BAPOROMTAM ATAKAM 4
4
Era Surga oup owe baomep fe baemap asan atakam
1Emesare, Armat Ipit emes atakam akorekoromerawa, dere era Surga oup jimsap bapaiem aporo. Me bonak jane ajio atakam, fwi tamen. Anom atakam akoromen. “Ara asan akunaoey. Derarawa, asep bare ajinaoto pak, atakam wora akoromtemin.” Emes atakam aesimen. 2Me Allah Jip arawa, debimak binip ameteemomemkoromen. Derarawa, owe baomep fe baemap asan, era Surga oup aporo. Jipit takaam era fe baemap asan aemape. 3Era aemape Ipit bi, harga daytu eka juas baiduri pandanam, delimaam, emes sare tamen. Wanam bakao era fe baemap asan afofojetepe. Era bakao, eka juas samrud tamen. 4Wan fe baemap asan 24, era owe baomep fe baemap asan afojiapes aporo. Owe duturu 24am, era fe baemap asan aemapteteres. Are fasar pakaian ajiimompes. Are kuus bajamapom akot pak akuus taka taka ajamompes. Era akot pak, ere emas pak. 5Bwerkor era owe baomep fe baemap asan bomon apaparamjisimaye. Surga oup owe atakam binenikor era fe baemap asan andiames. Wurkoram era fe baemap asan bomon ajararamjisimaye. Sese poman ban jamnuk era fe baemap asan bonak asaramapes. Era sese, Allah Jip poman ban jamnuk tamen. 6Era fe baemap asan bonak, pak, daytinak kaca taka emes tamen aemanse. Anom daytinak bwi emes tamen are. Oweam era pak banamek akan bapemjatem are.
Era fe baemap asan pima bamintep takes, jatiaptam pak eak taka apok aememes. Era jatiaptam pak era aipam, era beakam, banamek tanane. 7Me wan jatiaptam pak, singa tamen. Me wan jatiaptam pak ere, sapi jii tamen. Me wan jatiaptam pak ere, abi asamot bi tamen. Me wan jatiaptam pak ere, warao apimar tamen. 8Era jatiaptam pak eak taka apok taka taka, jaro poman ban taka. Era jaro teneam, era jaro bomonam, banamek takes. Emesare, era jatiaptam pak, jokam, eamam, so aeemas. Are kais banda apoknak.
“Me Tuhan Allah turu anakotnak. Are fiaknak Ipit. Armat Ipit bonaknak aememaarir. Waaam aemeta. Asep baream aememaartem.”
Emes tere Allah baeom so aeemas. 9Me owe baomep fe asan aemapmar Ipit, jiine aemapaaremar Ipit are. Era jatiaptam pakam, atakam aokorea ajiemas. ‘Me Armat Ipit akotnak.’ Emes atakam aesima ajiemas. Are Armat Ipit asitima ajiemas. Are terima kasih atakam Armat Ipit okoroma ajiemas. 10Are emes atakam aesima ajiemas ere, era owe duturu 24, owe baomep fe baemap asan aemapmar Ipit bipu, bi fop andaejiapa ajiemas. Are era jiine baememaar Ipit asitima ajiemas. Are taka taka akuus bajamapom akotnak pak, era raja fe baemap asanpu ataetiia ajiemas. Ararawa, emes so aea ajiemas:
11“Wore daTuhan! Wore daAllah! Wore era pak takes akenemapomem. Emesare, Wore emes akot aporem, wanam era pak akenemapomem. Wore akot aporem. Erarawa era pak ji aereapes.
Erarawa, owe tere Wora aeoma ajiemas. Are Wora asitima ajimanis. Anom Wore fiaknak, emes atakam akorea ajiemas. Emesare, Wore era pak takes awar Ipit, Wore erare.”
Emes so aea ajiemas.
Currently Selected:
BAPOROMTAM ATAKAM 4: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
