BILANGAN 36
36
Bale bela bife-bife le anmamone
1Ale nakaf ume nanan anbi ume Nai Gilead Nai Makhir anmone. Nai Manasye upuf, Nai Yusuf anmone, anao neu Nai Musa ma nakaf-nakaf bian. 2Sin nak, “Uisneno anlenu ki ambati pah nane neu atoni Israel nok lanan anhelan sulat. In amsa anlenu ki amfe bale bela hai naof Nai Zelafehad neu in anfeto sin. 3Mes nati' mimnau leka sin anmamone nok atoni na'ko uf bian, sin nain nane anmofu neu nimaf uf nane. Nok nane te nain le natetab nani on hai pa' of ansanu. 4Anbi Ton Anfe Nafani, anbi tabu ale amaus le nasosa nalali anfe nafani neu tuaf ahunut, nain anfeto Nai Zelafehad nane of nabala anfani sin in-ini kun, talante hai uf sin nain nane namneku.”
5Oke te Nai Musa natiaba neu to Israel plenat i le na'ko Uisneno nak “Sa' le atoni-atoni na'ko Nai Yusuf in sufan sin natiaba nane namneo, 6ma natuin lasi nane te Uisneno nakua a'an nak Nai Zelafehad in anfeto sin nabe'i sin anmamone nok atoni me le sin anlomi, al nati' atoni nane uf mese nok sin. 7Pah bale bela atoni Israel mese-mese anfutnon nabala neu in uf. 8Bife mese-mese le napeni pah bale bela anbi uf mese na'ko nonot Israel, mes anmamone nok atoni na'ko uf nane amsa. Nok nane te atoni Israel mese-mese of sin napeni pah bale bela sin amfenu, 9talante pah bale bela nane ka natnani fa na'ko uf mese neu uf bian. Uf mese-mese na'ko nonot Israel of bale bela nane nabala anfani sin in-ini kun.”
10-11Es nane te anmatom nok plenat Uisneno neu Nai Musa, Nai Zelafehad nane in anfeto nim sin, es bi Mahla, bi Tirza, bi Hogla, bi Milka ma bi Noa sin anmamone nok atoni-atoni le fe sin naofenu na'ko sin amaf. 12Sin anmamone nok atoni-atoni na'ko ume nanan uf nonot Nai Manasye, Nai Yusuf anmone. Nok nane te sin pah bale bela nabala anfani sin in-ini kun na'ko uf nonot sin amaf.
13Nane lekat lulut ma ale lasi tfeka le Uisneno anfe nani neu to Israel nao nok Nai Musa, anbi tabu to Israel anbi mnela Moab anbi Noe Yordan ninen anhaumak kot Yerikho.
Currently Selected:
BILANGAN 36: AOZ
Highlight
Copy
Compare
Share
Want to have your highlights saved across all your devices? Sign up or sign in
