HOSEA 6
6
Atoni Israel ka na'pis fa nok amneot
1Atoni-atoni Israel namolok nak, “Aim he hit atfani neu Uisneno. In es namenab kit, mes In es of naleko kit amsa. In es napapa' kit, mes In es of anpaloli hit papa'-papa' sin. 2Anbi neno nua ai tenu le i In of naleko kit, ma of In naneo ma nahafo kit anbi hit monik. 3Es nane te aim nai nok nek amneot hit tatuin Uisneno In lomin. In of nem neu kit onle manas in pinan, ma onle ulan le anpofi pah pinan leka oefat namsopu.”
4Mes Uisneno nakua a'an nak, “Hoi Israel ma Yehuda! Au he moe sa' neu ki? Hi nek maliaba nane neu Kau of namneku labah onle nipu ai akum anbi nok-noka. 5Es nane te Au lelu ulali Au Mafefa knino sin he naton neu ki Au lasi fekat neu of Au kas ki ma ule'un ki. Le Au lomi na'ko ki naknino'on nalali: 6Au lomi nesin he hi mihin Au salit ma amnek Kau piut, na'ko hi motu ma mitulu fua tulu neu Kau.
7Mes onle Nai Adam, hi misuan hi lasi manta'en mok Kau. 8Gilead nane kot le nahenu nok maufinu ma malolot. 9Ale ana' fuat anbi kot nane onle pukan asikat le an eka atoni le sin nao natuin bale nane. Anbi lanan le nao natuin bale knino Sikhem amsa anmu'i malolot anbine! Nok nek be'et sin anmoe maufinu nane. 10Anbi Israel Au it lasi mese le neki amtaus esle': Au to nalahib sin monin natuin sin naluli nabes neu fatu le'u ma hau le'u.
11Neu ki, hoi atoni Yehuda, Au lek ma lulu ulali tabu neu he nati' Au kas ki amsa natuin hi taos ma hi mo'et sin.”
Currently Selected:
HOSEA 6: AOZ
Highlight
Copy
Compare
Share
Want to have your highlights saved across all your devices? Sign up or sign in
