1 TIMOTIUS 6
6
Bambi karai baetam owe atakam
1Me wan Kristus bajamkai owe, ere bambi karai baetam owe aememes. Era owe ere, era karai armat ipit atakam akot bakoromtas. Owe tame atakam Allah bakorom-ombar. Oweam ara aememtammarom atakam, pota atakam bakore-ombar. 2Wan bambi karai baetam owe akarai armat owe, Kristus eemnak ambesemkorommas. Are, akarai baetam oweam, Kristus takan ajamkaimas. Emesare, era bambi karai baetam owe, bifane era owe bafeomem bas. Era aetammas karai, asan akot, era karai armat owe batetam pak erare. Era karai armat owe, Kristus eemnak ambesemkorommas. Era bambi karai baetam oweam, era karai armat owe afaimemas. Emesare are karai akotnak era owe baetamtas. Emesare, wore emes atakam era owe aememtamey. Ara atakamam ataane era owe aoweomey.
Pak jipu basenomem atakam
3Wan owe ere, wan atakam aememtammas. Aatakamam, Yesus Kristus daTuhan atakamnakam, ere awar apok. Aatakamam, turunak owe baemem atakamam, ere awar apok. 4Era owe amba aemetemtemas. Me, are amsam apoknak. Are bambi pak bajatepor jak asenomemas. Are pak juas atakam bajamkoram jak asenomemas. Emesare, owe bi afamemas. Owentakamam aememas. Tame atakamam akoremas. Pota pakam ambaperemtiitamemas. 5Owentakam atakamam ajamkoramemas. Me abimak binipam pota. Are era atakamnak ambompimes. Abimak binip ere, “Dare Yesus eemnak bamesemkorom owe aememtam, pak daytu ataattemarom,” emes bimak binip atetaramemas.
6Yesus eemnak bamesemkorom owe aememtas, are anakot pak daytinak ataattemas— are jak akot era pak taka aemomemtas are. 7Dare ajisamesteterom ere, dare pak apok ajisamesteterom. Wanam dambir aemtam, danom pak baemetuomas asan apok. 8Emesare dare amos anama pakaian, era taka aemomemtam, dare jak akot aememtemarom. 9Wan owe pak daytu bataet jak asenomemas. Ajak basenomem pak ere, era owe dosa baem batatapimtaa daytinak aemtem. Era oweam siso bomon tamen ajiiapemas. Era jak asenomemas pak, ere janda pak erare. Are bajurusum pak erare. Era jak basenomem pak, era owe neraka bomon ajimomjiitem. 10Uang basenomem owe, asan pota pak kupis aememas. Wan owe uang basenomem daytinak aemes. Emesare are Kristus bamesem ambompimes. Ararawa, ajirisemes. Are jak apok aememes.
Paulus, Timotius wan ataane atakam
11Me, wore ere, Allah bajamkai ipit. Wore era pak takes ombare aesosey. Wonom turunak ipit aememporkoromey. Allah atakam jiam aeeporkoromey. Kristus damo taka ambesemkoromey. Owe afaimporkoromey. Jak jirao aememporkoromey. Tayieakotnakam aememporkoromey. 12Wore Kristus Yesus eemnak ambesemkorommarem. Emesare, karai era Armat Ipit baetam, jati daytu ajameaarey. Wore Kristus eemnak ambesemkorommarem atakam, ateman akot, owe tanane bipu atamem. Emes aemem ere, Allaham wore jiinenak baemaar pak batoomem, emes atakam wora asakamtamen. Emesare, wore jiinenak baemaar pak, emes aemomey. 13Allah, pak takes jati aemapommar. Kristus Yesusam ateman akotnak Pontius Pilatus bipu atame. Emesare, dere Allah bipuam, Kristus Yesus bipuam, atakam wora asakamtammin: 14“Me Allah atakam wora asakamtamen atakam ji ajameekoromey. Era basakamtam atakam baoo bas— Yesus Kristus daTuhan bare aemamesto ajiirea.” Wore emes atakam asakamtammin. 15Asan akot aporto, Allah, Kristus, asamot owe aporomtamtem. Emesare, era atakam basakamtam Ipit, ere Allah taka are. Are asan akot baem Ipit. Anom raja anakot. Anom Tuhan anakot. 16A taka, ere jiinenak Ipit. Anom sare paknak bomon aemapem. Asamot oweam, era sare setep baemebaromem asan apok. Asamot oweam Armat Ipit bi bapor apok aemes. Are Armat Ipit bi baemepor asan apok. Emesare, owe, Armat Ipit basitimaartas. Are, “Allah takes aobaomep baememaartas,” emes atakam bakoromaartas. Ara atakam, ere atakamnak.
Pak daytu aemomemmas owe atakam
17Emesare, wan owe ara aemansa tapirmi pak daytu aemomemmas. Wonom atakam era owe asakamtamey: “Tamba baemetemtem bas. Ara pak emes abaateemames apok. Erarawa era pak jiirey baemee bas. Allah jiirey taka aeey. Armat Ipit pak daytu atetamemaro. Ere dare jak akot baemem pak erare. 18Tanom akot pak aemaaray. Era akot pak daytinak aemaaray. Tanom pak sai asaiay. Pak wan owe batetam jak aseseremay.” Emes atakam asakamtamey. 19Emesare, era owe emes aemtas, are ara anakot pak ataapomtemas. Ararawa, asep bare asan akot aememtemas. Are era jiine anakot atoomemtemas.
20Timotius! Allah wora ataetiitamen atakam turuar. Wan owe atakam anakot amsamen. Me, era amsam pak ere atakam anakot apok. Ere pota atakam. Anom janda owe atakam bajamkoram atakam. Emesare, wore era atakam beak sos asotamey. 21Wan owe era atakam ajamkaies. Ararawa, Kristus eemnak bamesemkorom bokot, janda aememes.
Emesare, Allah asan akot tara batetamtan.
Currently Selected:
1 TIMOTIUS 6: LAIASC
Highlight
Copy
Compare
Share
Want to have your highlights saved across all your devices? Sign up or sign in
@LAI 1994
