Pangngitanna Yohanes 10
10
Malaeka' anna lolongang suha' saohko'
1Tahpana yatoo kuitang mesa malaeka' matoho tuhung yaho mai di suruka nasapu' salehu', anna haho bää'na nalikoi tahauhe. Lindona pansillo' sinnoa mataallo, anna bihti'na sinnoa api meleä'-leä'. 2Di teyyena aha mesa lolongang suha' saohko' ang tibuhke. Bihti' kuananna mengngindä' di le'bo' anna bihti' kaihinna mengngindä' di kalantanang. 3Mekoha napekäyyängngi sinnoa oninna singa. Puhanna mekoha yato malaeka', natimba'ing pempitu kundäng sikäyyäng poduru-durunna. 4Puhanna yato kundäng, pemalamä' kuuki', ampo' tahpa unghingngiä' kamaha yaho mai di suruka naoatee, ”Padiinahammui supu samai ang natula' indo kundäng. Damong ungnguki'i!”
5Pihsananna yato malaeka' ang di le'bo' anna di kalantanang ungngängkä' teyye kuananna dai' di langi'. 6-7Mopinda umpake sanganna Puang Alataala ang tuho lambi' sapano-panona, ang umpadahi langi' anna lino sibaha le'bo' anna ingkänna ihsinna. Naoate yato malaeka', ”Ponna umponi terompe'na malaeka' kapitunna, la umpembabeminto pahtuyunna Puang Alataala ang dake' aha mangnginsang, sinnoa ang puha napainsangngi pano di ingkänna nabi, sabua'na. Tempona dang la tirende!”
8Tahpana yatoo kuhingngi bumi kamaha ang puha kuhingngi yaho mai di suruka naoaingkä'tee, ”Laoo do alai indo lolongang suha' ang tibuhke pano di teyyena malaeka' ang simesaang bihti'na di le'bo' anna di kalantanang.”
9Ya' mao siamä' do kupalau yato lolongang suha' saohko' anna malai nabeaä'. Lambi'ku pano naoantee, ”Alai anna ungngandei indee. Yaling di suamu la unsa'ding matänning sinnoa duho uhani ampo' yaling di kompemmu la unsa'ding mapäi'.” 10Kukandoing yato lolongang suha' saohko' mane kuandei. Di sua noa tora' mammi'na duho uhani, ampo' tahpana kubilling, yalinna di kompeng mapäi'mi. 11Puhai yatoo napahentamä' naoatee, ”Pepainsang buking pepasanna Puang Alataala didiona kamadahhaanna ingkänna bohto anna setomarayaang.”
Currently Selected:
Pangngitanna Yohanes 10: ATQ
Highlight
Copy
Compare
Share
Want to have your highlights saved across all your devices? Sign up or sign in
LAI 2004
