentang do langge-langgedoo. 43Sambuno lapa komianoo luwedoi bonua kaledaanoo, Paulus tukon Barnabas linoolaing doi badaang komian Yahudi tukon bangsa bailon mo lapamo usok agama Yahudi. Maka do rasul-rasuloo otinauwo yanila sulano yanila nabanggadudul basosinggalanggon doi Mian Bisa nakuasa.
44Doi oloyo Tadean salaandoo, adukon sasaibino komian doi kotadoo lubat momondongolii Temeneno nabantilan. 45Salataa dopai Yahudi miano kitayo dopai mianoo mobadaang, yanila masakit konoano tuuno. Yanila totulaiyo Paulus tukon yanila bantayo sasaibino kona binantil. 46Bai tukon lobian barani koidan Paulus tukon Barnabas basilingan banggadudul talang-talaangan. Yanila bantile, “Ko Mian Bisa nabantilan takainomo sio napinolonggon doi komuyu loolukon. Bai tobikon komuyu mo aki poyase talimayo, komuyu lapamo tantukene susuumuyu baikon komuyu aki namoola mantalima tuboan mobisa tukon posidutukon. Tukon budodoiya kami otinggale komuyu tukon ampakon doi bangsa bailon. 47#Yes. 42:6, 49:6 Sabab naiyamo ko Temeneno naparenta doi kami; Temeneno bantile,
‘Yaku lapamo tantukene komuyu moteali meeng komadialan doi bangsa bailon mo bolikon Yahudi,
sulano komuyu polubatene kokasalamatan doi posaapon kodunia.’ ”
48Doi singgatoo kobangsa bailon mo bolikon Yahudi molengele doiya, yanila sanaang tuuno, maka nggaa-nggaale ko Temeneno nabantilan. Tukon domianoo mo lapamo Mian Bisa tantukene sulano namalaat tuboan mobisa tukon posidutukon, do mianoo anggayo.
49Ko Temeneno nabantilan tololongolo doi yayaa doi posaapon doi lipudoo. 50Bai kosambu-sambu doi kotadoo tukon boi-boine moluwe golongan mian motatandak matakutene ko Mian Bisa, Yahudi miano gololiiyo. Yanila osumbete kopomusuan doi Paulus tukon Barnabas, tukon siikayo yanila luaila luwedoi lipudoo. 51#Mat. 10:14; Mrk. 6:11; Luk. 9:5, 10:11 Maka do rasul-rasuloo otipasene koambata doi ainoila doi mianoo salaano doiya buno meeng kotondoon, maka ampakon doi Ikonium. 52Pololaing-pololaing doi Antiokhia laba tuuno tukon kinuasaimo Mian Bisa Na Roh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in