Salmos 88
88
1Xanaʼ Dios, Nu rusölá nedaʼ,
rulidzaʼ Liʼ rëla, en te dza.
2Bëʼ lataj idxín loʼ le rulidzaʼ Liʼ.
Ruzë́ naguʼ le rinaba yúdxidaʼ Liʼ.
3Ruúbi ruguíʼi ládxiʼdaʼahuaʼ,
en chizóa tsöjtsáziaʼ lataj chul-la.
4Chinabábalenaʼ nupa chinátigaca.
Nacaʼ ca tu bönniʼ nudú dërö ládxëʼë,
5en nagáʼanëʼ cáʼasö ladaj nupa chinátigaca,
en ca nupa dë́gaca yeru ba,
nupa naʼ bítiʼrö röjnenuʼ,
en nusán noʼo léguequi.
6Nuzúʼ nedaʼ tu lu yeru zila,
ga naca chul-la, en le nácadaʼ zila.
7Rilenuʼ nedaʼ,
en rusacaʼ ziʼu nedaʼ tu lu nísadoʼ quiuʼ.
8Nucuásuʼ yúguʼtë nupa núnbëʼa.
Nunuʼ nedaʼ ca tu le taʼguti bönachi.
Nadzunaʼ, en bitiʼ gaca irúajaʼ.
9Tuʼ riguíʼi rizácaʼa nudú guiö́j lahuaʼ.
Tu dza tu dza rulidzaʼ Liʼ, Xan.
Richisa naʼa zacaʼ ga naʼ zuʼ.
10¿Naruʼ guntsoʼ yuguʼ yöl-laʼ huáca zxön
para gácalenuʼ nupa chinátigaca?
¿Naruʼ uluʼyasa nupa yúʼugaca lataj chul-la,
en ilaʼgúʼu Liʼ yöl-laʼ ba?
11¿Naruʼ uluʼluíʼi lahui yöl-laʼ dxiʼi ladxiʼ quiuʼ
nupa nagáchiʼgaca yeru ba?
¿Naruʼ uluʼluíʼi lahui nupa yúʼugaca lataj chul-la
ca runuʼ ca rnna xtídzuʼu?
12¿Naruʼ gaca bëʼ le zxön runuʼ ga naʼ naca chul-la?
¿Naruʼ gaca bëʼ nacuʼ tsahuiʼ ga naʼ cuntu nu bi röjné?
13Rulidzaʼ Liʼ nedaʼ para gácalenuʼ nedaʼ,
ateʼ yuguʼ zila ridxín loʼ le rinábidaʼ Liʼ.
14¿Bizx que nusán ládxuʼu nedaʼ, Xan?
¿Bizx que rucachiʼ loʼ lahuaʼ nedaʼ?
15Riguíʼi rizácaʼa, en chizóa gátiaʼ ga gudelaʼ nacaʼ bíʼidoʼ.
Réquidaʼ ziʼ tuʼ ruxösuʼ nedaʼ, en rudú ládxaʼa.
16Nabágaʼa nedaʼ yöl-laʼ rilé quiuʼ,
ateʼ chizóa usuniti nedaʼ le ruxösuʼ nedaʼ.
17Idú dza naca quiaʼ ca nabagaʼ nedaʼ nisa.
Nagúʼugaca nedaʼ lë́ʼajlö yuguʼ nisa.
18Nucuásuʼ ga zoaʼ nu nadxíʼi nedaʼ, encaʼ luzáʼa.
Zóalensö le naca chul-la nedaʼ.
Currently Selected:
Salmos 88: zar
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
