YAKOBUS 2
2
Wan owe akot, wan owe pota, emes bajie bajatemotaer atakam
1Dejoo owe akotnak! Tare Yesus Kristus, Akotipitnak Tuhan eemnak ambesemkorommakam. Erarawa tare wan owe asan akot baem, wanam wan owe asan pota baem, emes bas. 2Owe jamnuk tasamayen tame ajiiemtemamis apeno. Me wan ipit emes cincin abanefe aemomemtem. Me apakaianam, ere akotnak ajiimomemtem. Me wan ipit ere, apakaian fakanak. 3Tare era pakaian akotnak aptam ipit asitimemakam apeno. Tare atakamam, “Wore era akotnak asan aemapey,” emes atakam aesimemakam apeno. Tararawa, atakam era pakaian faka aptam ipit, “Wore ara asan aememey,” emes atakam aesimemakam apaye, “Wore debaipu andaeapey,” emes atakam aesimemakam apaye, 4ere tare wan ipit tamen ambarefirimemomemakam. Tare, owe akot apaye, pota apaye, emes atakam basakamtii owe aemememakam. Me, tare bimak binip pota owe.
5Dejoo owe akotnak! Tanom ara atakam jane pajiay. Allah era pak apok owe eemnak Ara bamesemkorom aereremartaaem. Are era owe, aobaomep owe baemem aereremartaae. Are Armat Ipit afaimemas owe, aowe baemem, ataaji aee. 6Tare ere, era pak apok owe bifane afeomemakam. Me, era bai aepirememan owe tanam? Me jaos pak atakam basakamtii owe bipu atatapimtaaeman owe tanam? Emesare, ere era pak daytu owe are. 7Yesus Kristus tara aemomemman. Era pak daytu owe ere, Armat Ipit juas akot tame atakam akoremas.
8Me, era daytu basakamtam atakamam, “Wore wodamo afaimmarem. Wonom era wan asamot owe emes afaimmarem tamen afaimomey.” Alkitab emes atakam aeapoma. Tare era basakamtam atakam ji aetakam, ere akot pak aemmakam. 9Tare ere, wan owe afaimtakam, wanam wan owe bifane afeomemtakam, ere dosa aemmakam. Allaham, “Emesare, tare deBasakamtam Atakam baoo owe aememmakam,” emes atakam aesimteman. 10Owe era basakamtam atakam tanane ji aees apaye, me basakamtam atakam takakope aooes apaye, are ara basakamtam atakam takes baoonak aemes. 11Allaham, “Tani tamane bajamdamat bas.” Emes atakam aesimen. Me Armat Ipitam, “Owe tatiitakam.” Emes atakam aesimen. Tare tani tamane bajamdamat apok aemmakam apaye, me, tare owe atatiimakam apaye, ere tare basakamtam atakam baoo owe erare. 12Me Allah Basakamtam Atakam, tara asurumtamman emes tamen are. Armat Ipitam, era aemmakam pak era atakam jipu apaye, era basakamtam atakam jipu apok apaye, emes atakam asakamtiitem. Emesare, ara akoremakam atakamam, era aemmakam pakam, turuar. 13Era jaos pak atakam basakamtii ipit, owe soro bajiomem apok owe, soro bajiomem apok aemum. Dare ere, owe soro ajiomemtam, dare era jaos pak basakamtii atakam, ombare apok aememtemarom.
Yesus bamesem, ir pitin taka atakam
14Dejoo owe akotnak! Owe atakam akoretetertas, “Dere Yesus eemnak ambesemkorommin,” emes atakam aesimtetertas, me, era owe akot pak jipu baem apok aemtas, era owe Yesus eemnak bamesemkorom owe apok. Allaham emes bamesem atakam owe, bajortaer apok aemtem. 15Me wan Yesus bajamkai owe pakaian apok aememmas apaye, amosto aememmas apaye, 16wanam owe atakam akoretas, “Asan akot aesosay. Damo jufuam baemap bas. Jakam atukuapay,” emes atakam aesimtas, me, are era owe pak batetam apok aemtas, aatakam bambinak atakam. 17Owe atakam akoretetertas, “Dere Yesus eemnak ambesemkorommin,” emes atakam aesimtetertas, wanam are akot pak jipu baem apok aemtas, era owe Yesus bamesem apok.
18Wan owe ere, emes atakam akoremas apeno: “Wan owe Yesus ambesemmas. Wan owe ere, akot pak jipu aemmas.” Emes atakam aesimemas apeno. Me, wore Yesus bamesem, wanam akot pak baem apok, emes baporomtaman. Erarawa wore emes baemeem asan apok. Dere ere, era akot aemmin pak, dere Yesus eemnak bamesemkorom ipit, emes wora aporomtamtemin. 19Wore, “Allah takanak,” emes atakam eemnak ambesemkorommarem. Emes akotnak. Me, era bii takesam emes atakam eemnak ambesemkorommas. Ararawa, ombare damo ditamen andimas. 20Emesare, wore bimak binip apok. Oweam, “Dere Yesus ambesemmin,” emes atakam aesimtas, wanam are akot pak baem apok aemtas, era bamesem ere bambinak erare. Wore emes atakam jane bajiekorom akot ape? 21Me darerokor Abraham aeme pak, bimak binip atetaramay. Armat ipit, andep Ishak, era joo oup, Allah Jis bajaatam, aememen. Allah era aeme pak apore, wanam, “Abraham, turunak Ipit,” emes atakam asakamtiien. 22Me Abraham ere, Allah bamesem taka apok. Anom Allah atakam ji aeen. Era aeme pak, are Allah eemnak ambesemkorome aporomtamen. Wonom emes apormarem apeno. 23Emesare, Alkitabam, “Abraham, Allah eemnak ambesemkoromen. Erarawa Allah, armat ipit turunak ipit, emes atakam asakamtiien.” Emes atakam aeapoma. Me Abraham aeme pak, Alkitab atakam jipu. Allaham, “Abraham, ere dejoo ipit,” emes atakam aesimen. 24Owe Allah eemnak bamesemkorom taka, wanam akot pak jipu baem apok aemtas, Allah era owe, turunak owe, emes atakam basakamtii apok aemtem. Me, owe Allah eemnak ambesemkoromtas, wanam akot pak aemtas, Allah era owe, turunak owe, emes atakam asakamtiitem. Tanom emes apormakam.
25Me Rahab aeme pakam bimak binip atetaramay. Bonak ere, are jasipar taot aemapen. Me, are akot pak jipu aeme, wanam Allah, are turunak taot, emes atakam asakamtiien. Era taot, Israel owe kota Yeriko owe tanane apaye, janderes apaye, fiak apaye, kumiti apaye bapor owe, atame atoomjiien. Ararawa, era owe wan bokotpu aesomasen. (Era jokoman owe, era owe batatii-ombar.) 26Era anakot ipit ajisto, era asamot ipit ere dambir are. Oweam Allah ambesemtas, wanam akot pak jipu baem apok aemtas, ere era owe Allah eemnak bamesemkorom apok. Me era bamesem atakam dambir emes tamen are.
Currently Selected:
YAKOBUS 2: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
YAKOBUS 2
2
Wan owe akot, wan owe pota, emes bajie bajatemotaer atakam
1Dejoo owe akotnak! Tare Yesus Kristus, Akotipitnak Tuhan eemnak ambesemkorommakam. Erarawa tare wan owe asan akot baem, wanam wan owe asan pota baem, emes bas. 2Owe jamnuk tasamayen tame ajiiemtemamis apeno. Me wan ipit emes cincin abanefe aemomemtem. Me apakaianam, ere akotnak ajiimomemtem. Me wan ipit ere, apakaian fakanak. 3Tare era pakaian akotnak aptam ipit asitimemakam apeno. Tare atakamam, “Wore era akotnak asan aemapey,” emes atakam aesimemakam apeno. Tararawa, atakam era pakaian faka aptam ipit, “Wore ara asan aememey,” emes atakam aesimemakam apaye, “Wore debaipu andaeapey,” emes atakam aesimemakam apaye, 4ere tare wan ipit tamen ambarefirimemomemakam. Tare, owe akot apaye, pota apaye, emes atakam basakamtii owe aemememakam. Me, tare bimak binip pota owe.
5Dejoo owe akotnak! Tanom ara atakam jane pajiay. Allah era pak apok owe eemnak Ara bamesemkorom aereremartaaem. Are era owe, aobaomep owe baemem aereremartaae. Are Armat Ipit afaimemas owe, aowe baemem, ataaji aee. 6Tare ere, era pak apok owe bifane afeomemakam. Me, era bai aepirememan owe tanam? Me jaos pak atakam basakamtii owe bipu atatapimtaaeman owe tanam? Emesare, ere era pak daytu owe are. 7Yesus Kristus tara aemomemman. Era pak daytu owe ere, Armat Ipit juas akot tame atakam akoremas.
8Me, era daytu basakamtam atakamam, “Wore wodamo afaimmarem. Wonom era wan asamot owe emes afaimmarem tamen afaimomey.” Alkitab emes atakam aeapoma. Tare era basakamtam atakam ji aetakam, ere akot pak aemmakam. 9Tare ere, wan owe afaimtakam, wanam wan owe bifane afeomemtakam, ere dosa aemmakam. Allaham, “Emesare, tare deBasakamtam Atakam baoo owe aememmakam,” emes atakam aesimteman. 10Owe era basakamtam atakam tanane ji aees apaye, me basakamtam atakam takakope aooes apaye, are ara basakamtam atakam takes baoonak aemes. 11Allaham, “Tani tamane bajamdamat bas.” Emes atakam aesimen. Me Armat Ipitam, “Owe tatiitakam.” Emes atakam aesimen. Tare tani tamane bajamdamat apok aemmakam apaye, me, tare owe atatiimakam apaye, ere tare basakamtam atakam baoo owe erare. 12Me Allah Basakamtam Atakam, tara asurumtamman emes tamen are. Armat Ipitam, era aemmakam pak era atakam jipu apaye, era basakamtam atakam jipu apok apaye, emes atakam asakamtiitem. Emesare, ara akoremakam atakamam, era aemmakam pakam, turuar. 13Era jaos pak atakam basakamtii ipit, owe soro bajiomem apok owe, soro bajiomem apok aemum. Dare ere, owe soro ajiomemtam, dare era jaos pak basakamtii atakam, ombare apok aememtemarom.
Yesus bamesem, ir pitin taka atakam
14Dejoo owe akotnak! Owe atakam akoretetertas, “Dere Yesus eemnak ambesemkorommin,” emes atakam aesimtetertas, me, era owe akot pak jipu baem apok aemtas, era owe Yesus eemnak bamesemkorom owe apok. Allaham emes bamesem atakam owe, bajortaer apok aemtem. 15Me wan Yesus bajamkai owe pakaian apok aememmas apaye, amosto aememmas apaye, 16wanam owe atakam akoretas, “Asan akot aesosay. Damo jufuam baemap bas. Jakam atukuapay,” emes atakam aesimtas, me, are era owe pak batetam apok aemtas, aatakam bambinak atakam. 17Owe atakam akoretetertas, “Dere Yesus eemnak ambesemkorommin,” emes atakam aesimtetertas, wanam are akot pak jipu baem apok aemtas, era owe Yesus bamesem apok.
18Wan owe ere, emes atakam akoremas apeno: “Wan owe Yesus ambesemmas. Wan owe ere, akot pak jipu aemmas.” Emes atakam aesimemas apeno. Me, wore Yesus bamesem, wanam akot pak baem apok, emes baporomtaman. Erarawa wore emes baemeem asan apok. Dere ere, era akot aemmin pak, dere Yesus eemnak bamesemkorom ipit, emes wora aporomtamtemin. 19Wore, “Allah takanak,” emes atakam eemnak ambesemkorommarem. Emes akotnak. Me, era bii takesam emes atakam eemnak ambesemkorommas. Ararawa, ombare damo ditamen andimas. 20Emesare, wore bimak binip apok. Oweam, “Dere Yesus ambesemmin,” emes atakam aesimtas, wanam are akot pak baem apok aemtas, era bamesem ere bambinak erare. Wore emes atakam jane bajiekorom akot ape? 21Me darerokor Abraham aeme pak, bimak binip atetaramay. Armat ipit, andep Ishak, era joo oup, Allah Jis bajaatam, aememen. Allah era aeme pak apore, wanam, “Abraham, turunak Ipit,” emes atakam asakamtiien. 22Me Abraham ere, Allah bamesem taka apok. Anom Allah atakam ji aeen. Era aeme pak, are Allah eemnak ambesemkorome aporomtamen. Wonom emes apormarem apeno. 23Emesare, Alkitabam, “Abraham, Allah eemnak ambesemkoromen. Erarawa Allah, armat ipit turunak ipit, emes atakam asakamtiien.” Emes atakam aeapoma. Me Abraham aeme pak, Alkitab atakam jipu. Allaham, “Abraham, ere dejoo ipit,” emes atakam aesimen. 24Owe Allah eemnak bamesemkorom taka, wanam akot pak jipu baem apok aemtas, Allah era owe, turunak owe, emes atakam basakamtii apok aemtem. Me, owe Allah eemnak ambesemkoromtas, wanam akot pak aemtas, Allah era owe, turunak owe, emes atakam asakamtiitem. Tanom emes apormakam.
25Me Rahab aeme pakam bimak binip atetaramay. Bonak ere, are jasipar taot aemapen. Me, are akot pak jipu aeme, wanam Allah, are turunak taot, emes atakam asakamtiien. Era taot, Israel owe kota Yeriko owe tanane apaye, janderes apaye, fiak apaye, kumiti apaye bapor owe, atame atoomjiien. Ararawa, era owe wan bokotpu aesomasen. (Era jokoman owe, era owe batatii-ombar.) 26Era anakot ipit ajisto, era asamot ipit ere dambir are. Oweam Allah ambesemtas, wanam akot pak jipu baem apok aemtas, ere era owe Allah eemnak bamesemkorom apok. Me era bamesem atakam dambir emes tamen are.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1994