RASUL-RASUL SALITANO 12
12
Kosakisawan tubo-tuboimo
1Doi lounudoo koidan Tomundo Herodes atambuunemo kona dodokanano koanggota-anggota jemaat. 2Luwe naparenta, Yakobus, Yohanes utuso inakate tukon bakoko. 3Salataa Herodes kitayo baikon dona kokubaidoo sanaanggene ko Yahudi miano noano, yana mongkubai koidan mo buno doiya; yana sumboliiyo komian molakoyo Petrus koidan. Doiya langgedoo teali doi tempo Lamekanano ko Roti Moakiyo ko Ragino. 4#Tob. 12:1-27 Sambuno linako, Petrus inusokon doi talunggu lalomo. Sangkap kotambuno kosuludadu mobinotokon sulano natotooliyo Petrus idoo – suwe-suwele kotambuno sangkap komian koanggota suludadu. Sambuno kolamean Paskah pupus, maka Herodes naikon palesayo Petrus doi mian badaang salaano. 5Jadi Petrus tinaan doi talunggu; bai koanggota-anggota jemaat banggadudul momeeng mosambeang tukon bisa-bisa doi Temeneno motuuk doi Petrus.
Petrus sinodii doi talunggu
6Doi popook akiyoon Herodes naikon nasasalaanikene Petrus doi mian badaang, Petrus moolo kinoot tukon lua kopokoot doi antara lua kosuludadu padagai. Doi talunggu tataapono, padagai-padagai bailon koidan daano modagaiyo kotalunggu. 7Sosinggot Temeneno namalaekat kokondong idoo tukon daano komeeng nggilep motalaang doi talunggudoo kombiango lalomo. Malaekatoo ungge-unggete Petrus polong yana bangun. Maka do malaekatoo bantile, “Eh, mosobit bangun!” Singgatoo koidan otuwongo dolante besidoo modoi Petrus limano. 8Lapamo doiya malaekatoo bantile, “Pakeyo komu pakean tukon keetemo komu sapatu aloso.” Maka Petrus pakeyomo kona pakean tukon keetemo kona sapatu aloso. Doibundu malaekatoo bantile koidan, “Pakeyo komu jubah tukon laingemo yaku.” 9Maka Petrus lainge do malaekatoo tobuat luwedoi talunggudoo lalomo. Bai Petrus aki natoiyo baikon oila komo sodo kinubai luwe do malaekatoo doiya daano kai meeng kolangge mo bisa-bisa teali. Petrus aanggene doiya tolongo meeng kopokita. 10Salataa yanila lupaiyo kotataapon badagaian komeengo tukon koluano, yanila polong doi tataapon besi, mo loloiyo kokota. Tataaponoo tobuka susuungo, maka yanila tobuat tukon ambakono loloiyo kololoon meeng pangano. Sosinggot do malaekatoo tinggalemo Petrus.
11Lapamo doiya maka sodo Petrus toiyo oilamo komo teali doi yana, maka yana bantile, “Budodoiya yaku toiyomo baikon ko Temeneno bisa-bisa molapamo kapatuwe kona malaekat sulano naosodiiyo yaku doi Herodes nakuasa tukon luwe sasaibino kolangge komo naikon bangsa Yahudi mo kubaiyo doi yaku.”
12Sambuno lapa yana toiyo doiya ndondoongoo, Petrus ampakono doi Maria nabonua, Yohanes tinano mo sinombuikon koidan Markus. Idoo badaang komian mopototongi tukon daano mosambeang. 13Petrus tokiyo kotataapon doi tonggulung, maka komeeng kopeleleani boine kosambuno Rode, lubat sulano nabukayo kotataapon. 14Banggadudul tingoniiyo Petrus alalo. Tobikon nalabaan, yana moso-mosobit usok koidan akimo nabukayo kotataapon, maka pailukene komian idoo baikon Petrus daano doi tonggulung. 15“Ikoo tindo!” yanila bantile. Bai Rode kokotikas baikon doiya bisa-bisa Petrus. Maka yanila bantile, “Doiya malaekato!”
16Daano mobuno doiya Petrus banggadudul momeeng tokiyo kotataapon. Maka salataa yanila bukayo kotataapon, tukon kitayo Petrus, yanila masainding tuuno. 17Petrus mebee isarat tukon limano sulano yanila natanaang, doibundu yana basalitakene bulaando ko Temeneno molapamo babayo yana tobuat luwedoi talunggu lalomo. Maka yana bantile, “Popailukene naiya doi Yakobus tukon utus-utus bailon koidan.” Lapamo doiya Petrus otinggalemo do tampatoo tukon ampakon doi tampat bailon.
18Modoakon dowa-dowa tealimo kokakacauwan doi antara suludadu-suludadu pototoolino. Yanila pusing tuuno oila komo teali manganai doi Petrus. 19Maka Herodes mosumbolii mian moumboliiyo Petrus, bai yanila aki namoola pososuunggene yana. Jadi Herodes maparentakene sulano suludadu-suludadu pototoolinodoo nasinadai maka nainakate.
Sambuno lapa doiya Herodes ampakon doi Yudea tukon dungol moimoiya kolumbito doi Kaisarea.
Herodes namatean
20Herodes nggimoliiyo tuuno komian doi Tirus tukon Sidon. Tobikon doiya yanila posinggat-singgat lubat momangadap doi yana. Tumbe-tumbeno yanila mangala noa doi Blastus, mo kapalaiyo Herodes nabatomundoan, sulano yana naala doi yanila. Doibundu yanila ampakono mangadap doi Herodes, maka kabiyo podame, sabab konapoo lipu tolongo moinikene kokinaan doi Herodes nalipu.
21Daano kooloyo meeng mo lapamo tinantukon, Herodes pakeyo kona pakean batomundoan maka osulang doi kulusii tukon tambuuno bapidato doi narayat salaano. 22Rayat mo daanon mo mondongoliidoo nggele-nggeleamon, “Naiya pilogot alalo, bolikon banggapi alalo!” 23Doiya kosinggatoo koidan Temeneno namalaekat tapiyo Herodes, sabab yana aki naanggayo ko Mian Bisa. Herodes kinaan ngganggalang maka mate.
24Jadi ko Mian Bisa nabantilan momeeng pololokon tololongol tukon pololokono bukuan.
25Sambuno lapa Barnabas tukon Saulus alapayo konapoo limang, yanila abalimo doi Yerusalem tukon babayo Yohanes Markus polaing-laing yanila.
Currently Selected:
RASUL-RASUL SALITANO 12: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
RASUL-RASUL SALITANO 12
12
Kosakisawan tubo-tuboimo
1Doi lounudoo koidan Tomundo Herodes atambuunemo kona dodokanano koanggota-anggota jemaat. 2Luwe naparenta, Yakobus, Yohanes utuso inakate tukon bakoko. 3Salataa Herodes kitayo baikon dona kokubaidoo sanaanggene ko Yahudi miano noano, yana mongkubai koidan mo buno doiya; yana sumboliiyo komian molakoyo Petrus koidan. Doiya langgedoo teali doi tempo Lamekanano ko Roti Moakiyo ko Ragino. 4#Tob. 12:1-27 Sambuno linako, Petrus inusokon doi talunggu lalomo. Sangkap kotambuno kosuludadu mobinotokon sulano natotooliyo Petrus idoo – suwe-suwele kotambuno sangkap komian koanggota suludadu. Sambuno kolamean Paskah pupus, maka Herodes naikon palesayo Petrus doi mian badaang salaano. 5Jadi Petrus tinaan doi talunggu; bai koanggota-anggota jemaat banggadudul momeeng mosambeang tukon bisa-bisa doi Temeneno motuuk doi Petrus.
Petrus sinodii doi talunggu
6Doi popook akiyoon Herodes naikon nasasalaanikene Petrus doi mian badaang, Petrus moolo kinoot tukon lua kopokoot doi antara lua kosuludadu padagai. Doi talunggu tataapono, padagai-padagai bailon koidan daano modagaiyo kotalunggu. 7Sosinggot Temeneno namalaekat kokondong idoo tukon daano komeeng nggilep motalaang doi talunggudoo kombiango lalomo. Malaekatoo ungge-unggete Petrus polong yana bangun. Maka do malaekatoo bantile, “Eh, mosobit bangun!” Singgatoo koidan otuwongo dolante besidoo modoi Petrus limano. 8Lapamo doiya malaekatoo bantile, “Pakeyo komu pakean tukon keetemo komu sapatu aloso.” Maka Petrus pakeyomo kona pakean tukon keetemo kona sapatu aloso. Doibundu malaekatoo bantile koidan, “Pakeyo komu jubah tukon laingemo yaku.” 9Maka Petrus lainge do malaekatoo tobuat luwedoi talunggudoo lalomo. Bai Petrus aki natoiyo baikon oila komo sodo kinubai luwe do malaekatoo doiya daano kai meeng kolangge mo bisa-bisa teali. Petrus aanggene doiya tolongo meeng kopokita. 10Salataa yanila lupaiyo kotataapon badagaian komeengo tukon koluano, yanila polong doi tataapon besi, mo loloiyo kokota. Tataaponoo tobuka susuungo, maka yanila tobuat tukon ambakono loloiyo kololoon meeng pangano. Sosinggot do malaekatoo tinggalemo Petrus.
11Lapamo doiya maka sodo Petrus toiyo oilamo komo teali doi yana, maka yana bantile, “Budodoiya yaku toiyomo baikon ko Temeneno bisa-bisa molapamo kapatuwe kona malaekat sulano naosodiiyo yaku doi Herodes nakuasa tukon luwe sasaibino kolangge komo naikon bangsa Yahudi mo kubaiyo doi yaku.”
12Sambuno lapa yana toiyo doiya ndondoongoo, Petrus ampakono doi Maria nabonua, Yohanes tinano mo sinombuikon koidan Markus. Idoo badaang komian mopototongi tukon daano mosambeang. 13Petrus tokiyo kotataapon doi tonggulung, maka komeeng kopeleleani boine kosambuno Rode, lubat sulano nabukayo kotataapon. 14Banggadudul tingoniiyo Petrus alalo. Tobikon nalabaan, yana moso-mosobit usok koidan akimo nabukayo kotataapon, maka pailukene komian idoo baikon Petrus daano doi tonggulung. 15“Ikoo tindo!” yanila bantile. Bai Rode kokotikas baikon doiya bisa-bisa Petrus. Maka yanila bantile, “Doiya malaekato!”
16Daano mobuno doiya Petrus banggadudul momeeng tokiyo kotataapon. Maka salataa yanila bukayo kotataapon, tukon kitayo Petrus, yanila masainding tuuno. 17Petrus mebee isarat tukon limano sulano yanila natanaang, doibundu yana basalitakene bulaando ko Temeneno molapamo babayo yana tobuat luwedoi talunggu lalomo. Maka yana bantile, “Popailukene naiya doi Yakobus tukon utus-utus bailon koidan.” Lapamo doiya Petrus otinggalemo do tampatoo tukon ampakon doi tampat bailon.
18Modoakon dowa-dowa tealimo kokakacauwan doi antara suludadu-suludadu pototoolino. Yanila pusing tuuno oila komo teali manganai doi Petrus. 19Maka Herodes mosumbolii mian moumboliiyo Petrus, bai yanila aki namoola pososuunggene yana. Jadi Herodes maparentakene sulano suludadu-suludadu pototoolinodoo nasinadai maka nainakate.
Sambuno lapa doiya Herodes ampakon doi Yudea tukon dungol moimoiya kolumbito doi Kaisarea.
Herodes namatean
20Herodes nggimoliiyo tuuno komian doi Tirus tukon Sidon. Tobikon doiya yanila posinggat-singgat lubat momangadap doi yana. Tumbe-tumbeno yanila mangala noa doi Blastus, mo kapalaiyo Herodes nabatomundoan, sulano yana naala doi yanila. Doibundu yanila ampakono mangadap doi Herodes, maka kabiyo podame, sabab konapoo lipu tolongo moinikene kokinaan doi Herodes nalipu.
21Daano kooloyo meeng mo lapamo tinantukon, Herodes pakeyo kona pakean batomundoan maka osulang doi kulusii tukon tambuuno bapidato doi narayat salaano. 22Rayat mo daanon mo mondongoliidoo nggele-nggeleamon, “Naiya pilogot alalo, bolikon banggapi alalo!” 23Doiya kosinggatoo koidan Temeneno namalaekat tapiyo Herodes, sabab yana aki naanggayo ko Mian Bisa. Herodes kinaan ngganggalang maka mate.
24Jadi ko Mian Bisa nabantilan momeeng pololokon tololongol tukon pololokono bukuan.
25Sambuno lapa Barnabas tukon Saulus alapayo konapoo limang, yanila abalimo doi Yerusalem tukon babayo Yohanes Markus polaing-laing yanila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in