YAKOBUS 3
3
Asamot owe koman atakam
1Dejoo owe akotnak! Tare baememtam baemem owe, ere tanane bas. Ara aemapom baememtam owe pota pak aemtam, Allah atakam basakamtii daytu dara aemtemaro. Are ere, era bambi owe atakam basakamtii kopenak emes aemtem. 2Emesare, dare takes pota pak aemmarom. Owe pota atakam bakore apok aemtas, are turunak owe. Are jak fiaknak owe erare. 3Emesare, dare besi bino, kuda okone ataapomemarom. Erarawa dare ara kuda basakamtam atakam ji bae aememarom. Are kudaam, ara basakamtam atakam asan takes, aesoseme. 4Wanam, kapal bimak binip atetaramay. Emesare, are daytinak. Era bui daytuam ara kapal ajumeme. Me, era tia bajam ipit, kemudi kope, ara kapal ta ajameme. 5Emesare, asamot komanam emes tamen are. Are kopenak. Me, are atakam daytinak akoreme.
Era wasen, ere wus daytinak. Me, jisimak tanam kope, wus daytu ambomtiieme. 6Me ara koman, ere jisimak tanam kope tamen are. Are jokomannak. Me ara koman ere dadamo poman. Are dadamo takes, asan pota aemapomum. Era koman ere, neraka jisimak are dadamo takes ambomtiikoromum. 7Asamot owe, era wasen binatang kupisam, era sakao kupisam, era ajejarmas binatang kupisam, era enamo kupisam, aemomemkoromemas. Asamot oweam era pak kupis takes emekumimosomes. 8Asamot owe ere, akoman amba baemeemomem asan apok. Era koman, ere jokoman atakam. Owe era jokoman atakam baemekarim asan apok. Ara koman, ere jokoman amber sisi tamen. Ere dambir pak. 9Dakoman dare Tuhan tere aeomemarom. Tuhan, ere Daritipit. Me dakomanam tame atakam asamot owe akoromemarom. Allah ere, asamot owe, abi taka akenemapome. 10Era tere baeom atakamam, era tame atakamam, atakam era okone taka ajisim. Dejoo owe akotnak! Emes potanak! 11Dare eojafa bwi ajirtam, era bwi, akotam, potaam, apok. Era bwi wan bwi akot apaye, wan bwi pota apaye, ere erare. 12Dejoo owe akotnak! Wus juas “ara,” eek juas “saitun” baemepeomtep asan apok. Anggur sinimam, ara eek baemepeomtep asan apok. Eojafa bwi koma, bwi akot, baemejisim asan apok.
Allah atetamemar bimak binip basonak pak atakam
13Me tare wan owe, bimak binip basoam, tamsam daytuam, emes owe aememmakam apeno. Emesare, emes owe, akot pak jipu baemtas. Era aememas pak takes, bimak binip baso pak jipu baemtas. Ara amba baemetemtem bas. Emesare, era pak takes aemtas, are bimak binip basoam, amsam daytuam, emes owe baemem aporotamtemas. 14Me, tare itim akemmakam apaye, bifane afeomemmakam apaye, tare tapak taka aporomepmakam apaye, ere tamba baemetemtem bas. Tanom: “Dare bimak binip basonak,” emes pote atakam bakore bas.
15Emes “bimak binip baso pak,” ere Allah atetamemar pak apok. Ere ara aemansa tapirmi pak. Ere asamot owe jak basenomem pak. Anom bii pak. 16Me owe itim akeemas asanam, era owe apak taka aporompemas asanam, ere era asan batutum daytu asan erare. Anom pota pak kupis asan erare. 17Me, Allah atetamemar bimak binip baso pak, ere asan pota apok bimak binip erare. Are owejie bakipimtaer are. Are tayieakot baem pak are. Are jane apok bimak binip apok. Are owe soro daytu bimak binip. Are akot pak jipu baem daytu. Are turu pak jipu baem are. Are pi bae binip apok. Emes are. 18Era owe bajamfaimam jak baseseromem owe, owe ajamfaimamtas, are turunak owe aemememas.
Currently Selected:
YAKOBUS 3: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
YAKOBUS 3
3
Asamot owe koman atakam
1Dejoo owe akotnak! Tare baememtam baemem owe, ere tanane bas. Ara aemapom baememtam owe pota pak aemtam, Allah atakam basakamtii daytu dara aemtemaro. Are ere, era bambi owe atakam basakamtii kopenak emes aemtem. 2Emesare, dare takes pota pak aemmarom. Owe pota atakam bakore apok aemtas, are turunak owe. Are jak fiaknak owe erare. 3Emesare, dare besi bino, kuda okone ataapomemarom. Erarawa dare ara kuda basakamtam atakam ji bae aememarom. Are kudaam, ara basakamtam atakam asan takes, aesoseme. 4Wanam, kapal bimak binip atetaramay. Emesare, are daytinak. Era bui daytuam ara kapal ajumeme. Me, era tia bajam ipit, kemudi kope, ara kapal ta ajameme. 5Emesare, asamot komanam emes tamen are. Are kopenak. Me, are atakam daytinak akoreme.
Era wasen, ere wus daytinak. Me, jisimak tanam kope, wus daytu ambomtiieme. 6Me ara koman, ere jisimak tanam kope tamen are. Are jokomannak. Me ara koman ere dadamo poman. Are dadamo takes, asan pota aemapomum. Era koman ere, neraka jisimak are dadamo takes ambomtiikoromum. 7Asamot owe, era wasen binatang kupisam, era sakao kupisam, era ajejarmas binatang kupisam, era enamo kupisam, aemomemkoromemas. Asamot oweam era pak kupis takes emekumimosomes. 8Asamot owe ere, akoman amba baemeemomem asan apok. Era koman, ere jokoman atakam. Owe era jokoman atakam baemekarim asan apok. Ara koman, ere jokoman amber sisi tamen. Ere dambir pak. 9Dakoman dare Tuhan tere aeomemarom. Tuhan, ere Daritipit. Me dakomanam tame atakam asamot owe akoromemarom. Allah ere, asamot owe, abi taka akenemapome. 10Era tere baeom atakamam, era tame atakamam, atakam era okone taka ajisim. Dejoo owe akotnak! Emes potanak! 11Dare eojafa bwi ajirtam, era bwi, akotam, potaam, apok. Era bwi wan bwi akot apaye, wan bwi pota apaye, ere erare. 12Dejoo owe akotnak! Wus juas “ara,” eek juas “saitun” baemepeomtep asan apok. Anggur sinimam, ara eek baemepeomtep asan apok. Eojafa bwi koma, bwi akot, baemejisim asan apok.
Allah atetamemar bimak binip basonak pak atakam
13Me tare wan owe, bimak binip basoam, tamsam daytuam, emes owe aememmakam apeno. Emesare, emes owe, akot pak jipu baemtas. Era aememas pak takes, bimak binip baso pak jipu baemtas. Ara amba baemetemtem bas. Emesare, era pak takes aemtas, are bimak binip basoam, amsam daytuam, emes owe baemem aporotamtemas. 14Me, tare itim akemmakam apaye, bifane afeomemmakam apaye, tare tapak taka aporomepmakam apaye, ere tamba baemetemtem bas. Tanom: “Dare bimak binip basonak,” emes pote atakam bakore bas.
15Emes “bimak binip baso pak,” ere Allah atetamemar pak apok. Ere ara aemansa tapirmi pak. Ere asamot owe jak basenomem pak. Anom bii pak. 16Me owe itim akeemas asanam, era owe apak taka aporompemas asanam, ere era asan batutum daytu asan erare. Anom pota pak kupis asan erare. 17Me, Allah atetamemar bimak binip baso pak, ere asan pota apok bimak binip erare. Are owejie bakipimtaer are. Are tayieakot baem pak are. Are jane apok bimak binip apok. Are owe soro daytu bimak binip. Are akot pak jipu baem daytu. Are turu pak jipu baem are. Are pi bae binip apok. Emes are. 18Era owe bajamfaimam jak baseseromem owe, owe ajamfaimamtas, are turunak owe aemememas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1994