Salmos 129
129
1“Zian luzuí gulaʼbía no netuʼ ga gudelaʼ nácatuʼ raʼbandoʼ”,
huáca ilaʼnná bönachi Israel:
2“Zian luzuí gulaʼbía no netuʼ ga gudelaʼ nácatuʼ raʼbandoʼ,
pero bitiʼ gulaʼdeliʼ uluʼxicja netuʼ.
3Guca tsca buluʼgáʼana-baʼ bëdxi lu bëlaʼ cúdzuʼtuʼ,
en gulún tunna ga gudödi xiyágabaʼ bëdxi quégaquiëʼ.”
4Tsahuiʼ náquiëʼ Xanruʼ Dios.
Chinachúguëʼ du quégaca nupa tuáʼ döʼ le gulúguiʼni netuʼ.
5Ben ga uluʼtuíʼi, en uluʼhuécja guz cúdzuʼlö
yúguʼtë nupa bitiʼ taʼléʼe dxiʼa netuʼ, bönachi Sión.
6Ben ga ilácagaca ca guíxiʼdoʼ daʼ ícjoʼolö yuʼu,
le ribídxitë cateʼ niʼ naca huë́ʼënidoʼ.
7Bitiʼ gaca ulí nëʼe nu tsöjchugu le,
en bitiʼ gaca nu gachi tsölén guizxi que,
8en bitiʼ taʼnná nupa taʼdödi niʼ:
“Rinábituʼ-nëʼ Xanruʼ Dios gunëʼ ga gaca dxiʼa quiuʼ.
Lu Lëʼ Xanruʼ rinábituʼ Lëʼ gunëʼ ga gaca dxiʼa quiuʼ.”
Currently Selected:
Salmos 129: zar
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
