Salmos 91
91
1Nu bönniʼ ruzxöni ládxëʼë Dios para gun chiʼë lëʼ,
en riziʼë Dios Nu napa idútë yöl-laʼ huáca, para gácalenëʼ lëʼ,
2gaca guiëʼ Xanruʼ: “Nacuʼ Nu run chiʼi nedaʼ, en Nu ruzóa nedaʼ tsutsu.
Nacuʼ Dios quiaʼ, ateʼ ruzxöni ládxaʼa Liʼ.”
3Usölá cazëʼ Dios Liʼ lu du yalaj que nu rizö́n bönachi,
en lu yödzöhuë́ʼ le rusuniti.
4Usubáguëʼë liʼ ca rusubágaʼbaʼ böra yuguʼ bö́radoʼ queë́baʼ,
ateʼ gaca chiʼu lu nëʼë ca raca quégacabaʼ bö́radoʼ zxan xílabaʼ yöjede.
Le run chiʼi rëʼu, en le ruzóa rëʼu tsutsu naca yöl-laʼ run ca rnna xtídzëʼë cheëʼ.
5Bitiʼ gádxinuʼ le run gadxi bönachi chiʼi dzö́ʼölö,
en bitiʼ gádxinuʼ yaga lahui tuchiʼ tuʼsë́ bönachi lahuiʼ dza,
6en bitiʼ gádxinuʼ yödzöhuë́ʼ le rilén ga naca chul-la,
en bitiʼ gádxinuʼ le naca xihuiʼ le ruti bönachi lahuiʼ dza.
7Ilátigaca chi gayuáʼ bönachi cuituʼ liʼ,
en iaʼchí cöʼ chi gayuáʼ cuituʼ ibëla,
pero bitiʼ bi gaca quiuʼ liʼ.
8Le nácatë uyú ináʼasuʼ,
en iléʼenuʼ le rubíʼi quégaca nupa tuáʼ döʼ.
9Tuʼ nuzúʼ-nëʼ Xanruʼ Nu run chiʼi liʼ,
nuzúʼ-nëʼ Dios nayë́pisëtërëʼ Nu gácalen liʼ,
10bitiʼ bi gaca quiuʼ le cabí naca dxiʼa,
en nitú le nachë́ʼ yödzöhuë́ʼ bitiʼ tsuʼu lidxuʼ,
11tuʼ cuʼu cazëʼ Dios liʼ lu náʼagaquiëʼ gubáz láʼayi queëʼ,
para ilún chiʼë liʼ gátiʼtës ga ridóʼ.
12Lu náʼagaquiëʼ ilaʼchë́ʼë liʼ,
para cabí tsöjchéguʼu guiö́j.
13Uléaj ulibuʼ bëdxi guixiʼ, en bëla síniaʼ.
Usunuʼ lëʼe labuʼ bëdxi guíxiʼdoʼ, en bëla xitsiníʼ.
14Rnnëʼ Dios: “Nadxiʼinëʼ nedaʼ, ateʼ que lë ni naʼ usöláʼ lëʼ.
Uzóaʼ-nëʼ tsaz xitsáʼtërö tuʼ núnbëʼë Laʼ.
15Ulidzëʼ nedaʼ, ateʼ ubiʼa didzaʼ.
Sóalenaʼ lëʼ cateʼ bi gaca queëʼ.
Usöláʼ lëʼ, en gunaʼ lëʼ bal.
16Uzándaʼa dza soëʼ ibanëʼ,
en uluíʼidaʼ-nëʼ ca gaca usöláʼ lëʼ.”
Currently Selected:
Salmos 91: zar
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
