Surona Pueꞌ Iesu 1

Molámbiꞌ Teopilu

i kaꞌaraꞌámu

1Teopilu to kubiláꞌ:#1:1 Teopilu to kubiláꞌ: Hangaꞌ Teopilu i lalu básá Iunani molempónga “tauna to napokaꞌahiꞌ Pueꞌ Ala” ba “tauna to mampokaꞌahiꞌ Pueꞌ Ala”. Lukasi moukiꞌ woꞌo surana to rungu-runguna i “Teopilu to kubiláꞌ” (básá Lukasi 1:3). i lalu surangkuꞌ to rungu-runguna, kuꞌukiꞌ miꞌi upu-upu to nabábehi Iesu hai upu-upu paturoꞌNa, mantepuꞌu hangko i rungu-runguna mobágóꞌ, 2duuꞌna haweꞌ i alo pengkaoreꞌáNa lao i surugáꞌ. Hangko tiꞌara mani mengkaoreꞌ lao i surugáꞌ, Naweꞌimoheꞌ hawaꞌ moliu kuasaꞌNa Inao to Magasaꞌ i suroNa to Napileꞌi miꞌi.#1:2 Básá Lukasi 24:44-53. 3I lalu iba puloꞌna alona, handaꞌ kánina Iesu mopatongawaꞌ wátáNa i suroNaheꞌ, bona tongawaꞌ katueꞌNa huleꞌ hangko i oloꞌraꞌ tomate. I tempó onoꞌ, Ia ara hingkakani hai suroNa iti, hai Napolaluitaꞌáheꞌ kana i popárentána Pueꞌ Ala. 4I tempóNa hirámpu hingkakani hai suroNa iti, Naweꞌiheꞌ woꞌo hawaꞌ deꞌe, Nauliꞌ, “Ineeꞌkou sieruꞌ pohuꞌ hangko i Ierusale, agáiáná nipegiá peá duuꞌna UmáNgkuꞌ mampoweꞌikou Inao to Magasaꞌ to Nadándiákou hai Kupohaweꞌámokou.#1:4 To nadándi Pueꞌ Ala, ina mohuoꞌ Inao to Magasaꞌ lao mamporángáheꞌ. Básá wátiꞌna ka-5. Básá woꞌo Iohane 14:15-17,26; 15:26; 16:7-8,13-15. 5Iohane meriu hai uwai {tandaꞌ kamenosoꞌraꞌ miꞌi tauna iti}, agáiáná bahangapa mani alona, kómu ina rariukou hai Inao to Magasaꞌ#1:5 ina rariukou hai Inao to Magasaꞌ: Iti miꞌi pándiriꞌ to molempónga Pueꞌ Ala ina mampoweꞌi Inao to Magasaꞌ i taunáNa bona mokuasaꞌiheꞌ, mopamagasaꞌheꞌ, moteteꞌheꞌ, hai mopakaróhó pepoináláiraꞌ. Básá to teukiꞌ i Kahirámpuá Laluita i taleuꞌ. {to toꞌu-toꞌu ina mobáliki ntepuꞌu lalumi}.”

Iesu mengkaoreꞌ lao i surugáꞌ

6I tempóna suroNa iti hingkakani hai Iesu {i buluꞌ Saitu},#1:6 i buluꞌ Saitu: Básá wátiꞌna ka-12. mekuneꞌheꞌ, rauliꞌ, “Pueꞌ, ba i tempó deꞌe ina mewaliꞌKoꞌ Datu hai moaró huleꞌ popárentána toSáráeliꞌ {nodo Datu Daudiꞌ hangkoia},#1:6 ToIahudiꞌ mampoinálái Pueꞌ Ala ina mohuoꞌ Datu Topehómpóꞌ lao i hira, agáiáná rapekiri Ia ina mokábáháheꞌ hangko i kuasaꞌraꞌ toRoma ewáliraꞌ, hai ina mewaliꞌ datu to makuasaꞌ ntepuꞌu i duniáꞌ nodo Datu Daudiꞌ hangkoia. (Básá Sura Petóiá 89:26-29; Iesaia 9:6-7.) ba tiꞌara mani?”

7Nahániki Iesu, “UmáNgkuꞌ peá to mopakanótó impirá pewaliꞌána upu-upu tunggáiáNa to Nabábehi hai kuasaꞌNa. Tiꞌara paraluu niꞌisá kómu. 8Agáiáná ina nilámbiꞌ kuasaꞌ ane mendáulu mai Inao to Magasaꞌ i kómu. Hai kómu, ina mewaliꞌkou sabiꞌKuꞌ i Ierusale, i humalele tampoꞌ Iudá hai Samaria, haweꞌ-haweꞌ i humalele duniáꞌ.” 9Karoona Iesu molaluita noꞌonoꞌ, mengkaoreꞌ miꞌi lao i surugáꞌ. Mengoaꞌmoheꞌ suroNa mampeita duuꞌna tiꞌara piꞌi raita láwiꞌ naháláꞌ miꞌi gawu.#1:9 gawu: Gawu mopándiriꞌ kaꞌárána hai peawaꞌna Pueꞌ Ala. Rápáꞌna, básá Pesuwuꞌá 40:34; 1 Datu-datu 8:10-11; Marakusi 13:26; 14:62; hai Lukasi 9:34-36.

10Tangaꞌraꞌ mani mengoaꞌ i langiꞌ motótói pengkaoreꞌNa, hangkaꞌ-hangkaꞌ perái raita rodua tobaleilo to mewaruꞌ to bulá#1:10 rodua tobaleilo to mewaruꞌ to bulá: Tobaleilo iti malaꞌeka, hibali hai i Iohane 20:12. meángkáꞌ i oloꞌraꞌ. 11Rauliꞌ tauna to rodua iti, “Ee, toGalilea! Moapa riꞌi haneꞌi mengoaꞌkou oaꞌ i langiꞌ? Iesu to niꞌita deꞌe, mengkaoreꞌ miꞌi lao i surugáꞌ,#1:11 Iesu mengkaoreꞌ lao i surugáꞌ iba puloꞌna alona hangko i katueꞌNa huleꞌ, hai hampuloꞌ alona hangko tiꞌara mani Alo Pentakosta (Alo Pendáuluána Inao to Magasaꞌ). hai ina haweꞌ huleꞌ i duniáꞌ hangko i surugáꞌ nodo to niꞌita ininá.”

Mátiá rapileꞌi mopaháwángi Iudasiꞌ

12I kapohuꞌraꞌ malaꞌeka iti, mesuleꞌmoheꞌ topeguruNa hangko i Buluꞌ Saitu lao i kótá Ierusale. Buluꞌ Saitu iti hakiló kakaraoꞌna#1:12 hakiló kakaraoꞌna: I lalu básá Iunani: kakaraoꞌna hibali hai toIahudiꞌ peisá molumao i alo penómbáꞌá. Mouláꞌ áturáraꞌ toIahudiꞌ, ane molumaoheꞌ, tiꞌaraheꞌ peisá liu hangko i rosábu pelingkaꞌna, rekeꞌ-rekeꞌna hakilómete liu hantódiꞌ. hangko i Ierusale. 13Kahaweꞌraꞌ i Ierusale, liliuheꞌ lao i támbi katoroꞌáraꞌ haneꞌi mengkaheꞌheꞌ i lintuꞌ to i reá. Suronaheꞌ Pueꞌ Iesu iti iamoheꞌ:

Peturuꞌ hai Iohane ádina, Iakobu hai Andaria ádina;

Pilipu hai Tómá; Batolomeu hai Matiu;

Iakobu ánáꞌna Alapeu,#1:13 Alapeu: Tiꞌara taisá ba Alapeu deꞌe woꞌo umána Lewi (Matiu) toperóróꞌ ásele, láwiꞌ Lewi woꞌo ánáꞌna Alapeu. Básá Marakusi 2:14. Simoꞌ toSeloꞌ,#1:13 toSeloꞌ: Básá to teukiꞌ i wóiꞌ Marakusi 3:16-19.

hai Iudasiꞌ ánáꞌna Iakobu.#1:13 Iudasiꞌ ánáꞌna Iakobu: I Pototowiá to Woꞌu, ini tauna to rahangaꞌ Iudasiꞌ. Iudasiꞌ deꞌe tiꞌara Iudasiꞌ Isikarioꞌ. Básá woꞌo Lukasi 6:16 hai Iohane 14:22.

14Ionoꞌ moromu-romuheꞌ upu-upu hai bahangapa towawine, tepasuaꞌ Maria inána Iesu, hai ádina Iesu#1:14 ádina Iesu: Básá Matiu 13:55; Marakusi 6:3. araheꞌ woꞌo ionoꞌ. Hampepekiriheꞌ, hai mekakaeheꞌ hingkakani.

15Hangkani tempó, araheꞌ rekeꞌ-rekeꞌna hangatu hai rompuloꞌ tauna to hirámpu. I tempó iti, meángkáꞌ miꞌi Peturuꞌ molaluita i oloꞌraꞌ halalu hampepepoináláina, nauliꞌ, 16“Halalu-halalu, apa to teukiꞌ i lalu Sura Magasaꞌ hangaa-ngaa tebukeki. Hangkoia ara laluita to napahaweꞌ Inao to Magasaꞌ i Datu Daudiꞌ mokana i Iudasiꞌ Isikarioꞌ. Iudasiꞌ iti to mampoioruá tauna to lao mohakaꞌ Iesu. 17Iudasiꞌ iti napopewaliꞌ Pueꞌ Iesu topeguruNa, hai ia mobágóꞌ hingkakani hai kaiꞌ.”

18Tampoꞌ kamateána Iudasiꞌ rahóló hai dóiꞌ to nalámbiꞌ Iudasiꞌ tempóna mampobaluꞌ Iesu.#1:18 I kanaisána Iudasiꞌ apa to ina mewaliꞌ i Iesu, napenosoꞌi bábehiána iti hai napopasuleꞌ dóiꞌ iti i tadulakoraꞌ toIahudiꞌ (básá Matiu 27:3-5). Ionoꞌ miꞌi, ia manawoꞌ hai mate, mabeto taꞌina haneꞌi mabubu óntóꞌ laluna. 19Upu-upu toIerusale moisá apa to pewaliꞌ iti. Onoꞌ miꞌi haneꞌi tampoꞌ iti rahangaꞌ “Hakaldama.” Mouláꞌ básá Árá, básáraꞌ toIahudiꞌ, lempóna: Tampoꞌ Waheꞌ.

20Nauliꞌ wopiꞌi Peturuꞌ, “I lalu Sura Petóiá, teukiꞌ node:

‘Patodáhi miꞌi katoroꞌána malaheꞌ.

Ineeꞌ ara haweꞌ hadua tauna to mokatoroꞌi.’ (Sura Petóiá 69:25)

Hai ara woꞌo to teukiꞌ node:

‘Rángina miꞌi bágóꞌna naꞌala tauna ntániꞌna.’ ” (Sura Petóiá 109:8)

21-22Hangko ionoꞌ, napaliliu Peturuꞌ laluitana, nauliꞌ, “Halalu-halalu, onoꞌ miꞌi haneꞌi hangaa-ngaa ara hadua to kipileꞌi, to mosabiki woꞌo katueꞌna huleꞌ Pueꞌ Iesu.#1:21-22 katueꞌna huleꞌ Pueꞌ Iesu: Básá 1 Korintu 15:12-23; Roma 1:4; 4:25. Tauna to kipileꞌi iti, hangaa-ngaa hadua to biásá miꞌi hingkakani hai kaiꞌ i tempóna Pueꞌ Iesu ara i oloꞌkiꞌ, mantepuꞌu hangko i periuna Iohane duuꞌna haweꞌ i pengkaoreꞌána Pueꞌtaꞌ lao i surugáꞌ.”

23Hangko i oloꞌraꞌ, rapembiáꞌ rodua tobaleilo to ina rapileꞌi. Hadua rahangaꞌ Iusupu Barasaba,#1:23 Barasaba: Rompákáꞌ lempóna: ánáꞌna Saba, ba to raꞌánáka i alo Sabaꞌ (alo Satu). to rauliꞌ woꞌo Iustu,#1:23 Iusupu Barasaba, to rauliꞌ woꞌo Iustu: Ane toIahudiꞌ, biásá rompákáꞌ hangaꞌraꞌ: hangaꞌ i lalu básá Iberani hai hangaꞌ i lalu básá Latin ba básá Iunani. Iustu ia miꞌi hangaꞌna i lalu básá Latin. Babilaꞌ Iusupu Barasaba deꞌe ia miꞌi halaluna Iudasiꞌ Barasaba (básá Suro 15:22). hai karoduána Mátiá.#1:23 Mátiá: Mouláꞌ daritakáná toSarani hangkoia, Mátiá ia miꞌi hadua hangko i oloꞌraꞌ to pitu puloꞌna tauna to nahuoꞌ Iesu lao moánti bámbári to maroꞌa (básá Lukasi 10:1). Bahangapa parena hangko ionoꞌ, ia moánti Ngkóráꞌ Marasa i Etiopia. 24-25Roo onoꞌ, hadua hangko i oloꞌraꞌ mampekakaeáheꞌ, nauliꞌ, “Pueꞌ, Io to moisá laluraꞌ upu-upu tauna. Iudasiꞌ, to mewaliꞌ huoꞌáMu hangkoia, deꞌe-deꞌe mate miꞌi rahuku hintotoꞌ hai bábehiána. Onoꞌ miꞌi haneꞌi kipembiáꞌ i Hio Pueꞌ, bona Nupakanótóáꞌangkaiꞌ heáná hangko i oloꞌraꞌ tauna to rodua deꞌe to Nupileꞌi bona mewaliꞌ suroMu to ina mopaháwángi Iudasiꞌ mampopolumao bágóꞌMu.” 26Rooheꞌ mekakae, rabolobiaꞌ miꞌi.#1:26 rabolobiaꞌ miꞌi: ToIahudiꞌ mampoinálái Pueꞌ Ala to mopakanótó apa to mewaliꞌ (básá Paturoꞌ 16:33). Rooheꞌ mobolobiaꞌ, tiꞌara piꞌi teukiꞌ ara to mobolobiaꞌ láwiꞌ mantepuꞌu i Alo Pentakosta, upu-upu tauna to mepoinálái nateteꞌ Inao to Magasaꞌ, ba ara to mopahaweꞌ laluitana Pueꞌ Ala mokana i apa to ina mewaliꞌ. Rápáꞌna, básá Suro 11:12,27-28; 13:1-2; 15:28,32; 21:10-11. To kana ia miꞌi Mátiá. Ia raꞌángkáꞌ miꞌi mewaliꞌ surona Pueꞌ Iesu, bona gánáheꞌ hampuloꞌ hai rodua#1:26 hampuloꞌ hai rodua: Ara lempóna to kaladu hangaa-ngaa ara hampuloꞌ hai rodua surona Iesu. Rapahibali hai hampuloꞌ hai rontina toSáráeliꞌ. Lempóna, tauna to mepoinálái i Iesu mewaliꞌ toSáráeliꞌ to woꞌu. Hai surona Iesu to hampuloꞌ hai rodua iti ina mobutusi kárá-káráraꞌ toSáráeliꞌ to hampuloꞌ hai rontina hingkakani hai Iesu. Básá Matiu 19:28. Básá woꞌo Pampetudeꞌá 21:12-14. nodo to rungu-runguna.

Currently Selected:

Surona Pueꞌ Iesu 1: NTBEP

Highlight

Copy